Urkunde Nr. 1387 aus Band III

Seite im UB:

171-172 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1387

Szentimre 1397 Januar 24 Johann Swerth, Vizewoiwode von Siebenbürgen, ersucht das Weissenburger Kapitel, bei der Einführung Michaels, des Plebans von Marienthal, und Genossen in einen Besitzanteil von Wohldorf mitzuwirken.

Amicis suis reverendis capitulo ecclesiae Albensis Transsiluanae Johannes Swerth vicevaivoda Transsiluanus amicitiam paratam cum honore. Noveritis quod nobis una cum regni nobilibus in octavis festi epiphaniarum domini²⁾ in sancto Emerico pro faciendo moderativo iudicio causantibus iudiciario pro tribunali sedentibus discretus vir dominus Mychael plebanus de vallo Mariae personaliter iuxta continentiam literarum magistri Johannis pridem vicevaivodae prorogatoriarum in figura nostri iudicii comparendo contra Sandor filium Nicolai de Kyzdy proposuit querulose, quod cum idem Sandor quandam portionem possessionariam, portionem videlicet quondam Petri dicti Tykus in possessione Waldorph vocata habitam sibi omnis iuris titulo ac successorie pertinentem per regiam serenitatem nomine possessionis hominis sine herede ab hac luce decedentis sibi dari et conferri postulasset et in dominium eiusdem mediantibus vaivodali et vestro hominibus introire voluisset, tunc ipso eidem Sandor contradictionis velamine obviasset dictique vaivodalis et vester homines in praesentiam praedicti magistri Johannis filii quondam Petri pridem vicevaivodae nostri praedecessoris citavissent. Tandem ipsa causa diversis prorogationum cautelis ad praesentes octavas praedicti festi epiphaniarum domini²⁾ nostram in praesentiam deventa exstitisset, ad quas memoratus Sandor actor existendo non venit neque misit. Medio autem tempore praelibatus Sandor annotatam portionem possessionariam ipsius quondam Petri dicti Tykus potentialiter occupando vertetur in suum praeiudicium valde magnum. Petens³⁾ nos et eosdem regni nobiles sibi in praemissis de remedio providere opportuno. Verum quia ab eisdem regni nobilibus de eo, ut praelibatus Sandor eandem portionem possessionariam non iuridice sed potentialiter occupasset dictaque portio possessionaria omnis iuris titulo eidem domino Mychaeli pertinere debeat, satis lucide informabamur, sicque memoratus Sandor non potentialiter sed iuxta regni consue- [S. 172] tudinem in dominium dictae portionis possessionariae introire debuisse adinveniebatur eademque portio possessionaria eidem domino Mychaeli adiudicari et restatui debere cernebatur ex eo, quod nos una cum eisdem regni proceribus nobiscum in adiudicatione praemissae causae adhaerentibus praefatum Sandor pro praemissa illegitima sua occupatione praelibatae possessionariae portionis Waldorph in facto potentiae convictum fore decernentes dictamque portionem possessionariam eidemque domino Mychaeli restatuere commisissemus nostra iudiciaria auctoritate mediante, ad quam possessionariam restatutionem faciendam noster et vester homines necessario debeant destinari, pro eo vestram requirimus amicitiam praesentibus diligenter, quatenus vestrum mittatis hominem pro testimonio fide dignum, quo praesente magister Andreas literatus de Manyk homo noster specialiter ad id transmissus ad faciem praelibatae portionis possessionariae vicinis et commetaneis eiusdem universis inibi legitime convocatis et praesentibus accedendo eandem portionem ab aliorum possessionariis iuribus separatam et distinctam statuat ante lato domino Mychaeli et per eum Johanni fratri suo heredibusque eiusdem Johannis iure ipsis concernenti perpetuo possidendam contradictione dicti Sandor non obstante. Contradictores vero si qui alii fuerint, citet eosdem contra annotatos dominum Mychaelem et Johannem nostram in praesentiam ad terminum competentem rationem contradictionis eorum reddituros. Et post haec ipsius possessionariae portionis statutionis seriem cum nominibus contradictorum et citatorum, si qui praeter praelibatum Sandor vel suos filios aut fratres fuerint, ut fuerit expediens, terminoque assignato nobis amicabiliter rescribatis. Committatque ibidem praefatus homo noster sub testimonio dicti vestri hominis, quod si ante fatus Sandor vel sui filii aut fratres aliquod ius in eadem portione possessionaria habere sperarent, id iuridice exequendi habeant facultatem. Datum in sancto Emerico, duodecimo die octavarum praedictarum, anno domini millesimo CCC^mo nonagesimo septimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 171 (1 zu voranstehender Urkunde).^{^}

2) Januar 13 [2x].^{^}
3) Scilicet: praenominatus Mychael plebanus.^{^}