Urkunde Nr. 1233 aus Band II

Seite im UB:

630-632

Druckvorlage:

nach Original

Abdruck als:

Volltext

Sprache:

Latein

---

1233

1388 November 23 König Sigmund bekräftigt für die Mühlbacher seine Urkunde von 1387 Nr. »1219, betreffend die Befestigung der Stadt Mühlbach und die Erhebung einer Abgabe von dem fremden, zum Verkauf eingeführten Weine.

Sigismundus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex ac marchio Brandemburgensis, sacri Romani imperii archicamararius necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Et quia fragilem humanae naturae memoriam prolixitas temporum solet plerumque perturbare, ne nostrae confirmationis et approbationis series in posterum valeat retractari sed perpetua potius firmitate consistat, proinde ad universorum notitiam harum serie volumus pervenire, quod providus vir Andreas dictus de Cassa civis civitatis nostrae Sebes vocatae in sua ac universorum civium de eadem personis ad nostrae maiestatis accedens praesentiam exhibuit nobis quasdam literas nostras patentes secreto et rotundo sigillo nostro consignatas super libertatum praerogativis, ut ipsi dictam civitatem muro circumdare, munire et fortificare in eandemque infra festum beati Jacobi [S. 631] apostoli¹⁾ annis singulis post sese affuturis tantum vina in territorio eiusdem civitatis procreata importare et venditioni ibidem exponere habeant facultatem, confectas tenoris subsequentis, supplicans nostro culmini prece subiectiva, ut dictas literas ratas, gratas et acceptas habendo praesentibusque verbotenus inseri et redigi faciendo pro ipso et dictis civibus nostris innovantes nostri dignaremur privilegii patrocinio perenniter confirmare. Quarum tenor talis est. (Folgt die Urkunde des Königs Sigmund von 1387 Nr. »1219.) Nos igitur iustis et iuri consonis ipsius Andreae dicti de Cassa iurati civis civitatis nostrae Sebes praedictae supplicationibus sua et in personis quibus supra nostro culmini per ipsum condecenter modo praemisso oblatis favorabiliter exauditis pariter et admissis praetaxatas literas nostras patentes, non abrasas, non cancellatas nec in aliqua sui parte vitiatas, sed mera veritatis et plenitudinis integritate praepollentes praesentibus de verbo ad verbum sine diminutione et augmento aliquali insertas quoad omnes suas clausulas et articulos acceptamus, approbamus et ratificamus ac una cum serenissima principe domina Maria inclita dicti regni Hungariae regina contorali nostra carissima praelatisque et baronibus regni nostri sane et exinde deliberantes ac ex consensu et sanctione unanimi eorundem praetaxatas literas nostras simul cum praefatis libertatum praerogativis in tenoribus earundem superius latius explicatis mera auctoritate et potestatis plenitudine ac ex certa scientia nostrae maiestatis pro dicto Andrea ac civibus civitatis nostrae praefatae innovantes perpetuo valituras confirmamus praesentium literarum nostrarum privilegialium patrocinio mediante sine duntaxat praeiudicio iuris alieni. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus reverendissimi in Christo patris domini Johannis archiepiscopi Strigoniensis locique eiusdem comitis perpetui aulae nostrae et eiusdem dominae Mariae reginae consortis nostrae carissimae summi cancellarii dilecti et fidelis nostri, anno domini M^mo trecentesimo octuagesimo octavo, nono Kalendas Decembris, regni autem nostri anno secundo. Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et almae ecclesiae Quinqueecclesiensis gubernatore, eodem domino Johanne archiepiscopo Strigoniensi, Lodouico Colocensi, Petro Jadrensi et Vgulino Spalatensi archiepiscopis, Ragusiensi sede vacante, Johanne Varadiensi, Emrico Transsiluanensi, Johanne Zagrabiensi, Johanne Boznensi, Demetrio Wesprimiensi, Gregorio electo Nitriensi, Stephano Chykow Agriensi, Johanne Jauriensi, Petro Vachyensi, Johanne Sirimiensi, Johanne Chanadiensi, Traguriensi et Scardonensi sedibus similiter vacantibus, Paulo Tininiensi, Johanne Nonensi, Matheo Sibinicensi, Johanne Karchalensi, Nicolao Corbauiensi et Johanne Seniensi ecclesiarum episcopis ecclesias dei feliciter gubernantibus. Necnon magnificis viris Stephano regni nostri palatino et iudice Comanorum, Ladislao vaivoda Transsiluano et comite de Zolnuk, comite Emerico Bubek iudice curiae nostrae, Ladislao de Losonch totius regni nostri Sclauoniae, Johanne quondam vaivoda Zeuriniensi, Dyonisio filio Thomae regnorum Dalmaciae et Croaciae, Nicolao de [S. 632] Gara Machouiensi banis, Nicolao de Kanisa tavarnicorum, Leustachyo de Ilsua ianitorum, Georgio de Chythnik dapiferorum, Nicolao de Puryn pincernamm, eodem domino Stephano palatino agasonum nostrorum magistris aliisque quampluribus regni nostri comitatus tenentibus et honores.


1) Juli 25.^{^}