Urkunde Nr. 1316 aus Band III

Seite im UB:

72-74 ^a)

Heute in:

Gran, Archiv des Domkapitels [Esztergomi káptalan magánlevéltára]

Heutige Signatur:

Acta radicalia, Lade 44, Fasz. 11 Nr. 4.

Druckvorlage:

nach Original

Abdruck als:

Volltext

Sprache:

Latein

---

1316

Rom bei St. Peter [1394] April 24 Papst Bonifaz IX. ernennt Johann, den Erzbischof von Gran, zum Primas und Legatus natus für den Bereich der Stadt, der Diözese und der Provinz von Gran und der zum Graner Erzbistum gehörigen Klöster, Kirchen und Orte.

Bonifacius episcopus servus servorum dei venerabili fratri Johanni archiepiscopo Strigoniensi primati ac apostolicae sedis legato salutem et apostolicam benedictionem. Romanus pontifex, qui disponente domino super omnes ecclesias ordinariae potestatis obtinet principatum, quandoque incumbentia sibi onera non locis sed praelatis partitur idoneis eosque in sollicitudinem apostolici officii per amplius honorando et etiam onerando suscipit, prout iuxta personarum, temporum et locorum qualitatem ac rei publicae utilitati conspicit expedire. Sane licet ad singulas regiones deo et apostolicae sedi devotas nostrae considerationis diffundamus intuitum, tamen ad regnum Vngariae quadam singulari affectione attentis et consideratis potissime eximio fervore devotionis, quem carissimus in Christo filius noster Sigismundus rex Vngariae illustris et tu ac incolae dicti regni etiam ad nos et Romanam ecclesiam non sine magnae laudis praeconio gerere comprobamini, dirigimus aciem nostrae mentis ac sperantes, quod tu ea, quae [S. 73] tibi committimus, scies et poteris auctore domino et ad eius laudem ac gloriam et exaltationem fidei necnon prosperum statum incolarum praedictorum praesertim metropolitico iure seu alias ratione archiepiscopatus tui Strigoniensis tibi subiectorum exequi sollicite, fideliter et prudenter. Quamobrem cum affectionis paternae plenitudine, digesto consilio ac perpensa deliberatione maxime, quia innumerabilium sumus quasi negotiorum varietate distracti ita, quod humana natura, quam patimur, non patitur, ut essentia nostri corporis tota simul in diversis locis exhibeat se praesentem, te quem percipimus zelum iustitiae colere et esse pacis auctorem ac tibi caelesti esse dono provisum, ut in arduis negotiis scias et possis provide consulere et utili consilio providere quodque personam tuam dominus scientiarum magnitudine, providentiae munere, circumspectionis gratia multipliciter insignivit humeris tuis fortitudinis robur adiiciens, ut ad huiusmodi laudem sui nominis onera grandia supportes, plenam quoque de tuis meritis fiduciam obtinentes ac etiam consideratione praedicti regis nobis super hoc humiliter supplicantis et propter optatam huiusmodi subditorum quietem et salutem animarum te in civitate et diocesi ac provincia Strigoniensi necnon quibuslibet monasteriis, ecclesiis et locis tibi ratione praedicti archiepiscopatus ac ecclesiae Strigoniensis quomodolibet subiectis primatem et legatum sedis apostolicae natum, quamdiu te eidem ecclesiae Strigoniensi duntaxat praesidere continget, de fratrum nostrorum consilio et apostolicae potestatis plenitudine tenore praesentium cum plenis, liberis, meris et omnimodis potestate ac iurisdictione et earum exercitio primatibus et legatis natis competentibus de consuetudine vel de iure constituimus, facimus et etiam deputamus ita, ut omnia et singula, quae primates et legati nati huiusmodi duntaxat in civitatibus, diocesibus,¹⁾ provinciis et locis eis decretis seu subiectis, in quibus existunt primates et legati nati, ac in eorum incolas et habitatores exercere de iure vel consuetudine huiusmodi quomodolibet possunt, tu etiam in eisdem civitate et diocesi ac provincia Strigoniensi ac etiam monasteriis, ecclesiis et locis tibi subiectis ut praefertur in quoslibet videlicet utriusque sexus homines tam clericos, non tamen sedi apostolicae immediate subiectos, quam etiam laicos et quoscumque alios, qui pro tempore in eisdem civitate et diocesi ac provincia Strigoniensi ac etiam monasteriis, ecclesiis et locis tibi subiectis ut praefertur moram traxerint aut degerint, libere et licite valeas exercere, concessa tibi insuper auctoritate apostolica contradictores et rebelles quoslibet per excommunicationis, suspensionis et interdicti vel amotionis aut depositionis sententias vel alias per censuram ecclesiasticam appellatione postposita compescendi libera facultate. Non obstantibus quibuslibet literis, indulgentiis et privilegiis apostolicis quorumcumque tenorum existant, per quae praesentibus non expressa vel totaliter non inserta effectus earum impediri valeat quomodolibet vel differri et de quibus quorumque totis tenoribus de verbo ad verbum haberi debeat in nostris literis mentio specialis. Nos enim sententias et poenas, quas propter hoc rite tuleris in rebelles, ratas habebimus et faciemus auctore domino usque ad satisfactionem con- [S. 74] dignam inviolabiliter observari. Datum Romae apud sanctum Petrum, VIII Kalendas Maii, pontificatus nostri anno quinto.

Unten rechts, von der Kanzlei: C J¹⁾ N . de Rugis. . M . de Cherubinis.

Unten links, von der Kanzlei: P. de Bosco.

Auf der Rückseite, auf dem unten umgebogenen Rande links, vom Schreiber der Urkunde: Pro . M . de Dulcinio. N. de Fregona . X.

Auf der Rückseite: Regestrata²⁾ . N .²⁾


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 73, 1-2 auf S. 74 (dortige 3 zu nachfolgender Urkunde Nr. »1318).^{^}
[S. 73]
1) Vorlage: dioc [Abkürzungsstrich über ioc].
[S. 74] <fnzt>1) So Vorlage; wahrscheinlich Anfangsbuchstabe des Monatsnamen: Junius.^{^}
2) Vorlage: R mit eingeschriebenem n.^{^}