Urkunde Nr. 1510 aus Band III

Seite im UB:

321-322

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1510

Im Feldlager bei Kostel in Mähren 1404 Juli 28 König Sigmund verfügt, dass der Adel Siebenbürgens im Genuss der ihm unter König Ludwig I. und den andern ungarischen Königen gewährten Freiheiten belassen werden soll.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus tenore praesentium significantes quibus expedit universis, quod de regiae excellentiae diligenti meditatione advertentes, inter alias sollicitudinis nostrae curas circa ea praecipue studiosius et diligentius debere nos invigilare, per quae nostrorum subditorum utilitati provideamus et quieti, ut exinde regalis potestatis gloria augmentetur regnicolaeque nobis subiecti munificentia regia pariterque et libertate praedotati numero pariter et devotione augeantur, universos et singulos nobiles partium nostrarum Transsiluanarum nostros fideles de specialis praerogativae gratia et regiae potestatis plenitudine et eorum quemlibet tam coniunctim quam divisim in universis et singulis eorum libertatibus, immunitatibus, gratiis, privilegiis et quibuslibet praerogativis, in quibus per serenissimos principes reges Hungariae praedecessores nostros felicis memoriae et praesertim divae reminiscentiae dominum Lodouicum regem Hungariae patrem et praedecessorem nostrum carissimum ipsorumque et ipsius tempore perstiterunt tentique et conservati fuerunt, volumus et decernimus manutenere et absque difficultate conservare. Mandantes idcirco vaivodis et vicevaivodis partium nostrarum Transsiluanarum praedictarum et comitibus ac vicecomitibus Siculorum, aliis etiam regni nostri iudicibus et iustitiariis ac aliis alia forsitan auctoritate fungentibus, ut ipsos fideles nostros nobiles praetactarum partium nostrarum Transsiluanarum contra praemissas ipsorum libertates, quibus temporibus praedictorum regum Hungariae nostrorum praedecessorum et praesertim Lodouici patris et praedecessoris nostri, ut praemisimus, carissimi usi fuerunt¹⁾ et gavisi, in nullo impedire, aggravare, molestare et quidquam attentare audeant vel praesumant modo aliquali. [S. 322] Secus nullatenus sub obtentu nostrae gratiae facere audentes in praemissis. Praesentes tandem in perpetuam firmitatem praemissorum semper apud praefatos fideles nobiles nostros volumus remanere. Datum in descensu nostro campestri terrae Morauiae iuxta civitatem Podyewyn alias Costel vocatam, feria secunda proxima post festum beati Jacobi apostoli, anno domini millesimo quadringentesimo quarto.


1) Vorlage: fuert [Abkürzungsstrich über rt].^{^}