Urkunde Nr. 1322 aus Band III

Seite im UB:

79-83 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1322

Szentimre 1394 Mai 12 Peter, Vizewoiwode von Siebenbürgen, ersucht das Weissenburger Kapitel, bei der Besitzteilung zwischen Johann von Kaltwasser und Genossen einerseits sowie Dionysius von Bell und Genossen andererseits, beziehungsweise bei der Einführung der Genannten in die ihnen zukommenden Anteile mitzuwirken.

Amicis suis reverendis capitulo ecclesiae Transsiluanae magister Petrus filius Georgii de Wereb vicevaivoda Transsiluanus amicitiam paratam cum honore. Noveritis quod Johannes, Ladislaus, Dionisius et Stephanus filii Nicolai necnon Andreas sacerdos filius Eliae de Hydeguyz⁵⁾ Thomas de Selk, [S. 80] Ladislaus filius Georgii et Johannes filius Johannis de dicta Selk personaliter iuxta continentiam literarum magistri Bartholomei pridem similiter vicevaivodae prorogatoriarum in octavis festi beati Georgii martyris¹⁾ in figura nostri iudicii comparendo contra Dionisium et Michaelem filios Akus de Bolya, Barcha filium Wyzlo ac Georgium filium²⁾ Thomae filii Akus de dicta Bolya, in quem praesens causa mortuo annotato Thoma patre suo iuxta regni consuetudinem exstitit redacta, i[no qu]asdam³⁾ literas vestras citatorias praedicto magistro Bartholomeo vicevaivodae ad suam amicabilem literatoriam petitionem rescriptas tenoremque literarum suarum vobis directarum verbaliter in se habentes asserentes actionem et pro[posi]tionem ipsorum adversus memoratos nobiles de Bolya proponendam literis contineri in eisdem nobis praesentarunt declarantes, quod Johannes et Dionisius filii Nicolai de Hydeguyz in suis, Ladislai et Stephani uterinorum necnon Andreae sacerdotis filii Eliae de Selk,⁴⁾ Ladislai filii Georgii, alterius Johannis filii Johannis de dicta Selk patruelium fratrum ipsorum personis in eiusdem magistri Bartholomei vicevaivodae venientes praesentiam, contra Michaelem, Thomam et Dionisium filios Akus et Barcham filium Wyzlo nobiles de Bolya quasdam duas literas patentes unam viri magnifici quondam domini Ladislai vaivodae obligatoriam et aliam iudicum nobilium comitatus Albensis memorialem eidem magistro Bartholomeo vicevaivodae praesentassent. In quarum una videlicet eiusdem domini Ladislai vaivodae duodecimo die congregationis suae generalis universitati nobilium partis Transsiluanae octavo die festi Passcae domini, in anno eiusdem M^mo CCC^mo nonagesimo primo⁵⁾ Tordae celebratae confecta litera iidem Michael, Thomas, Dionisius filii Akus et Barcha filius Wyzlo contra eosdem nobiles de Hydeguyz et Selk in facto possessionariae divisionis ac portionum possessionariarum apud manus eorundem nobilium de Bolya existentium arbitrio quatuor proborum et nobilium virorum aequali numero octavo die festi beati Martini confessoria tunc venturi⁶⁾ in villa Myhalfalua coram uno ex iudicibus nobilium comitatus Albensis praedicti per partes adducendo sub obligamine novem marcarum in eisdem literis contentarum se submisisse et obligasse adinventi exstitissent. In alia vero earundem⁷⁾ videlicet ipsorum iudicum nobilium feria tertia proxima ante festum beatae Margarethae virginis et martyris in dicto anno domini M^mo CCC^mo nonagesimo primo⁸⁾ in sancto Emerico confecta litera memoriali praefati Thomas et Dionisius filii Akus ac Barcha filius Wyzlo ab una et dicti nobiles de Hydeguyz videlicet Johannes, Dionisius et Ladislaus ac Johannes coram ipsis iudicibus nobilium vice iterata so ipsos ad praedictam possessionariam divisionem in termino per ipsos deputato⁶⁾ obligasse reperti fuissent manifeste. Quibus quidem li- [S. 81] teris exhibitis eisdem Johanne¹⁾ et Dionisio²⁾ filiis Nicolai in suis et aliorum fratrum eorum personis eosdem Thomam et Dionisium filios Akus ac Barcha filium Wyzlo iuxta ipsorum assumptum et obligamen per ipsos requisitos praedictam possessionariam divisionem facere et celebrare non curasse referentibus eis³⁾ in praemissis iuris aequitatem per ipsum magistrum Bartholomeum vicevaivodam postulassent elargiri. Unde quia huiusmodi possessionaria divisio per partes modo praemisso facere assumpta⁴⁾ per illegitimas dissimulationes prorogari non debere ipsi magistro Bartholomeo vicevaivodae visa fuisset, pro eo idem magister Bartholomeus vestram amicitiam literatorie petivisset diligenter, quatenus vestrum mitteretis hominem pro testimonio fide dignum, quo praesente domo suus infra declarandus ad praefatos Thomam et Dionisium ac Michaelem filios Akus et Barcha filium Wyzlo accedendo praemissam possessionariam divisionem eisdem domino Andreae sacerdoti filio Eliae et aliis nobilibus praedictis extradari peteret verbo suo regni lege requirente. Qui si facerent bene quidem, alioquin citaret ipsos contra annotatos nobiles de Hydeguyz suam in praesentiam ad terminum competentem, rationem praemissorum reddituros. Et post haec seriem omnium praemissorum, ut fieret expediens, sibi amicabiliter rescriberetis. Vos igitur petitionibus ipsius magistri Bartholomei vicevaivodae annuentes una cum Mathia nobili de Chyfud homine eiusdem vestrum hominem videlicet Dominicum presbyterum de choro vestro ad praemissa exequenda duxissetis transmittendum. Qui demum ad vos reversi vobis concorditer retulissent, quod ipsi secundo die festi beati Andreae apostoli tunc proxime praeteriti⁵⁾ ad nobiles viros Michaelem, Thomam et Dionisium filios Akus ac Barcha filium Wyzlo de Bolya pariter accessissent ab eisque de portionibus possessionariis apud manus ipsorum habitis Johanni, Ladislao, Dionisio et Stephane filiis Nicolai necnon Andreae sacerdoti filio Eliae de Hydeguyz, Thomae de Selk, Ladislao filio Georgii ac alteri Johanni filio Johannis de dicta Selk divisionem dari postulassent. Quam quidem divisionem dare