Urkunde Nr. 1327 aus Band III

Seite im UB:

96-97

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 1.

Druckvorlage:

nach Original

Abdruck als:

Volltext

Sprache:

Latein

---

1327

Gran 1394 Juni 14 Blasius, Vikar des Graner Erzbischofs, erteilt Stephan, dem Pfarrer von Rosenau und Dekan des Kronstädter Kapitels, Vollmacht, betreffend die Beichte und Busse, die Ausstellung von Dimissorien für die zu ordinierenden Geistlichen und die Beschaffung der Sacri liquores Öl und Chrisma.

Blasius Strigoniensis et Vesprimiensis ecclesiarum canonicum necnon reverendissimi in Christo patris et domini, domini Johannis miseratione divina sanctae Strigoniensis ecclesiae archiepiscopi locique eiusdem comitis perpetui ac aulae regiae et reginalis maiestatum Vngariae summi cancellarii vicarius in spiritualibus generalis dilecto nobis fratri in Christo honorando viro domino [S. 97] Stephano plebano ecclesiae beati Mathiae apostoli de Roznaw, decano Brassowyensi Strigoniensis diocesis salutem in domino sempiternam. Cura nostri vicariatus officii exigit et exposcit, ut ad ea, quae salutem animarum et commodum ecclesiasticarum personarum respiciunt, et vigilanter intendamus et favorabiliter inclinemur. Cum igitur prout cognoscimus sancta mater Strigoniensis ecclesia praedicta, quae sicut placuit et placet altissimo fines suae diocesis partes satis ad remotas et etiam Transiluanas protrahit et extendit, consueverit¹⁾ decanis Brassowyensibus per venerabile Brassowyense capitulum electis, qui in administratione spiritualium in praedicta diocesi remotiores rectores seu gubernatores dominici gregis a dicta sancta matre Strigoniensi ecclesia existunt, ex maternali affectu et gratia sua dona praecipua clementissime propinare, dans et concedens decanis eisdem in casibus episcopalibus et sedi Strigoniensi specialiter reservatis sibi confitentibus absolvendi poenitentiasque eisdem tam clericis quam laicis pro modo culpae imponendi clericisque promovendis, ut a quocumque maluerint antistite gratiam et communionem sedis apostolicae habente,²⁾ pro ordinibus suscipiendis literas dimissoriales dandi oleumque sacrum cum sancto chrismate seu sacros liquores pro sufficientia totius Brassowyensis districtus ab episcopis catholicis petendi et recipiendi liberam et plenam potestatem, vestris igitur et honorabilis capituli praedicti supplicationibus inclinati de vestra discretione plenam in domino fiduciam obtinentes et maxime animadvertentes, quod pro obtinendis praedictis singulis hominibus in dicto districtu existentibus propter loci distantiam viarumque discrimina usque ad sedem praescriptam securus non pateat accessus, nostri auctoritate officii vobis annuimus et concedimus gratiose, quatenus ex parte memoratae sanctae Strigoniensis ecclesiae et eius sedis praedictae pro vestra et omnium Christi fidelium in decanatu vestro praedicto existentium consolatione eandem auctoritatem et administrationem in praescriptis articulis libere et absolute habere valeatis quam praecessores vestri decani Brassowyenses habuerunt et habere consueverunt, harum nostrarum literarum testimonio mediante, quas usque ad unum annum a data earundem duntaxat decernimus valituras. Datum Strigonii, die XIIII mensis Junii, anno domini millesimo CCC^mo nonagesimo quarto.


1) Hierauf durchgestrichen: nonullis.^{^}
2) Satzbau fehlerhaft. - Scilicet: iidem clerici possint promoveri et ordines recipere.^{^}