Urkunde Nr. 1185 aus Band II

Seite im UB:

585-586

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 44.

Druckvorlage:

nach Abschrift

Abdruck als:

Volltext

Sprache:

Latein

---

1185

1384 Januar 13 Das Weissenburger Kapitel bezeugt, dass Comes Mathias von Kleinenyed den in seinem Pfandbesitz befindlichen Landstrich Firstendorf, beziehentlich den Betrag der Pfandsumme der Thomaskirche in Kleinpold vermacht hat.

[S. 586] Capitulum ecclesiae Transsiluanae omnibus Christi fidelibus praesens scriptum inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod comes Mathias nobilis de Kysengned nunc autem in Appoldia inferiori residens ad nostram personaliter accedendo praesentiam proposuit et confessus exstitit ministerio vivae vocis in hunc modum, quod quia ipse una cum domina consorte sua iam defuncta heredum utriusque sexus caruisset solatio volensque Christum eisdem instituere in heredem pro salute animarum suarum, ut aeternae felicitatis praemium consequantur,¹⁾ et ob devotionem, quam in glorioso scilicet Thoma apostolo specialiter habebant in vita pariter et in morte, inter ceteras suas pias et salubres ordinationes quandam terram Firsstendorff vocatam nunc habitatoribus destitutam cum universis utilitatibus ad ipsam debentibus et pertinentibus per Johannem filium Michaelis sibi pro viginti sex florenis ac viginti eorum marcis antiquorum bannalium quemlibet bannalem tribus denariis computando secundum continentias aliarum nostrarum literarum impignoratoriarum exinde confectarum pignori obligatam ecclesiae beati Thomae apostoli in eadem Appoldia inferiori situatae seu constructae erogasset et donasset in perpetuam eleemosynam ad fabricam et restaurationem cuiuslibet²⁾ fracturae et laesionis ecclesiae eiusdem,³⁾ immo erogavit et donavit coram nobis et perenniter possidendam ita, cum quod ipsam terram impignorativam cum universis utilitatibus suis idem comes Mathias tamdiu donec vitam suam finiet temporalem uti debet⁴⁾ et possidere, hoc etiam adiecto, quod heredes praefati Johannis filii Michaelis vivente ipso Mathia comite memoratam terram impignoratitiam una cum suis utilitatibus pro praenotatis viginti sex florenis ac viginti eorum marcis antiquorum bannalium ab eodem comite Mathia redimere possent et valerent, ex tunc praenotata summa pecuniae pro tali redemptione recepta iam dictae ecclesiae absque contradictione aliquali dari et pertinere⁵⁾ deberet et teneretur. Si autem praefatum Mathiam comitem ante redemptionem saepe fatae terrae ab hac luce decedere contingeret, ex tunc memorata terra cum universis suis utilitatibus, quae sunt vel fieri possent in futurum, ad ante dictam ecclesiam beati Thomae apostoli devolveretur et perpetuo devolvi deberet. In cuius rei testimonium perpetuamque firmitatem praesentes concessimus literas nostras privilegiales pendentis sigilli nostri munimine roboratas. Datum in octavis festi epiphaniarum domini, anno eiusdem M.^o CCC^o LXXX^mo quarto, coram discretis viris Ladislauo praeposito decretorum doctore, Ladislauo cantore, Petro custode et decano canonicis ecclesiae nostrae praedictae existentibus.


1) Vorlage: consequentur.^{^}
2) Vorlage: cuilibet.^{^}
3) Vorlage: eidem. ^{^}
4) Vorlage: debent.^{^}
5) Vorlage: pertineri.^{^}