Urkunde Nr. 1421 aus Band III

Seite im UB:

225-226

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1421

1398 September 15 Johann Wittich, Vikar des siebenbürgischen Bischofs, bezeugt, dass Michael Tylmanni von Kaltwasser und der Adlige Johann Johannis von Schaldorf sich verglichen haben, betreffend Erbansprüche des genannten Michael Tylmanni.

[S. 226] Johannes Wyttich venerabilis in Christo patris et domini, domini Materni episcopi Transsiluani vicarius in spiritualibus generalis significamus tenore praesentium quibus expedit universis, quod cum providus vir Mychael Tylmanni de Ffrigida aqua nobilem virum Johannem Johannis de Schalkdorf mediantibus literis nostris citatoriis ordine iudiciario in causam legitime attraxisset et in aliquibus terminis per ipsos coram nobis processum fuisset in eadem, iuxta continentiam priorum literarum nostrarum prorogatoriarum in octavis festi sancti Jacobi apostoli¹⁾ praefatus Mychael contra dictum Johannem Johannis personaliter comparentes²⁾ coram nobis in iudicio proposuit eo modo, quod quondam domina Dorothea consors Tylmanni praedicti mater ipsius Mychaelis, fuisset carnalis soror Johannis praedicti, quae domina Dorothea dicto Tylmanno patri ipsius Michaelis homini puta impossessionato [fuisset maritata.]³⁾ Cuius quidem dominae Dorotheae matris suae quartam filialem idem Mychael Tylmanni iure naturae et regni consuetudine de possessionibus et portionibus possessionariis universis praedicti Johannis fratris ipsius dominae Dorotheae carnalis debentem repetebat iure mediante. Quo audito praefatus Johannes in causam attractus nostram iudiciariam licentiam petens et obtinens ad componendum se cum praefato Michaele Tylmanni aut eidem ad suam propositionem respondendum octavas nativitatis gloriosissimae virginis Mariae⁴⁾ postulabat, cui nos easdem octavas⁴⁾ concessimus altera parte annuente. Quo termino⁴⁾ adveniente Michaele Tylmanni actore et Johanne Johannis in causam attracto praedictis coram nobis comparentibus per praefatum Michaelem Tylmanni actorem coram nobis in iudicio confessum exstitit oraculo vivae vocis et relatum, quod quamvis ipse Johannem Johannis praedictum propter quartam filialem dominae Dorotheae matris suae in causam attraxisset, attamen de consilio suorum consanguineorum fautorum et amicorum, etiam ob specialem amicitiam Johannis praedicti, cuius iuvamen et auxilium in posterum sibi suffragari speraret, cum eodem Johanne talem amicabilem fecisset concordiam, ut pro quarta filiali praedictae dominae Dorotheae matris suae quadraginta quatuor florenos per centum novos⁵⁾ computando et unum equum a praefato Johanne habuisset et recepisset. In quibus quadraginta quatuor florenis et equo praedictis pro quarta filiali matris suae praedictae vellet contentari, immo et pro tunc coram nobis stetit contentus, promittens praefatum Johannem et suos heredes ratione praedictae quartae filialis⁶⁾ matris suae de cetero et per amplius numquam inquietare. Super quibus omnibus et singulis ut praemittitur saepe notato Johanni Johannis et suis heredibus praesentes literas nostras concessimus pendentis sigilli nostri munimine roboratas. Datum in octavis nativitatis virginis Mariae praedictis, anno domini M^mo CCC^mo nonagesimo octavo. [S. 227]


1) August 1.^{^}
2) So Vorlage.^{^}
3) Schrift geschwunden, 2 Centimeter breit.^{^}
4) September 15. [3x]^{^}
5) Scilicet: denarios.^{^}
6) Vorlage: filiali.^{^}