Urkunde Nr. 1303 aus Band III
- Seite im UB:
- 51
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Druckvorlage:
- nach Original
- Abdruck als:
- Volltext
- Sprache:
- Latein
1303
Ofen 1393 Januar 22 König Sigmund befiehlt dem siebenbürgischen Bischof und Genossen, die Stadt Klausenburg im Genuss der ihr von den ungarischen Königen verliehenen Freiheiten zu belassen. Orig. Perg. Stadtarchiv Klausenburg. Siegel, in rotes Wachs, papierbedeckt, innen aufgedrückt, derselbe Stempel wie Nr.
»1216.
Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fidelibus suis reverendo in Christo patri domino episcopo ecclesiae Transsiluanae item magnifico viro domino Emerico Bebek vaivodae Transsiluano ac vicevaivodae eiusdem salutem et gratiam. Cum nos fideles nostros cives ac populos et hospites civitatis nostrae Coluswar requirentibus eorum fidelitatibus, quae in nostri culminis conspectu illibata relucescunt constantia, in ipsorum libertatibus eis per divos reges Hungariae nostros praedecessores elargitis ac per alias literas nostras privilegiales pro eisdem confirmatis intendamus omnimode conservare, fidelitati igitur vestrae et cuiuslibet vestrum firmissime praecipientes mandamus, quatenus eosdem cives ac populos nostros de dicta Coluswar contra easdem libertates ipsorum impedire vel aggravare nullatenus praesumatis heque per vestros homines aut officiales quomodolibet contra huiusmodi libertates perturbari sinatis, sed potius ipsos in eisdem illibatos sistere permittatis. Et hoc idem futuris episcopis ac vaivodis et vicevaivodis eorundemque officialibus similibus damus regiis in praeceptis. Praesentes autem perlectas apud dictos cives ac populos nostros de Coluswar semper volumus remanere. Datum Budae, in festo beati Vincencii martyris, anno domini M
mo. CCC
mo. nonagesimo tertio.