Urkunde Nr. 1209 aus Band II

Seite im UB:

606

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73779 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 256.

Druckvorlage:

nach Original

Abdruck als:

Volltext

Sprache:

Latein

---

1209

1386 September 20 Das Weissenburger Kapitel bezeugt, dass Johann, Sohn Salomons von Kelling, dem Magister Stephan, Sohn Lukas' von Gyogy, seinen gesammten Besitz an Haustieren, den Landstrich Zenthgerg im Reussmärkter Stuhl, ein Stück des Landstrichs Zyluas und sämmiliches Silber- und Hausgerät vermacht hat.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod cum nos ad instantem petitionem nobilis viri Johannis filii Salomonis de Kelnek discretos viros magistros Ladislaum cantorem et alium Ladislaum socios et concanonicos nostros, coram quibus suum conderet testamentum, duxissemus transmittendos, tandem iidem exinde ad nos reversi concorditer et unanimi voce nobis retulerunt in hunc modum, quod idem Johannes filius Salomonis licet aeger corpore, sanum tamen per omnia habens intellectum et compos suae mentis coram ipsis et aliis nobilibus ac dominabus ad hoc specialiter vocatis et rogatis videlicet Stephano filio Martini de Thate, Luca nobili de Beld, Stephano filio Lucae de Dyog, domina consorte eiusdem domina Katherina puella sibi subarrata et domino Luca capellano eorundem nobilium de Dyog in remedium et salutem animae suae ac parentum suorum inter alias dispositiones et testamentarias ordinationes tale fecisset et condidisset testamentum, quod omnes res suas mobiles et immobiles videlicet equacias, oves, boves, porcos et quaelibet animalia sua, terram Zenthgerg vocatam in sede Zeredahel et aliam particulam terrae Zyluas vocatam necnon omnia vasa sua argentea scilicet scultellas, urceos, coclearia, balteos¹⁾ ac piccaria ac omnia utensibilia domus suae quocumque nomine vocentur eidem magistro Stephano filio Lucae ob amorem specialis proximitatis et beneficiorum sibi per eundem impensorum commisisset et legasset. Datum in vigilia beati Mathei apostoli et evangelistae, anno domini millesimo CCC^mo octoagesimo sexto.


1) Gebessert aus: baltea.^{^}