Urkunde Nr. 1275 aus Band III

Seite im UB:

26-29 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 61.

Druckvorlage:

nach Original

Abdruck als:

Volltext

Sprache:

Latein

---

1275

Klausenburg 1391 April 25 König Sigmund verbietet die an den königlichen und sonstigen Abgabenstellen gegen die Hermannstädter verübten Ungerechtigkeiten, betreffend die Einhebung von Strafgeld, die [S. 27] Wegnahme der Waren, die Besteuerung der Reisenden, des Reisegepäcks, der Lebensmittel, der Gold- und Silbervorräte und des Geldes, sowie der Geschenke für den König und die Königin.

Von der Kanzlei: Ad contenta aliarum literarum regalium.

Sigismundus dei gratia rex Vngariae, Dalmaciae, Croaciae et cetera necnon marchio Brandenburgensis et cetera omnibus Christi fidelibus tam praesentibus quam futuris praesentium notitiam babituris salutem in omnium salvatore. Regiae dignitatis praefulgentius attollitur decor et ornatus, si eadem suorum subditorum fidelium commodis et utilitatibus invigilans providebit erroneas novitates abolendo, ut exinde ipsa glorietur iidemque numero et fidelitate augeantur. Proinde ad universorum notitiam volumus pervenire, quod fideles nostri iudex, iurati consules seniores et universi cives Cybinienses in nostrae celsitudinis conspectum venientes nostrae dolorose significarunt maiestati,³⁾ quod cum ipsi aut aliqui ex eisdem ad⁴⁾ provincias aut aliqua regni climata in acquisitione suorum victuum necessariorum proficiscerentur, sicut per nonnullos nostros sic non minus aliorum tributarios seu theoloneatores varias iniurias violentasque rerum et bonorum ablationes ac illicitas suarum personarum dehonostationes quibusdam sinistris novitatibus per ipsos tributarios diversimode introductis creberrime et incompassionabiliter paterentur in eo primarie, quod cum ipsi fideles cives aut hospites nostri aut aliqui ex eisdem simul ut puta vel sigillatim ad loca dictorum tributorum pervenientes equum vel equos ipsorum ad columnam seu statuam signum tributariae solutionis decernentem vel ad parietem seu domum tributariam contingenter alligaverint, ex tunc tributarii super eos quadraginta denarios, aut si etiam iidem cives vel liospites nostri vel aliqui ex ipsis armis eorum necessariis more solito muniti in domum et praesentiam ipsorum tributariorum praetextu solutionis tributi intrantes accesserint dicta arma eorum foris non relinquendo, similiter quadraginta denarios super eos exigerent et extorquerent. Vel si etiam iidem cives et hospites nostri aut aliqui ex ipsis cum eorum curribus et rebus mercimonialibus ad loca dictorum tributorum pervenerint et equi eorum ipsos currus trahentes eandem statuam seu columnam sive domum tributariam⁵⁾ aliquantulum pertransierint et aliquantisper post tergum reliquerint,⁶⁾ aut si ipsi cum dictis eorum curribus et rebus in⁴⁾ hospitio⁴⁾ [S. 28] descenderint et de eodem hospitio ad dictos tributarios aecesserint iustum et verum tributum persoluturi, vel si aliqui ex eisdem civibus nostris cum dictis eorum rebus mercimonialibus ad loca dictorum tributorum pergentes certum hominem ipsorum a campo propter celeriorem expeditionem praemissae tributariae solutionis antemitterent et de ipsis eorum rebus iustum tributum persolvi faciendo in ipsisque locis dictorum tributorum non pausando pertransierint, praefati tributarii illico calumnia eis imposita asserentes, ipsos cum eorum rebus de locis dictorum tributorum fugitive et clandestine recessisse,¹⁾ ipsos rebus eorum praemissis prorsus spoliarent, damnificarent et creberrime disturbarent. Cumque etiam praefati cives et hospites nostri aut nuncii seu ambassiatores eorum aliqui ad nostram vel reginalem maiestates²⁾ in factis et in necessitatibus ipsorum venire voluerint aut cum curribus lectisternia et victualium ipsorum necessaria deferentibus vel sine curribus et absque rerum mercimonialium delationibus solum super equis ad partes regni nostri profecti aliqua eorum facta et certa negotia prosecuturi exstiterint, ex tunc praefati tributarii super ipsos et a curribus eorum³⁾ et equis necnon clenodiis seu muneribus nostrae vel⁴⁾ reginali maiestatibus⁵⁾ per ipsos portandis et exhibendis necnon pecunia, auro et argento ipsorum hinc inde intra ambitum regni nostri ad eorum negotiationes necessario per eos deferendis tributariam⁶⁾ exactionem peterent, reciperent indefesse et extorquerent in ipsorum ingens detrimentum non modicum et iacturam, deprecantes⁷⁾ super his per nostram maiestatem⁸⁾ condignum et opportunum remedium gratiose ipsis elargiri. Nos igitur officio⁹⁾ nostri regii regiminis incumbente attendentes divinae providentiam maiestatis, quae1⁰⁾ cuncta perpetua ratione regit et gubernat, principatus et dominationes in orbe terrarum ad hoc produxisse, ut sinistras novitates per quempiam suis fidelibus incolis quoquo modo inflictas penitus evulsas habeat et relegatas nationesque sibi subiectas in viam pacis et iustitiae quae summa virtus est dirigat et pacifice custodiat, pro eo nos commodis et utilitatibus dictorum civium et hospitum nostrorum ac heredum et posteritatum eorum invigilare cupientes praefatas omnes erroneas novitates et abusivas ac damnabiles consuetudines in dicti tributi receptione per ipsos tributarios ut est antelatum introductas una cum praelatis et baronibus nostris cassamus, annullamus et in irritum perpetue revocamus, mandantes et nostro firmissimo regio edicto praecipientes universis praelatis, baronibus, comitibus, castellanis, nobilibus et eorum officialibus tributa tam in terris quam super aquis ubilibet intra ambitum regni nostri tenentibus et habentibus nostrisque et eorum tributariis praesentibus pariter et futuris, praesentium notitiam habituris, quatenus a modo in antea super dictos cives et hospites nostros de Cybinio pro¹⁾ eo,¹⁾ ut iidem equum vel equos ipsorum ad praefatam columnam, parietem vel domum tributariam contingenter alligaverint, et ex eo, ut ipsi aut aliqui ex ipsis praemissis eorum armis muniti in eorundem tributariorum domum et praesentiam accesserint, praefatos singulos quadraginta denarios dicti tributarii recipere non praesumant, et etiam ut ipsi aut aliqui pro eo, ut cives nostri et hospites cum curribus et rebus ipsorum ad loca dictorum tributorum dum pervenerint et equi ipsorum dictos currus trahentes eandem columnam vel domum tributariam aliquantisper pertranseuntes post tergum reliquerint, ac etiam ex eo, ut ipsi cum dictis eorum curribus et rebus in hospitio descenderint et deinde ad solvendum tributum ad dictos tributarios accesserint tributum persoluturi, pro eo etiam, ut si aliqui²⁾ ex¹⁾ eisdem civibus nostris cum dictis rebus ipsorum mercimonialibus ad loca tributorum pergentes a campo dictum hominem ipsorum ad solvendum tributum antemitterent et de ipsis rebus ipsorum iustum tributum persolvi faciendo, in locis dictorum tributorum non pausando pertransierint, iam dicti tributarii praefatos fideles nostros cives praemissis eorum rebus et bonis spoliare aut damnificare ipsos seu disturbare nullatenus valeant neque possint, nec ab ipsis ad nostram vel reginalem maiestates³⁾ venientibus aut ad¹⁾ aliquas regni nostri partes sine rebus mercimonialibus equitantibus et eorum curribus dicta eorum lectisternia seu victualium genera continentibus necnon auro ac argento ac pecunia eorum praetextu ut praemisimus negotiationis ipsorum intra ambitum regni nostri hunc et hanc per eos portandis, muneribus nostrae vel reginali maiestatibus⁴⁾ per eos deferendis iuxta nostrae maiestatis⁵⁾ decretum temporibus in perpetuis illibate duraturum tributariam exactionem memorati tributarii petere aut exigere non debeant neque valeant modo aliquali, sed eos ac ipsorum successores iuxta praemissum maiestatis⁵⁾ nostrae decretum et statutum temporibus semper in perpetuis quitos sinant pertransire de locis dictorum tributorum et pacificos, novitate et impedimento absque omni, harum nostrarum testimonio literarum. Datum in Koloswar, in festo beati Marci evangelistae, anno domini M^o CCC^o nonagesimo primo.


a) Seitenumbruch im Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-6 auf S. 27 (1-2 in Siegelbeschreibung), 1-10 auf S. 28, 1-5 auf S. 29.^{^}
[S. 27]
1) AR verschränkt.^{^}
2) Über R ein Abkürzungsstrich.^{^}
3) Vorlage: magestati.^{^}
4) Fehlt in der Vorlage [3x].^{^}
5) Vorlage: tributoriam.^{^}
6) Vorlage: reliquerit.^{^}
[S. 28]
1) Vorlage: recedentes.^{^}
2) Vorlage: magestates.^{^}
3) Hierauf durchgestrichen: eorum [unterpunktet].^{^}
4) Fehlt in der Vorlage.^{^}
5) Vorlage: magestatibus.^{^}
6) Vorlage: tributoriam.^{^}
7) Scilicet: praefati cives et hospites.^{^}
8) Vorlage: magestatem.^{^}
9) Vorlage: officii.^{^}
10) Vorlage: providentia magestatis, qui.^{^}
[S. 29]
1) Fehlt in der Vorlage [4x].^{^}
2) Vorlage: aliquis.^{^}
3) Vorlage: magestates.^{^}
4) Vorlage: magestatibus.^{^}
5) Vorlage: magestatis.^{^}