Urkunde Nr. 1459 aus Band III

Seite im UB:

264-265 ^a)

Heute in:

Bukarest, Staatsarchiv [Arhivelor Naţionale ale Romȃniei, București]

Druckvorlage:

nach Original

Abdruck als:

Volltext

Sprache:

Latein

---

1459

Gran 1402 Januar 20 Johann, Erzbischof von Gran, auferlegt dem Abt von Kolozsmonostor eine Abgabe von 200 Goldgulden.

Johannes dei et apostolicae sedis gratia archiepiscopus Strigoniensis ac loci eiusdem comes perpetuus primasque et dictae sedis apostolicae legatus natus necnon aulae regiae maiestatis Hungariae summus cancellarius dilecto nobis ac religioso viro domino fratri . . abbati de Kolozmonostra diocesis Albensis, Strigoniensis vero iurisdictionis salutem et sinceram in domino caritatem. Solidae caritatis ordo naturalis esse convincitur, membra pro capitis defensione non solum se opponere sed etiam, quando opus fuerit, propriis decrementis eiusdem capitis sui tutare salutem. Hinc est dilectissime, quod ex nonnullis nostris et ecclesiae nostrae supervenientibus necessitatibus nuper ex manifestis et rationabilibus causis urgentibus et maxime, cum in brevi pro nostris et ecclesiae nostrae debito et honore serenissimum principem dominum nostrum dominum Sigismundum inclitum Hungariae regem [S. 265] pro sui status et honoris augmento ad partes Ytaliae sequi oporteat profecturum, cogimur ex iuris annuentia vestrum caritativum implorare auxilium. Quapropter vestram in domino hortamur caritatem et nihilominus in virtute sanctae obedientiae praecipiendo mandamus, quatenus infra XXX dies a die intimationis et praesentationis praesentium, quorum decem pro primo, decem pro secundo et decem pro tertio ultimo et peremptorio termino ac canonica admonitione vobis assignamus, ducentos auri puri florenos nobis aut homini nostro ad hoc deputato solvere debeatis. Alioquin si¹⁾ XXX diebus, prout praemittitur, elapsis praedictos ducentos auri puri florenos solvere dissimulaveritis vel recusaveritis, ex nunc prout ex tunc et ex tunc prout ex nunc in vos sententiam excommunicationis et suspensionis dicta canonica admonitione praemissa sententiam²⁾ ferimus in his scriptis ad graviora processuri, prout iuris ordo expostulaverit. De intimatione vero et notificatione praesentium stabimus relationi honorabilis viri domini Nicolai plebani de Sibinio diocesis Strigoniensis nuncio et homini nostro in hac parte a nobis specialiter deputato. In quorum fidem et testimonium praesentes fieri iussimus, et sigilli nostri anularis impressione muniri. Datum Strigonii, die Veneris, XX mensis Januarii, anno domini M^mo CCCC^mo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 265 (dortige 3-4 zu nachfolgender Urkunde).^{^}

1) Fehlt in der Vorlage.^{^}
2) So Vorlage.^{^}