recusassent, ubi eosdem nobiles de Bolya contra praenominatos nobiles de Hydeguyz ad ipsius magistri Bartholomei vicevaivodae⁶⁾ citassent praesentiam ad octavas festi epiphaniarum domini tunc proxime aftuturas⁷⁾ rationem de praemissis reddituros. Quibus quidem literis exhibitis eisdem nobilibus de Hydeguyz se ad nostram iuridicam requisitionem heredes quondam Nicolai filii Akus dicti Aranyas, annotatos autem nobiles de Bolya heredes quondam Thomae filii eiusdem Akus dicti Aranyas esse et existere referentibus eis per nos in praemissis iuris aequitatem petierunt elargiri. Quo audito memorati Dionisius et Michael filii Akus ac Barcha filius Wyzlo pro se ipsis personaliter, pro [S. 82] annotato vero Georgio filio Thomae filii ipsius Akus cum procuratoriis literis vestris in nostram exsurgentes praesentiam responderunt ex adverso, quod hoc bene verum foret, ut praenominati nobiles de Hydeguyz fratres essent ipsorum generationales et condivisionales, ipsi autem essent heredes praenominati quondam Nicolai filii Akus dicti Aranyas praenotati, sed ex eo ipsi praemissam possessionariam divisionem eisdem nobilibus de Hydeguyz dare recusassent, quia tempore abavi ipsorum ante ducentesimum annum vel circa, cuius memoria hominum non exstaret, inter praedecessores ipsorum divisio facta exstitisset et ipsi ac praenominati nobiles de Hydeguyz in possessionis et portionibus possessionariis tunc ipsis in divisione cessis et deventis pacifice perstitissent. Quibus perceptis cum nos eosdem nobiles de Bolya in eo, utrum ipsi super praemissa divisione possessionaria tempore abavi ipsorum facta aliquas literas divisionales haberent vel ne, ut nostro iudiciario incumbit officio, requisitos habuissemus, iidem nobiles de Bolya super ipsa divisione possessionaria nullas literas divisionales se habere asseruerunt. Quibus sic habitis iidem nobiles de Bolya eis similiter in praemissis iudicium et iustitiam postularunt elargiri aequitate suadente. Verum licet praenominati Dionisius et Michael filii Akus ac Barcha filius Wyzlo de Bolya in suis ac memorati Georgii filii Thomae filii Akus de eadem Bolya personis praemissam possessionariam divisionem tempore abavi ipsorum ante ducentesimum annum vel circa, cuius memoria hominum non occurreret, inter praedecessores ipsorum factam fuisse asseruerint, tamen quia super ipsa possessionaria divisione nullas literas divisionales ad nostram iuridicam requisitionem se habere¹⁾ et easdem nec nunc nec in futurum exhibere posse asseruisse, in dicto autem anno domini M^mo CCC^mo nonagesimo primo in congregatione ipsius quondam domini Ladislai vaivodae generali in facto ipsius possessionariae divisionis arbitrio quatuor proborum et nobilium virorum termino et loco in praescriptis²⁾ fiendo se submisisse et tandem in eodem anno coram dictis iudicibus nobilium comitatus Albensis³⁾ ad praemissam possessionariam divisionem celebrandam vice iterata se obligasse et eadem possessionaria divisio inter ipsas partes per illegitimas dissimulationes minime facta exstitisse, iidem etiam nobiles de Hydeguyz se heredes praenominati quondam Nicolai filii Akus dicti Aranyas, annotatos autem nobiles de Bolya heredes ipsius olim Thomae filii eiusdem Akus dicti Aranyas existere retulisse et hoc idem iidem nobiles de Bolya non abnegasse ex praemissis omnibus manifeste reperiebantur, ex eoque ratione ipsius lineae generationalis inter partes praenotatas in universis possessionibus et portionibus ipsorum possessionariis³⁾ paternis recta et aequalis divisio celebrari debere nobis et regni nobilibus nobiscum in iudicio existentibus manifeste agnoscebantur, pro eo nos una cum eisdem regni nobilibus universas et quaslibet possessiones et portiones possessionarias paternas partium praescriptarum in duas rectas et aequales partes dividi debere decernentes ac eisdem partibus modo subscripto statui [S. 83] committentes vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente propter ipsius possessionariae divisionis¹⁾ arduitatem nos personaliter octavo die festi beati Jacobi apostoli nunc venturo²⁾ et aliis diebus ad id aptis et sufficientibus ad facies universarum possessionum et portionum possessionariarum paternarum partium praedictarum vicinis et commetaneis ipsarum universis inibi legitime convocatis et partibus praedictis praesentibus accedendoeasdem possessiones et portiones possessionarias cum cunctis earumutilitatibus et pertinentiis quibuslibet in duas rectas et aequales partes dividere et unam earundem rectam et aequalem partem annotatis Johanni, Dionisio, Ladislao et Stephano filiis Nicolai necnon Andreae sacerdoti filio Eliae de Hydeguyz,³⁾ Thomae de Selk, Ladislao filio Georgii et Johanni filio Johannis de dicta Selk actoribus, alteram autem medietatem ipsarum similiterrectam et aequalem memoratis Dionisio et Michaeli filiis Akus, Barcha filio Wyzlo et Georgio filio Thomae filii dicti Akus de dicta Bolya in causamattractis⁴⁾ statuere teneamur possidendas, tenendas pariter et habendas salvisiuribus alienis, contradictione ipsarum partium et aliorum quorumlibet nonobstante. Hoc non praetermisso, quod si⁵⁾ aedificia per aliquam ipsarum partium exceptis ecclesiis, quae in usus dominum reverti non possunt, constructa parti adversae in divisione provenitent, tunc eadem pars adversa pretium ipsorum aedificiorum parti eadem aedificia construenti iuxta aestimationem earundem per probos et nobiles viros faciendam refundere teneatur.Et post haec ipsius possessionariae divisionis et statutionis seriem utfuerit expediens, ad octavum diem dicti octavi diei⁶⁾ nobis amicabiliter rescribatis. Datum in sancto Emerico duodecimo die octavarum festi beatiGeorgii martyris praedictarum, anno domini M^mo CCC^mo nonagesimo quarto.

