Urkunde Nr. 1380 aus Band III

Seite im UB:

166

Druckvorlage:

nach Original

Abdruck als:

Volltext

Sprache:

Latein

---

1380

1396 Mai 3 Das Weissenburger Kapitel schaltet die Urkunde des Vizewoiwoden Johann von 1396 Nr. »1378 ein und bezeugt, dass Magister Sandor von Kyzdi in den Besitz von Königsberg und Galacz eingeführt worden ist.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas nobilis viri magistri Johannis vicevaivodae Transsiluani recepimus in haec verba. (Folgt die Urkunde des Vizewoiwoden Johann von 1396 Nr. »1378.) Nos enim petitionibus praefati magistri Johannis vicevaivodae annuentes una cum Luca familiari magistri Petri sui notarii homine suo nostrum hominem videlicet Johannem clericum de choro nostro ad praemissa exequenda duximus transmittendum. Qui demum ad nos reversi nobis concorditer retulerunt, quod ipsi secunda feria proxima post dominicam Ramispalmarum proxime praeterita¹⁾ primo ad facies praedictarum duarum possessionum Kyralhalma et Galath vocatarum pariter accessissent ibique portiones possessionarias quondam Petri dicti Tykus in eisdem possessionibus Kyralhalma et Galath vocatis habitas praefato magistro Sandor de Kyzdi convocatis earum vicinis statuissent perpetuo possidendas penitus nomine contradictore apparente tribus diebus continuis iuxta regni consuetudinem in eisdem moram faciendo. Datum in festo inventionis sanctae crucis, anno domini millesimo CCC^mo nonagesimo sexto. Honorabilibus et discretis viris dominis Johanne praeposito, Jacobo cantore canonico non existente, custodia vacante ac Stephane archidiacono de Tylegd decano canonicis ecclesiae nostrae existentibus. [S. 167]


1) März 27.^{^}