Urkunde Nr. 1440 aus Band III

Seite im UB:

243-244 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 17.

Druckvorlage:

nach Original

Abdruck als:

Volltext

Sprache:

Latein

---

1440

Gran 1399 Oktober 27 Johann, Erzbischof von Gran, richtet an den Propst von Hermannstadt und an die Dekane von Hermannstadt und Kronstadt eine Einladung zur Synode nach Gran.

Johannes¹⁾ dei et apostolicae sedis gratia archiepiscopus Strigoniensis lociquo eiusdem comes perpetuus, primas et dictae apostolicae sedis legatus natus nocnon aulae regiae maiestatis Vngariae summus²⁾ cancellarius dilectis nobis in Christo filiis honorabilibus et discretis viris dominis . . praeposito capituli Cibiniensis eiusdemque Cibiniensis et Brassouiensis capitulorum³⁾ decanis nostrae diocesis salutem in domino benedictione cum paterna. Circa curam gregis dominici nobis domino volente commissi iuxta pastoralis officii debitum paternae sollicitudinis studium adhibentes, ad statum ipsius gregis aciem nostrae considerationis dirigimus dantes operam inquanto⁴⁾ nobis ex altissimis creditur, quod in sola iuris soliditate et caritatis unione persistat. Cum autem iuxta traditionem sacrorum canonum sanctam synodum singulis annis admoneamur celebrare, ad quam celebrandam secundum sanctorum patrum instituta ferventer dehemus insistere, in qua de corrigendis excessibus et reformandis moribus documentisque salubribus instruendis praesertim cum [S. 244] clero in dei timore diligentem debemus habere tractatum, ne nobis torpor negligentiae quomodolibet possit imputari, et quod gravius est, ne sanguis nostrorum subditorum in dictis capitulis existentium et signanter vester et aliorum nobis subiectorum, si qua correctione aut reformatione indigent, de manibus nostris requiratur, ideo serie praesentium vos dominos praepositum et decanos supra scriptos et quemlibet vestrum requirimus, monemus et hortamur in domino vobisque et vestrum cuilibet in virtute sanctae obedientiae et sub excommunicationis poena pro primo, secundo, tertio et peremptorie ac monitione canonica, quam in rebelles et contraeuntes proferimus in his scriptis, firmiter praecipimus et mandamus, quatenus iuxta consuetudinem alias observatam vos et quilibet vestrum die octava festi beati Adalberti martyris et pontificis dictae nostrae Strigoniensis ecclesiae patroni eximii nunc affuturi¹⁾ et aliis diebus sequentibus ad id aptis et statutis in nostra cathedrali ecclesia Strigoniensi personaliter comparere et ad sanctam synodalem congregationem omni occasione, difficultate et negligentia postpositis venire debeatis a nobis et doctoribus ac magistratibus nostris exhortationes salutiferas ac constitutiones canonicas audituri, titulos vestrorum officiorum et alia prout tenemini et consuevistis iura ac indulgentiales vestrarum ecclesiarum literas vobiscum allaturi et nobis aut nostro in spiritualibus vicario in ipsa sancta synodo, quam domino propitio personaliter celebrare intendimus, fidem facturi pleniorem de eisdem. Praesentes autem nostras synodales literas volumus, quod nobis in dicta sancta synodo in specie repraesentare curetis. Datum Strigonii, die Lunae vicesimo sexto mensis Octobris, nostro anulari sub sigillo, anno dominicae nativitatis millesimo trecentesimo nonagesimo nono, pontificatus vero sanctissimi in Christo patris et domini nostri domini Bonifacii divina providentia papae noni, anno decimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 243, 1 auf S. 244.^{^}
[S. 243]
1) Verlängerte Schrift.^{^}
2) Vorlage: suppmus [Abkürzungssstrich über supp].^{^}
3) Hierauf: de.^{^}
4) Gebessert aus: quantum.^{^}
[S. 244]
1) 1400 April 30.^{^}