Urkunde Nr. 1320 aus Band III

Seite im UB:

77

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1320

1394 Mai 8 Das Weissenburger Kapitel bezeugt, dass Johann, Sohn Nikolaus' von Rosch, an Peter, den Pleban von Schässburg, und Genossen einen Besitzanteil von Rosch abgetreten hat.

Nos capitulum ecclesiae Transsiluanae significamus tenore praesentium quibus expedit universis, quod Johanne filio Nicolai nobili de Rawas, de cuius notitia per nobiles viros Dyonisium tilium Akus de Bolya ac Dyonisium, Ladislaum et Stephanum filios Nicolai de Frigidis aquis nobis fides est adhibita, ab una parte, ab alia vero Ladislao filio Mychaelis de eadem Rawas pro se ac domino Petro plebano de Segeswar et Nicolao fratre eiusdem domini Petri uterino coram nobis personaliter constitutis, confessum exstitit per eundem Johannem filium Nicolai pariter et relatum, quod licet causam, quam super quinta parte dictae possessionis Rawas ipse ac iidem dominus Petrus ac Nicolaus frater eiusdem et Ladislaus filius Mychaelis coram domino vaivoda Transsiluano iudicialiter movissent, simul cum eisdem communiter prosecutus fuisset et ipsam quintam partem eiusdem possessionis Rawas a manu aliena coram eodem domino vaivoda Transsiluano iuridice reobtinuerit, tamen ipse percipiens, ut non ipsa quinta pars reobtenta sed alia quinta pars eiusdem possessionis Rawas ipsum de iure tangere dignosceretur, de possessione et dominio ac iure praelibatae quintae partis reobtentae se omnino exemisset et eandem praenominatis domino Petro ac Nicolao fratri eiusdem uterino et Ladislao filio Mychaelis plene et integre resignasset, et resignavit coram nobis, testimonio praesentium mediante. Datum in quindenis festi beati Georgii martyris, anno domini M^mo CCC^mo LXXXX^mo quarto.