Urkunde Nr. 1485 aus Band III

Seite im UB:

290-292 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 8.

Druckvorlage:

nach Original

Abdruck als:

Volltext

Sprache:

Latein

---

1485

Rom bei St. Peter [1403] Januar 25 Papst Bonifaz IX. beauftragt den Hermannstädter Dekan mit der Durchführung mehrerer Anordnungen, betreffend die seitens der Geistlichen der Dekanate Mediasch, Schelk, Bistritz, Keisd, Kosd, Mühlbach, [Regen /] Reen, Baierdorf [S. 291] und Broos an den Bischof als Subsidium caritativum sowie anlässlich der Einsetzung ins Pfarramt zu entrichtenden Abgaben.

Bonifacius episcopus servus servorum dei dilecto filio . . decano ecclesiae Cybynyensis, Strigoniensis diocesis salutem et¹⁾ apostolicam benedictionem. Ex debito pastoralis officii divinitus nobis iniuncti personarum ecclesiasticarum libenter subvenimus incommodis et ut ab exactionibus indebitis releventur nostrae sollicitudinis partes adhibemus. Sane petitio pro parte dilectorum filiorum universorum rectorum parochialium ecclesiarum in territoriis decanatuum de Medies, Schelk, Pistricia,²⁾ Kyzd, Kozd, Schebes, Pluuia, Karalia, Brasio Transiluanae diocesis consistentium nobis nuper exhibita continebat, quod ipsi propter praestationem censuum et aliorum servitiorum, quae tam episcopo pro tempore existenti quam capitulo Transiluano ratione ecclesiarum suarum ministrare tenentur, adeo gravati existant, quod nisi ipsi praedia ipsarum ecclesiarum velut alii agricolae propriis colerent sumptibus bona et proventus suarum ecclesiarum pro ipsorum rectorum congrua sustentatione minimo sufficerent, quodque licet episcopi Transiluani qui fuerunt pro tempore in primordiis promotionum suarum ad ecclesiam Transiluanam magnas et excessivas pecuniarum summas ipsis rectoribus importabiliter onerosas praetextu caritativi subsidii hactenus imposuerint, tamen nihilominus in singulis institutionibus rectorum ipsarum parochialium ecclesiarum tantam pecuniarum summam, ad quam medii fructus unius anni singularum ecclesiarum ipsarum vix sufficiunt, ab eisdem rectoribus extorquere consueverunt. Quare pro parte dictorum rectorum asserentium se huiusmodi et alia eis onera incumbentia commode supportare non posse nobis fuit humiliter supplicatum, ut eis super praemissis de alicuius relevationis moderamine providere de benignitate apostolica dignaremur. Nos igitur huiusmodi supplicationibus inclinati discretioni tuae, de qua in his et in aliis specialem in domino fidutiam obtinemus, per apostolica scripta committimus et mandamus, quatenus super praemissis te auctoritate nostra diligenter informes et, si per informationem huiusmodi ita esse repereris, auctoritate praedicta statuas et ordines, quod deinceps rectores dictarum ecclesiarum parochialium, qui nunc sunt et erunt pro tempore, pro huiusmodi caritativo³⁾ subsidio,³⁾ cum tempus illud solvendi ingruerit, singulis episcopis Transiluanis una vice duntaxat moderate persolvant ita, quod tota summa pro huiusmodi subsidio per dictos rectores solvenda ultra summam quinquaginta marcarum argenti non excedat. Pro literis vero conficiendis super institutionibus praedictis, sigillo et aliis necessariis circa institutiones easdem pro singulis videlicet ipsorum rectorum tempore institutionis huius- [S. 292] modi illi ex eisdem rectoribus, qui ex dictis parochialibus ecclesiis in fructibus opulentiores, tres, alii vero, qui mediocriores opulentas, duas et reliqui rectorum huiusmodi, qui minoris opulentiae ecclesias huiusmodi obtinebunt, unam marcas argenti puri praedicto episcopo Transiluano pro tempore existenti solvere teneantur et ad solvendum aliquid ultra huiusmodi moderationem per te faciendam non sint astricti nec ad id per quoscumque quavis auctoritate compelli valeant quoquo modo etiam per literas apostolicas non facientes plenam et expressam ac de verbo ad verbum de statuto et ordinatione huiusmodi mentionem, apostolicis et provincialibus ac synodalibus constitutionibus necnon privilegiis et literis apostolicis ac aliis contrariis non obstantibus quibuscumque. Nos enim ex nunc quascumque excommunicationis, suspensionis et interdicti sententias necnon quoscumque processus, quas et quos contra huiusmodi statuta et ordinationis tenorem a quoquam quavis auctoritate promulgari seu haberi contigerit, irritos decernimus et inanes ac nullius existere roboris vel momenti. Datum Romae apud sanctum Petrum, VIII Kalendas Februarii, pontificatus nostri anno quarto decimo.

Unten rechts, von der Kanzlei:
X
X
X
X
Fe. .M. de sancta Agatha. Computatum.¹⁾
.S. de Aquila.

Auf der Rückseite auf dem untern umgebogenen Pergamentrande links, vom Schreiber der Urkunde: Adolphus.²⁾

Auf der Rückseite, von der Kanzlei: Regestrata.³⁾ N.³⁾.


a) Erster Seitenumbruch im Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 291, 1-3 auf S. 292 ^{^}
[S. 291]
1) Auf Rasur.^{^}
2) An ursprünglich leer gelassener Stelle vom Schreiber der Urkunde nachgetragen.^{^}
3) Vorlage: caritativi subsidii. [2x]^{^}
[S. 292]
1) Vorlage: Abkürzungszeichen für con.^{^}
2) Über A übergeschrieben: pro, die Unterlänge des p teilweise durch A verdeckt. - Links von der Oberlänge des h Rasur, 2.3 Centimeter breit.^{^}
3) Vorlage: R mit eingeschriebenem .n.. [2x]^{^}