Urkunde Nr. 1220 aus Band II

Seite im UB:

616-617

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1220

Ofen 1387 November 23 König Sigmund beauftragt das Weissenburger Kapitel, bei der Einführung Magdalenas, der Tochter, und Annas, der Enkelin Michaels von Kelling, und Genossen in den Besitz von Birnbaum, Demeterpataka, Henningdorf, Rothkirch, Gergeschdorf, Ringelkirch und Benczencz mitzuwirken.

Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fidelibus suis capitulo ecclesiae Albensis Transsiluanae salutem et gratiam. Dicitur nobis in personis nobilium [S. 617] dominarum Magdalena et Anna vocatarum filiarum scilicet Michaelis de Kelnek necnon Nicolai, Andreae filiorum Gregorii ac Johannis filii Johannis de eadem, quod ipsi in dominium quarundam possessionum Birbom, Demeterpataka, Hennigfolua, Vereseghaz, Gegerfaia, Regerkirch et Benchench in comitatu Albensi Transsiluane existentium ipsos omnis iuris titulo contingentium legitime vellent introire, si contradictio cuiuspiam ipsis non obviaret in hac parte. Super quo fidelitati vestrae firmiter mandamus, quatenus vestrum mittatis hominem pro testimonio fide dignum, quo praesente Johannes filius Michaelis de sancto Georgio vel Blasius filius Kyliani de^a) Zakufd aut Emericus filius Pauli de eadem sin Michaël magnus dictus de Hasdad aliis absentibus homo noster ad facies praedictarum possessionum Birbom, Demeterpataka, Zenthgyurgfolua, Vereseghaz, Goargfalua, Rengerkyrch et Benchench appellatarum vicinis et commetaneis earum universis inibi legitime convocatis et praesentibus accedendo introducat praefatas nobiles dominas ac Nicolaum et Johannem filios Gregorii et Johannem in dominium earundem statuatque easdem ipsis iure eis incumbente perpetuo possidendas si non fuerit contradictum, contradictores vero si qui fuerint citet ipsos contra annotatos nobiles dominas ac Nicolaum et Andream et Johannem nostram in praesentiam ad terminum competentem ratione contradictionis eorum reddituri. Et post haec ipsius possessionariae introductionis et statutionis seriem vel nomina contradictorum et citatorum si qui fuerint cum termino assignato nobis fideliter rescribatis. Datum Budae, in festo beati Clementis papae, anno domini M^mo CCC^mo LXXX^mo septimo.


b) Nachtrag UB II, Seite 757 statt: et.^{^}