Urkunde Nr. 1234 aus Band II

Seite im UB:

632

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1234

Ofen 1388 November 29 König Sigmund verspricht die Aufrechthaltung aller der Stadt Klausenburg zustehenden Freiheiten.

Von der Kanzlei: Propria commissio domini regis.

Nos Sygismundus dei gratia rex Hungariae, Dalmaciae, Croaciae et cetera marchioque Brandaburgensis et cetera notum facimus universis quibus incumbit per praesentes, quod fideles nostri Melchyor iudex et Hermannus dictus Brustul iuratus cives civitatis nostrae de Koloswar suis et aliorum universorum civium et hospitum nostrorum de eadem in personis in nostrae celsitudinis venientes conspectum nostrae humiliter supplicarunt maiestati, ut sicut nos alios regni nostri Hungariae regnicolas sic non minus ipsos in illis libertatibus, immimitatibus et praerogativis, quibus iidem et eorum praedecessores a temporibus sanctorum et aliorum Hungariae regum nostrorum scilicet divorum praedecessorum usi fuissent et gavisi, indemniter tenere et absque novitate conservare dignaremur. Nos igitur considerata illa inviolabili fidelitatis constantia, qua iidem fideles cives nostri et eorum praedecessores dictis sanctis et aliis Hungariae regibus praesertim¹⁾ olim excelsis principibus dominis Lodouico regi patri primarie et tandem Elizabeth matri beatae memoriae necnon Mariae reginis dicti regni Hungariae contorali nostris carissimis postremoque nobis et regno nostro cura pervigili et omni fidelitatis studio praefuisse et nunc constanter existere perhibentur, ipsis et cuilibet eorum promittimus, spondemus et pollicemur harum literarum nostrarum testimonio, ut ipsos et quemlibet eorum in omnibus his libertatibus, immunitatibus et libertatum praerogativis, quibus iidem et eorum praedecessores a temporibus dictorum sanctorum et aliorum Hungariae regum signanter tempore ipsius olim domini Lodouici regis patris nostri perstitissent et perseverassent, sine novitate aliqua indemnes et illaesos conservabimus ac tenebimus quiete et pacifice perpetuo et irrevocabiliter gavisuros et fruituros praesentium testimonio mediante. Datum Budae, in vigilia festi beati Andreae apostoli, anno domini M^mo CCC^mo LXXX^mo octavo.

Unter dem Siegel: Propria commissio domini regis. [S. 633]


1) Ein Normalschaft überzählig.^{^}