Urkunde Nr. 1483 aus Band III

Seite im UB:

289-290 ^a)

Heute in:

Mediasch, Archiv der evang. Kirchengemeinde A.B. [Parohia Evanghelică Mediaş]

Heutige Signatur:

Urkunden Nr. 55.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1483

Felsberg 1402 Dezember 4 König Sigmund befreit die Stühle Mediasch und Schelk von der Gerichtsbarkeit des Comes der Szekler.

Nos Sigismundus dei gratia rex Hungariae, Dalmaciae, Croaciae et cetera marchioque Brandenburgensis et cetera, sacri Romani imperii generalis vicarius et regni Bohemiae gubernator memoriae commendantes tenore praesentium significamus quibus expedit universis, quod fideles nostri providi viri Cuncz villicus de Megyes et Michael comes de parva Kabaz maiestatis nostrae accedentes praesentiam nobis pro parte communitatis omnium Saxonum de sedibus Megyes et Selk humillime supplicarunt, ut nos considerantes ipsos per plurimos comites⁶⁾ Siculorum diversimode aggravatos et oppressos, eosdem a iudicio et iurisdictione comitum dictorum Siculorum excipere et eximere gratiosius dignaremur. Nos itaque consideratis fidelitatibus et fidelium obsequiorum gratis meritis, quibus eadem communitas dictarum sedium Megyes et Selk culmini nostro saepe saepius complacere studuit, signanter etiam pensantes ipsos in medio seu vicinitate aliorum Saxonum nostrorum sedium Transiluanensium fore constitutos et ob hoc non immerito more, ritu et consuetudine eorundem perfrui debere, eosdem Saxones nostros ac totam communitatem dictarum sedium de Megyes et Selk a iudicio, regimine et iurisdictione comitum Siculorum videlicet constitutorum et constituendorum eximendos duximus et excipiendos, immo eximimus et excipimus prae- [S. 290] sentium per vigorem, decernentes et efficaciter volentes, ut ipsi deinceps in antea inter se seu in ipsorum medio comitem seu iudicem eligere et statuere valeant atque possint, qui in ipsorum medio omnes et singulas causas decidat et adiudicet ac omnia et singula exequatur et faciat more, consuetudine et iure septem sedium Saxonicalium partium Transsiluanarum praedictarum, harum nostrarum testimonio literarum, quas si opus fuerit in formam nostri privilegii faciemus redigi, dum nobis in specie fuerint reportatae. Datum in Felsberg, in festo beatae Barbarae virginis et martyris, anno domini millesimo quadringentesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 6 auf S. 289 (1-5 zu voranstehender Urkunde).^{^}
b) Nachtrag UB III, Seite 764 statt: Stadtarchiv.^{^}
c) Frdl. Hinweis Gernot Nussbächer. Das Orig. von 1488 befindet sich heute im Stadtarchiv Mediasch als Urkunde Nr. 56.^{^}

6) Vorlage: comes.^{^}