Urkunde Nr. 1481 aus Band III

Seite im UB:

287-288 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73849 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 339.

Druckvorlage:

nach Original

Abdruck als:

Volltext

Sprache:

Latein

---

1481

Bistritz 1402 November 22 Peter Creczemer, Richter, und der Rat von Bistritz sprechen den dritten Teil der Hinterlassenschaft Stephan Beczhe's Michael, dem Sohne Johanns von Somkerek, und Genossen zu.

Cum humana fragilitas nihil post se mundo derelinquit¹⁾ praeter quod scripturis praesentibus queat hominibus certifice demonstrari, nos itaque Petrus Creczemer iudex, Laurencius raptor, Johannes Kotteler et magister Valentinus cum ceteris et iuratis Bistriciae civitatis civibus, singulis et quibus expedit universis praesentibus volumus enodare, quomodo quidem post obitum nobilis viri Sthepphani Beczhe filius ipsius scilicet Demetrius cum matre sua et genero²⁾ puta Johanne³⁾ de Somir querebant insimul bona hereditaria legis ordine dispertire. Quibus autem auditis in nostram advenerunt praesentiam hi nobiles viri videlicet Michael filius Johannis et Nicolaus filius Johannis et Gelud filius Ladislai, qui et in hunc modum proposuerunt, quod et ipsi in dictis hereditatibus quibus supra dividendis partem sufterre deberent, videlicet in uno fundo, qui inquam fundus in medio Petri Creczemer et Ladislai quondam Hornung localiter situatur, sicuti legitimi et veri heredes, et hoc ex eo, quia saepe dictus fundus a Wylko filio quondam Ladislai⁴⁾ ipsis supra dictis nobilibus viris videlicet Michaeli filio Johannis et Nicolao filio Johannis et Gelud filio Ladislai in tertia parte velut⁵⁾ legitimis heredibus cedere debeat et divolvi.⁶⁾ Et hoc certe literis coram nobis authenticis sufficienter demonstrarunt. Quibus autem auditis nos iustitiae vero ordine supra dictam tertiam fundi partem ipsis annotatis dominis scilicet Michaeli filio Johannis et Nicolao filio Johannis et Gelud filio Ladislai legis sententia assignamus sicuti ipsorum veras, proprias et legitimas hereditates, et reali divisione annotatum fundum, ambabus partibus astantibus et consentientibus videlicet Demetrio quondam Sthepphani Beczhe filio cum matre sua et Johanne³⁾ de Somir genero²⁾ suo ab una parte, de altera vero Michaele⁷⁾ filio⁸⁾ Johannis et Nicolao⁹⁾ filio⁸⁾ Johannis et Gelud filio⁸⁾ Ladislai de Sumcrek in tres partes divisimus, quarum praesertim trium partium una, sorte superaddita, ipsis saepo dictis nobilibus viris [S. 288] videlicet Michaeli filio Johannis et Nicolao filio Johannis et Gelud filio Ladislai secundum longitudinem et latitudinem in latere Ladislai quondam Hornung cecidit assignando prout ipsorum et successorum suorum verae et legitimae hereditates¹⁾ cum omni fructu, usu et civili libertate,²⁾ servandas,³⁾ possidendas, immo dandas vel quocumque legandas ipsi cum suis heredibus heredumque ipsorum successoribus plenam et totalem, sine annotati Demetrii⁴⁾ quondam Sthepphani Beczhe filii⁵⁾ cum matre⁶⁾ et generi de Somir Johannis,⁷⁾ neque ab eorundem successoribus,⁸⁾ vel cuiuscumque etiam contradictionis impedimento debent habere libertatis facultatem. In cuius rei efficax et vigorosum testimonium appensio nostrae universitatis sigilli perhibet praesens scriptum. Datum Bistriciae, anno domini millesimo quadringentesimo secundo, proxima quarta feria ante festum Katherinae virginis et martyris, anno quo supra.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-9 auf S. 287, 1-8 auf S. 288 (dortige 9-11 zu nachfolgender Urkunde).^{^}
[S. 287]
1) Vorlage: derelinquid.^{^}
2) Vorlage: generi. [2x]^{^}
3) Vorlage: Johanni. [2x]^{^}
4) Vorlage: Lasdislai.^{^}
5) Vorlage: velud.^{^}
6) Vorlage: divulvi.^{^}
7) Vorlage: Michael.^{^}
8) Vorlage: filius. [3x]^{^}
9) Vorlage: Nicolaus.^{^}
[S. 288]
1) Scilicet: praedicta tertia pars.^{^}
2) Vorlage: libertati.^{^}
3) Scilicet: ad praedictas hereditates cum omni fructu, usu et civili libertate.^{^}
4) Vorlage: Demetrio.^{^}
5) Vorlage: filio. - Scilicet: siue contradictionis impedimento annotati Demetrii filii quondam Sthepphani Beczhe.^{^}
6) Vorlage: matri. - Scilicet: sine contradictionis impedimento matris eiusdem Demetrii.^{^}
7) Scilicet: sine contradictionis impedimento Johannis de Somir generi eiusdem Demetrii.^{^}
8) So Vorlage. - Scilicet: impediti.^{^}