Auf der Rückseite: Amicis suis reverendis capitulo ecclesiae Transsiluanaepro nobilibus de Hydeguyz intra scriptis super quadam possessionariadivisione et statutione per nos ac vestrum hominem octavo die festi beati Jacobi apostoli⁷⁾ modo intra scripto facienda. Ad octavum diem eiusdem octavi diei⁶⁾

ad iudicem.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 5 auf S. 79 (1-4 zu voranstehender Urkunde), 1-8 auf S. 80, 1-7 auf S. 81, 1-3 auf S. 82, 1-7 auf S. 83.^{^}
[S. 79]
5) So Vorlage.^{^}
[S. 80]
1) Mai 1.^{^}
2) Hierauf durchgestrichen: annotati.^{^}
3) Loch und Schrift geschwunden, 1.7 Centimeter breit.^{^}
4) So Vorlage.^{^}
5) 1391 April 13.^{^}
6) November 18 [2x].^{^}
7) Scilicet: literarum.^{^}
8) Juli 11.^{^}
[S. 81]
1) Vorlage: Johannes, Buchstabe s durchgestrichen.^{^}
2) Vorlage: Dionisios, Buchstabe s durchgestrichen.^{^}
3) Hierauf durchgestrichen: per nos.^{^}
4) Über der Zeile nachgetragen.^{^}
5) Dezember 1.^{^}
6) ipsius magistri Bartholomei vicevaivodae über der Zeile nachgetragen. - In der Zeile gestrichen: vestras.^{^}
7) 1392 Januar 13.^{^}
[S. 82]
1) Hierauf durchgestrichen: asseruisse.^{^}
2) 1391 November 18.^{^}
3) Über der Zeile nachgetragen [2x].^{^}
[S. 83]
1) Hierauf durchgestrichen: difficultatem.^{^}
2) 1394 August 1.^{^}
3) So Vorlage.^{^}
4) in causam attractis über der Zeile nachgetragen.^{^}
5) Hierauf durchgestrichen: qua partium praedictarum.^{^}
6) August 8 [2x].^{^}
7) August 1.^{^}