Urkunde Nr. 1113 aus Band II

Seite im UB:

507-509 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1113

Diósgyőr 1379 September 4 König Ludwig I. schlichtet den Streit zwischen der Stadt Klausenburg einerseits und dem Magister Jakob, Sohn Nikolaus' von Drag, und Genossen andererseits, betreffend die von den Klausenburger Kaufleuten auf den Besitzungen des genannten Magisters Jakob und Genossen zu entrichtenden Abgaben. [S. 508]

Nos Lodouicus dei gratia rex Hungariae, Poloniae, Dalmaciae et cetera memoriae commendamus tenore praesentium significantes quibus expedit universis, quod Nicolaus filius Thomae iudex ac alter Nicolaus filius Johannis cives nostri de Koloswar suis item universorum civium et hospitum nostrorum ac mercatorum de eadem in personis in nostrae celsitudinis conspectum venientes nobis declarare curarunt querulose, quod magister Jacobus filius Nicolai de Dragh et fratres ac cognati eiusdem de rebus ipsorum iudicis, iuratorum et civium ac hospitum nostrorum et mercatorum mercimonialibus contra antiquam et privilegiatam ipsorum libertatem tributum in possessionibus eorundem in Transsiluanis partibus habitis exigi consuetum reciperet et misericordia absque omni recipi faceret incessanter in praeiudicium libertatis ipsorum praenotatae. In quorum verborum eorundem corroborationem quasdam literas privilegiales serenissimi principis domini Karoli olim regis Hungariae patris nostri carissimi felicis memoriae nostro exhibuerunt in conspectu declarantes inter alia, quod iidem iudex, cives iurati et universi hospites nostri ac mercatores a solutione cuiuslibet tributi partibus Transsiluanis in praedictis exigi consueti liberi fore perhiberentur et absoluti. Et quamquam idem magister Jacobus sua et praefatorum proximorum ac cognatorum suorum in personis similiter in nostrae maiestatis veniens praesentiam quasdam alias literas privilegiales ipsius olim Karuli regis Hungariae factum ut puta possessionum ipsorum, in quibus videlicet tributa¹⁾ eorundem fore dignoscerentur, tangentes et etiam alias literas similiter privilegiales quondam Dyonisii vaivodae in facto receptionis huiusmodi tributi sententialiter emanatas in contrarium praemissorum nobis exhibuerit, tamen nos una cum praelatis et regni nostri baronibus mature deliberando decreverimus sanctientes, ut a modo et deinceps inter praefatos iudicem, iuratos et cives ac hospites nostros ab una, parte vero ex altera iam dictos magistrum Jacobum et fratres ac proximos ipsius necnon heredes et posteritates eorundem universos pro commodo et quiete eorundem in omnibus praesertim in facto dictorum tributorum perpetuae pacis tranquillitas in aevum valeat gloriari huiusmodi moderativam ordinationem perpetue duraturam duximus faciendam, ut iidem iudex, iurati et universi hospites ac mercatores in dicta solummodo civitate nostra de Koloswar existentes, sed non aliqui extranei eorundem videlicet socii et forenses homines in aliis civitatibus, districtibus et regni nostri partibus constituti et eisdem aliquo quaesito colore associati medium tributum et non plus de dictis rebus ipsorum mercimonialibus signanter rebus eorum venalibus limpidius infra declarandis a modo in antea temporibus ut puta perpetuis praefatis nobilibus et eorum heredibus videlicet de una tunella vini decem denarios sarachenicales, item de uno curru in quo usones deferruntur novem grossos per ipsos sarachenicales denarios computandos, item de aliis generibus piscium qui etiam in [S. 509] uno curru portantur sex grossos per dictos denarios computatos, item de uno curru caseis onerato quatuor grossos per dictos denarios numerandos, item de uno equo venali duos denarios praenotatos, item de uno bove venali unum denarium praenotatum, item de sex porcis duos denarios, item de sex lardis similiter duos denarios, item de una pecia panni boni videlicet et subtilioris duos grossos, item de aliis singulis peciis panni minorem videlicet subtilitatem et pretium habentibus singulum unum grossum, item de singulis peciis panni grisei vulgariter zefer dicti singulum unum denarium, item de uno magno curru ligato cuiusvis rerum generibus onerato vulgariter masa dicto sedecim grossos per ipsos denarios sarachenicales computandos, item de uno pelicio unum denarium dare et in locis tributorum eorundem nobilium solvere debeant et teneantur ita videlicet, ut iidem magister Jacobus et praefati fratres ac cognati eiusdem necnon heredes et posteritates eorundem universae aliquam superfluam tributorum exactionem praeterquam praemissam de rebus ipsorum civium et hospitum ac mercatorum de ipsa Koloswar mercimonialibus contra¹⁾ nostrae indignationis poenam, quae contra hoc praesumentibus non immerito erit infligenda, recipere et habere nullatenus valeant neque possint modo aliquali. In cuius rei memoriam firmitatemque perpetuam praesentes duximus concedendas, quae si nobis fuerint reportatae in nostri privilegii formam redigi faciemus. Datum in Gyosgewr, die dominico proximo ante festum nativitatis virginis gloriosae, anno domini M^mo. CCC^mo LXX^mo nono.


a) Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 508, 1 auf S. 509 (dortige 2 zu nachfolgender Urkunde).^{^}
[S. 508]
1) Vorlage: tributi.^{^}
[S. 509]
1) Hierauf formam [unterpunktet].^{^}