Urkunde Nr. 1425 aus Band III

Seite im UB:

229-230

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 29.

Druckvorlage:

nach Original

Abdruck als:

Volltext

Sprache:

Latein

---

1425

1399 Januar 16 Das Weissenburger Kapitel schaltet die Urkunde des Königs Sigmund von 1398 Nr. »1410 ein und berichtet Stibor, dem Woiwoden von Siebenbürgen, dass Thomas, der Pleban von Kronstadt, und Genossen in den Besitz von Zernescht eingeführt worden sind.

Magnifico viro domino Styborio vaivodae Transsiluano et comiti de Zolnuk amico ipsorum honorando capitulum ecclesiae Transsiluanae amicitiam paratam debito cum honore. Noveritis nos literas serenissimi principis domini Sigismundi illustris¹⁾ regis Hungariae nobis directas recepisse in haec verba. (Folgt die Urkunde des Königs Sigmund von 1398 Nr. »1410.) Nos enim mandatis praefati domini nostri regis obodire cupientes ut tenemur una cum domino Nicolao plebano de Roznow homine suo nostrum hominem videlicet magistrum Paulum socium et concanonicum nostrum ad praemissa ipsius domini nostri regis mandata fideliter exequenda duximus transmittendum. Qui demum ad nos reversi nobis concorditer retulerunt, quod ipsi dominica die proxima ante festum epiphaniarum domini iam proxime praeteritum²⁾ ad faciem praedictae possessionis Zerna vocatae pariter accessissent ipsamque iuxta continentias praedictarum literarum ipsius domini nostri regis vicinis et commetaneis eiusdem universis circumquaque legitime convocatis ipsisque praesentibus praefatis Thomae plebano, Jacobo, Johanni et Cristiano, Anthonio [S. 230] et Nicolao et ipsorum successoribus cum universis utilitatibus et pertinentiis quibuslibet statuissent perpetuo possidendam penitus nemine contradictore apparente, tribus diebus continuis secundum regni consuetudinem in eadem moram faciendo. Datum quarto die octavarum festi epiphaniarum domini praenotati, anno eiusdem millesimo CCC^mo nonagesimo nono.


1) Vorlage: illustri.^{^}
2) 1399 Januar 5.^{^}