Urkunde Nr. 1496 aus Band III

Seite im UB:

302-304 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1496

Ofen 1403 Dezember 9 König Sigmund verleiht Michael und Salomon, den Söhnen Salomons von Schässburg die Besitzungen Kleinmühlbach, Spring und Troschen sammt den vier zu Kleinmühlbach gehörigen Ortschaften.

[S. 303] Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus tenore praesentium significantes quibus expedit universis, quod fidelis noster dilectus magister Michael filius Salomonis de Segeswar sua ac Salomonis filii praedicti Salomonis fratris sui uterini de eadem in personis ad nostrae maiestatis veniens praesentiam propositis ipsorum fidelitatibus et fidelium obsequiorum gratuitis meritis ac sinceris complacentiis per ipsos culmini nostro sub diversitate locorum et temporum cum omni fidelitatis fervore et sollicitudine indefessa exhibitis et impensis signanterque his elapsis disturbiorum temporibus, quibus nonnulli praelati, barones, magnates, proceres et nobiles regni nostri ingrati et immemores beneficiorum a celsitudine nostra largiflue perceptorum rebellionis calcaneo ducti, immo spiritu proterviae seducti a sinu clementiae nostrae se avertere attentando inito fraudulenti consilio, quomodo ne dum dominum iustum spernendo refutarent, immo deterius dominum naturalem ab eis eliminarent, sicque tractantes et hincinde ruminantes, quomodo alium in regem eligendo introducerent, vota eorum devia in crimen laesae nostrae maiestatis in personam Ladislai filii quondam Karoli de Duratio direxerunt, cuius tandem banderium erigendo per diversa loca regni nostri in eiusdem et regnicolarum nostrorum devastationem et incommoda detulerunt et, quod nefandius est, in locis capitulorum et ecclesiarum cum reliquiarum processionibus idolatri perfidia dictum banderium venerari disposuerunt praefato Ladislao plurimas civitates, possessiones et loca signanter in Dalmacia et Croacia subiugari faciendo, quae adhuc in manibus aemulorum nostrorum retinentur, alios etiam adeo grandes et multiplices excessus et enormitates committere praesumpserunt, quod eosdem longum et difficile nimis foret declarare, praefati autem magister Michael et Salomon filii Salomonis mentem eorum ad viam dirigentes rectitu[dinis] imitantesque tramitem iustitiae veluti generales capitanei gentium nostrarum partium scilicet Transsiluanarum agilitate strenua et mente constanti non parcentes personis et rebus nec curantes mortem fratrum, proximorum, consanguineorum et familiarium ipsorum in dictis [partibus] nostris Transsiluanensibus pro nostri honoris regii incremento viriliter contra nostros aemulos dimicantium et per eosdem inibi in ore gladii prostratorum, letalia vulnera in eorum personas suscipientes totis viribus et potentia eorum coassumptis ceteris nostris fidelibus sub vexillo nostro regio praenotatis nostris aemulis et rebellibus tam viriliter tamque constanter se opponere studuerunt, ut in numero iustorum, quibus rex regum adversus hostes triumphum largitur, sunt inventi. Quae¹⁾ sunt¹⁾ etiam alia eorum fidelia obsequia non praecessissent,¹⁾ ipsos utique dignos reddiderunt a nostra celsitudine largiflua praemiorum antidota recepturos.²⁾ His itaque peractis et commissis annotatus magister Michael a maiestate nostra quasdam tres villas Saxonicales Kyssebes, Spryngh et Drassow vocatas necnon alias quatuor villas Volachicales [S. 304] ad dictam Kyssebes pertinentes in comitatu Albensi dictarum partium nostrarum Transsiluanensium existentes, quae quondam Johannis filii Ladislai vaivodae de Lossonch hominis absquo heredum solatio ab hac luce defuncti praefuissent, tamquam per defectum¹⁾ seminis eiusdem de iure et de consuetudine regni nostri ad manus nostras regias devolutas sibi ac dicto Salomoni fratri suo dari humiliter postulavit. Nos itaque praemissa animadvertendo et [ ]e²⁾ considerando memoratas possessiones Kyssebes, Spryngh et Drassow nuncupatas necnon alias quatuor villas Volachicales ad praedictam Kyssebes spectantes, modo quo supra ad manus nostras devolutas simul cum univorsis et singulis [suis utilit]atibus et pertinentiis terris scilicet arabilibus, cultis et incultis, pratis, fenetis, pascuis, agris, silvis, nemoribus, montibus, alpibus, vineis, molendinis, aquis aquarumque decursibus et generaliter cunctis earundem utilitatum integritatibus quovis nominis vocabulo vocit[atis sub i]psarum veris metis et antiquis, quibus per praefatum quondam Johannem tentae fuerunt et possessae, praetactis magistro Michaeli et Salomoni filiis Salomonis ipsorumque heredibus et posteritatibus universis praelatorum et baronum nostrorum sano exinde praehabito [consilio] manibus nostris regiis novaeque nostrae donationis titulo ac omni eo iure, quo eaedem ratione praevia nostrae incumbunt collationi, dedimus, donavimus et contulimus, immo damus, donamus et conferimus iure perpetuo et irrevocabiliter possidendas, te[nend]as pariter et habendas, salvo iure fidelium nostrorum remanente, praesentium nostrarum literarum patrocinio mediante, quas in formam nostri privilegii redigi faciemus, dum nobis in specie fuerint reportatae, tali conditione interiecta, quod quandocumque temporum in processu nos aut nostri successores reges scilicet Hungariae praedictas villas a praefatis magistro Michaele ac Salomone aut eorum superstitibus auferre voluerimus seu voluerint, ex tunc ipsi easdem villas nobis aut dictis successoribus habitis prius a nobis aut eisdem nostris successoribus aliis villis pro eisdem sine difficultate remittere teneantur et resignare. Volumus insuper, ut memorati magister Michael ac Salomon aut eorum superstites de praedictarum villarum iobagionumque et sessionum in eisdem habitorum numero nostram celsitudinem ad fidem eorum deo debitam fidelitatemque nobis et sacro nostro diademati observandam teneantur certius informare. Datum Budae, secundo die festi conceptionis virginis gloriosae, anno domini millesimo quadringentesimo tertio.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 303, 1-2 auf S. 304.^{^}
[S. 303]
1) So Vorlage. -- Satzbau fehlerhaft. [3x]^{^}
2) Vorlage: receptur [Abkürzungssstrich über Wortende].^{^}
[S. 304]
1) Vorlage: defunctum.^{^}
2) Loch, 1.6 Centimeter breit.^{^}