Urkunde Nr. 1271 aus Band III

Seite im UB:

22-24 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1271

Thorenburg 1391 April 17 Ladislaus, Woiwode von Siebenbürgen, bezeugt, dass Magister Simon, Sohn des Bans Konya, und Genossen in Betreff der ihnen gegenüber Emerich, dem Sohne Peter Herchek's, und Genossen zustehenden Bussforderung und Schadenersatzklage, Emerich und Genossen dagegen in Betreff der Besitzungen Seiden und Bulkesch Verzicht geleistet haben.

[N]os³⁾ Ladislaus vaivoda Transsiluanus, et comes de Zonuk memoriae commendantes tenore praesentium significamus quibus expedit universis, quod magistro Symone filio Konyae quondam bani pro se personaliter et pro magistro Frank fratre suo uterino et Ladislao filio eiusdem magistri Frank sine literis procuratoriis, quorum onera et gravamina, si iidem in infra scriptis persistere nollent, super se assumendo ab una, parte vero ab altera Stephano et Georgyo filiis Johannis ac Emerico et Nicolao filiis Petri dicti Herchek de Bogath pro se similiter personaliter et pro domino Andrea fratre uterino praedictorum Stephani et Georgii cantore ecclesiae Budensis ac Thoma filio eiusdem Georgii et Ladislao filio dicti Emerici modo simili sine literis procuratoriis onera et gravamina eorundem et, si iidem infra scripta observare nollent, super se assumendo coram nobis constitutis confessum exstitit per eosdem oraculo vivae vocis in hunc modum, quod ipsi super factis calumniae et aestimationis possessionum Sythue et Bolkach vocatarum, in quibus idem Emericus filius Petri dicti Herchek contra praedictos magistros Frank et Symonem coram magistro Ladislao vicevaivoda nostro ordine iudiciario convictus exstitisset atque aggravatus, necnon damni rerum ad [S. 23] valorem sex millia florenorum aureorum se extendentis in spoliatione et desolatione praedictarum possessionum Sythue et Bolkach nominatarum per eosdem Srephanum, Georgium, Emericum et Nicolaum illata et perpetrata, ratione quorum idem magister Symon in congregatione nostra generali universitati nobilium et alterius cuiusvis status et conditionis hominum dictae partis Transsiluanae octavo die festi Passcae domini¹⁾ Tordae celebrata litem movere intendisset, interveniente amicabili compositione proborum et nobilium virorum pacem partium zelantium, ut omnis fomes cuiusvis altercationis, invidiae et discordiae de medio ipsorum radicitus evelleretur et falce pacis scinderetur ipsique et eorum posteri in tranquilla pacis pulchritudine in aevum quirent gratulari et permanere, ad talem pacis unionem devenissent et devenerunt coram nobis, quod quia praefatus magister Symon tam suo quam etiam praedictorum magistri Frank fratris sui uterini et Ladislai filii eiusdem magistri Frank nominibus praemissa factum scilicet calumniae, aestinmtionis praedictarum possessionum Sythue et Bolkach vocatarum ac praemissos sex millia florenos aureos ad instantem petitionein quamplurimorum regni procerum ipsi congregationi nostrae adhaerentium annotatis Stephano et Georgio filiis Johannis ac Emerico et Nicolao filiis Petri dicti Herchek relaxasset et indulsisset, immo relaxavit et indulsit nostro in conspectu, pro eo praedicti Stephanus, Georgius, Emericus et Nicolaus in facto praedictarum possessiomim Sythue et Bolkach nominatarum perpetuum silentium et taciturnitatem irretractabilem observare assumpsissent, et assumpserunt coram nobis, universas literas in facto earundem possessionum Sythue et Bolkach appellatarum et etiam alias quaslibet sub quacumque forma verborum hactenus emanatas et quovis modo emanari procuratas cassas, vanas et inanes et viribus carituras exhibitoribusque earum nocituras reddidissent et commisissent, immo reddiderunt et commiserunt nostri in praesentia tali vinculo obligaminis interserto, quod si praedicti dominus Andreas cantor frater uterinus iam dictorum Stephani et Georgii filiorum Johannis ac Thomas filius eiusdem Georgii et Ladislaus filius dicti Emeriti filii Petri Herchek praemissam dispositionem et concordiam temporis in processu in toto vel in parte retractare niterentur, tunc praedicti Stephanus et Georgius filii Johannis ac Emericus et Nicolaus filii Petri dicti Herchek praemissis factis calumniae, aestimationis praedictarum possessionum ac sex millia florenornm solum partibus adversis ac centum marcis fini argenti gravis²⁾ ponderis Budensis in portionem iudicis cedentibus onerarentur et aggravarentur eo facto. Si vero praedicti magister Frank et Ladislaus filius eiusdem praemissa observare refutarent, tunc idem magister Symon praemissis sex millibus florenis aureis eisdem partibus adversis ac iudici modo simili eisdem centum marcis fini argenti computi praemissi convinceretur eo facto. Ad quod se praefati Stephanus et Georgius filii Johannis ac Emericus et Nicolaus filii Petri se personaliter, praedictos vero dominum Andream cantorem, Thomam filium Georgii et Ladislaum filium eiusdem Emeriti ad praemissa eorum [S. 24] onera et gravamina, annotatus vero magister Symon se similiter personaliter, praefatos autem magistrum Frank et Ladislaum filium eiusdem similiter ad praemissum suum onus et gravamen sponte obligarunt coram nobis vigore praesentium mediante. In cuius rei memoriam firmitatemque perpetuam praesentes praedicto magistro Symoni literas nostras privilegiales pendentis, authentici sigilli nostri munimine roboratas duximus concedendas. Datum sedecimo die congregationis nostrae praedictae, in loco memorato, anno domini millesimo trecentesimo nonagesimo primo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 22 (1-2 in Siegelbeschreibung), 1-2 auf S. 23.^{^}
[S. 22]
1) AN verschränkt.^{^}
2) ON verschränkt.^{^}
3) Raum für N leer gelassen.^{^}
[S. 23]
1) April 2.^{^}
2) Vorlage: gravi.^{^}