Urkunde Nr. 1284 aus Band III

Seite im UB:

37-38

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125), B 1-5 (Inventar 82) Nr. 60, Vol. VII, pag. 517.

Druckvorlage:

nach Abschrift

Abdruck als:

Volltext

Sprache:

Latein

---

1284

1392 Februar 9 Das Weissenburger Kapitel bezeugt, dass Thomas, Sohn Akus' von Bell, und Ladislaus, Sohn Georgs von Wassid, einen Tausch abgeschlossen haben, betreffend einen Besitzanteil von Ladmesch, beziehungsweise den vierten Teil der Besitzung Stein.

Nos capitulum ecclesiae Transsiluanae significamus tenore praesentium quibus expedit universis, quod nobilibus viris Thoma filio Akus de Bolya ab una parte, ab alia vero Ladislao filio Georgii de Vezed coram nobis personaliter constitutis confessum exstitit per eosdem concorditer pariter et [S. 38] relatum, quod ipsi quarundam¹⁾ terrarum ipsorum, prospectu utilioris conditionis unicuique partium ex ipsis cedentis contractu permutationis, inter se talem permutationem et concambium fecissent et celebrassent, ac fecerunt et celebraverunt coram nobis, quod idem Thomas filius Akus portionem suam possessionariam in possessione Ladamas ipsum tangentem cum omnibus suis utilitatibus et pertinentiis quibuslibet ad ipsam spectantibus, praefatus vero Ladislaus filius Georgii portionem suam possessionariam vidilicet medietatem rectae medietatis possessionis Stino²⁾ ipsum tangentis similiter cum suis utilitatibus et pertinentiis quibuslibet ad ipsam medietatem medietatis spectantibus alter alteri titulo permutationis dedissent et tradidissent, ac dederunt et tradiderunt coram nobis perpetuo et irrevocabiliter possidendas pariter et habendas totum ius et dominium proprietarium ipsarum terrarum seu portionum possessionariarum in alterutrum plene et integre transferendo. Aussumentes et obligantes sese et eorum posteros praetextu memoratarum portionum possessionariarum in concambio traditarum temporum in processu mutua vicissitudine ab omnibus molestare seu perturbare quoquomodo volentibus propriis ipsorum laboribus et expensis alterutrum per omnia expedire et in pacifica possessione conservare. Datum in octavis festi purificationis virginis gloriosae, anno domini millesimo CCC^mo nonagesimo secundo.


1) Vorlage: quarundem.^{^}
2) Gebessert aus: Stina.^{^}