Urkunde Nr. 1134 aus Band II

Seite im UB:

532-533 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1134

Ofen 1380 September 9 König Ludwig I. erlässt zu Gunsten der Klausenburger Kaufleute eine Verordnung, betreffend das Verbot der ausserhalb Siebenbürgens neben den Abgaben ihnen abverlangten Brot- und Weingeschenke.

Lodouicus dei gratia rex Hungariae, Poloniae, Dalmaciae et cetera fidelibus suis universis cuiusvis dignitatis et status hominibus specialiter autem comitibus, castellanis, nobilibus et officialibus tributa in provincia Zilagh et alias extra terminos terrarura Transiluanarum ubilibet habentibus et tenentibus eorumque tributariis quibus praesentes ostenduntur salutem et gratiam. Conqueruntur nobis fideles nostri cives et hospites de civitate Coloswariensi, quod vos in locis vestris tributalibus ab ipsis praeter consuetum tributum panes et vinum reciperetis et recipi faceretis incessanter et per hoc ipsos quadam abusione et novitate adinventa nimium aggravaretis. Unde cum nos exactionem huiusmodi panum et vini indebitam penitus aboliri et annihilari velimus nec sinamus eosdem cives et hospites de¹⁾ eadem de cetero aggravari, fidelitati vestrae firmissimo regio sub edicto mandamus, quatenus deinceps ab eisdem civibus et hospitibus nostris civitatis nostrae Coloswariensis vel aliquo ipsorum ac de curribus et rebus suis, quandocumque et quotiescumque per dicta loca vestra tributaria transitum fecerint, panes et vinum recipere aut recipi facere non praesumatis nec ad donationem ipsorum aliqualiter compellatis, immo a receptione eorundem panum et vini omnino desistere debeatis, exactis autem ab eisdem iustis et consuetis tributis cum denariis ipsos et quemlibet eorum in eundo et redeundo [S. 533] per iam dicta vestra tributaria loca transire semper admittatis pacifice et quiete, aliud facere, sicut nostram indignationem gravem incurrere formidatis, in praemissis¹⁾ non ausuri. Datum Budae, secundo die festi nativitatis beatae virginis, anno domini M^mo CCC^mo octuagesimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 532, 1 auf S. 533 (dortige 2-4 zu nachfolgender Urkunde).^{^}
[S. 532]
1) Fehlt in der Vorlage.^{^}
[S. 533]
1) Hierauf in der Zeile nachgetragen.^{^}