Urkunde Nr. 1232 aus Band II

Seite im UB:

629-630

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 54.

Druckvorlage:

nach Original

Abdruck als:

Volltext

Sprache:

Latein

---

1232

Ofen 1388 August 13 König Sigmund erlässt zu Gunsten der Hermannstädter eine Verordnung, betreffend die nur gegen Erlag von 12 Goldgulden gestattete Wegnahme von Wagenpferden der ins Ausland reisenden Hermannstädter Kaufleute.

Von der Kanzlei: Commissio propria domini regis.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera fidelibus suis universis praelatis, [S. 630] baronibus, comitibus, nobilibus, castellanis et ipsorum tributariis aut vicetributariis harum notitiam habituris salutem et gratiam. Ex gravi querela fidelium civium nostrorum de Cybinio ad nostrae maiestatis devenit audientiam, quomodo nonnulli ex vobis in locis tributorum vestrorum de curribus ipsorum mercibus oneratis equos reciperetis asserentes esse prohibitum equos de regno nostro educere per eosdem sic, quod ipsi in vectura rerum mercimonialium ipsorum plurimum impedirentur. Cumque ab eisdem civibus equos infra duodecim florenorum aureorum valorem existentes minime recipi permittere velimus de curribus eorundem, fidelitati igitur vestrae firmiter praecipimus et mandamus, quatenus a modo a dictis civibus de Cybinio seu mercatoribus ac ductoribus eorundem harum ostensoribus in locis tributorum vestrorum equos infra dictorum duodecim florenorum aureorum valorem existentes recipere vel recipi per vestros facere de curribus ipsorum non audeatis, si vero aliquem equum quem iidem ducerent, meliorem dicti computi aestimaretis, ex tunc duodecim aureos florenos pro quolibet tali equo ipsis mercatoribus seu duetoribus pro retentione talium equorum dare debetis et assignare. Aliud igitur nequaquam facere praesumatis. Datum Budae, feria quinta proxima post festum beati Laurencii martyris, anno domini M^mo. C.C.C^mo. L. XXX^mo octavo.

Unter dem Siegel: Commissio regis propria.