Urkunde Nr. 1465 aus Band III

Seite im UB:

273

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 19.

Druckvorlage:

nach Original

Abdruck als:

Volltext

Sprache:

Latein

---

1465

1402 April 5 Nikolaus, Propst von Hermannstadt, richtet an Franciscus, den Dekan von Kronstadt, und Genossen einen Mahnbrief, betreffend Abgaben für den Graner Erzbischof.

Servitiorum in Christo conatibus sinceriter praelibatis. Honorabiles viri domini et patres mei reverendi. Scribitis et nunciatis supplicantes mihi, ut propter consuetudinem ab antiquo inter capitula Cybiniense et Braschouiense observatam, in qua vos respectu Cybiniensis capituli in solutionibus archiepiscopalibus quibuscumque quartam partem solvere consuevistis, vobis in solutione caritativi subsidii condescendere debeam atque velim. Ad quod vestris reverentiis respondeo, quod de illa consuetudine mihi penitus nihil constat, etiam si constaret non tamen propterea domini nostri archiepiscopi possem immutare decretum, qui non unam generalem nobis et vobis summam caritativi subsidii imposuit, sed aliam nobis aliam vero vobis, et nos cogitare et sollicitari oporteat nostram summam quomodo exsolvimus, si ergo placet vos similiter cogitate. Ceterum quod dicitis me plenam habere archiepiscopalem in hoc negotio potestatem per illam clausulam, damus et concedimus vobis plenam et omnimodam potestatem et auctoritatem et infra faciendi et agendi, quae in praedictis facere nos possemus si praesentes essemus, debebant utique reverentiae vestrae illam etiam clausulam perpendisse, quae dicit, prout vobis nostrae vocis oraculo imposuimus. Unde quamvis ex superabundanti iterum tamen atque iterum vos moneo et exhortor,¹⁾ quatenus infra terminum in aliis meis literis vobis praefixum censum vestrum II annorum et caritativum subsidium summae CXXV florenorum solvere debeatis aut certe vos per vosmet ipsos, quid mihi magis placeret, infra eundem terminum coram domino nostro archiepiscopo satagite respondere, alias si neutrum horum feceritis, mandatum domini . .²⁾ archiepiscopi me oportebit effectui mancipare. Cetera dicet lator. Scriptum feria IIII post³⁾ Quasi modo geniti, anno domini M^o CCCCII.

Nicolaus praepositus⁴⁾ Cybiniensis servus vester.

Auf der Rückseite Adresse: Honorabilibus viris dominis Francisco decano Braschouiensi ceterisque ecclesiarum rectoribus decanatus eiusdem dominis suis gratiosis

detur.⁵⁾ [S. 274]


1) Hierauf durchgestrichen: infra.^{^}
2) Johann.^{^}
3) Scilicet: dominicam.^{^}
4) Vorlage: p.^{^}
5) Vorlage: d mit Abkürzungsschleife.^{^}