Urkunde Nr. 1363 aus Band III

Seite im UB:

152-153

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 1.

Druckvorlage:

nach Original

Abdruck als:

Volltext

Sprache:

Latein

---

1363

Im Feldlager bei Kronstadt 1395 Juni 21 König Sigmund richtet an den Distrikt Kronstadt einen Erlass, betreffend das Wochenmarktrecht Marienburgs.

Von der Kanzlei: Propria commissio domini regis.

Sigismundus dei gratia rex Hungariae, Dalmaciae, Croaciae et cetera ac marchio Brandemburgensis et cetera fidelibus suis comiti, iudici ac iuratis civibus senioribusque et consulibus necnon universis hospitibus et populis nostris de Brasso et ad eandem spectantibus salutem et gratiam. Significandum duximus vestrae fidelitati, quod nos pro utilitate, profectu et commodo votivaque reformatione oppidi nostri de Fewlduar de nostrae liberalitatis largiflua clementia singulis hebdomadis cunctis feriis quintis forum liberum sub eisdem libertatibus, praerogativis et gratiis, quibus fora civitatum et oppidorum nostrorum ceterorum insignita fore dignoscuntur, in eadem Fewlduar celebrandum commisimus et perenniter peragendum. Quocirca vestrae fidelitati et vestrum cuilibet sub poena nostrae gravissimae indignationis districtius praecipientes mandamus, quatenus fideles nostros iudicem, cives et hospites ac populos de eadem Fewlduar ceterosque homines ad ipsum forum properantes verbis seu factis palam aut occulte quovis quaesito in- [S. 153] genio aut colore in celebratione et peractione fori per nos celebrari indulti et commissi impedire, molestare, perturbare et quoquo modo inquietare nullatenus praesumatis, sinentes nihilominus universos cives hospites et populos nostros de dicta Brasso cum eorum rebus et mercibus universis ad dictum forum toties quoties opportunum fuerit libere et sine omni impedimento proficisci. Alioquin commisimus per alias nostras literas tenoreque praesentium committimus dilectis fidelibus nostris viris magnificis dominis vaivodae nostro Transsilvano et comiti Siculorum nostrorum ipsorumque castellanis et officialibus nunc constitutis et in posterum constituendis, ut ipsi dictos iudicem, cives hospites et populos nostros de Fewlduar et quosvis alios ad dictum forum proficiscentes in celebratione eiusdem fori a vestris insultibus et perturbationibus protegere debeant et defensare nostrae maiestatis in persona. Secus igitur facere non ausuri. Praesentes autem¹⁾ perlectas semper reddi iubemus praesentanti. Datum in descensu campestri nostri exercitus prope Brasso, feria secunda proxima ante festum beati Johannis baptistae, anno domini M^mo CCC^mo nonagesimo quinto.

Unter dem Siegel: Propria commissio domini regis.


1) Vorlage: aut.^{^}