Urkunde Nr. 1511 aus Band III

Seite im UB:

322-323 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1511

Im Feldlager bei Kostel in Mähren 1404 Juli 30 König Sigmund verfügt, dass die Klausenburger im Genuss der ihnen unter König Ludwig I. und den andern ungarischen Königen gewährten Freiheiten beschützt werden sollen.

Von der Kanzlei: Commissio propria domini regis.

Nos Sigismundus dei gratia rex Hungariae, Dalmaciae, Croaciae et cetera, marchio Brandemburgensis et cetera, sacri Romani imperii generalis vicarius et regni Bohemiae gubernator memoriae commendamus significantes tenore praesentium quibus expedit universis, quod venientes nostri in conspectum culminis honorabilis et providi viri dominus Cristannus plebanus in Koloswar et Nicolaus dictus Muen civis eiusdem civitatis nostrae Coloswar proposuerunt nobis eorum et totius communitatis de dicta Coloswar et eius districtu nominibus, quomodo temporibus proximi disturbii regni nostri, dum certi Siculi nostri partes nostras Transiluanas invasissent, propter constantiam perfectae fidelitatis eorum nobis¹⁾ et nostro sacro diademati semper inconcusse observatam ad extremae desolationis exterminium tum per¹⁾ concremationes tum etenim per alias desolationes et proximorum eorum interemptiones et spolia devenissent. Itaque nisi nostra desuper gratiose providerit maiestas, timendum foret ipsam communitatem civitatis et districtus Coloswar absque alicuius recuperationis velamine destrui posse funditus et desolari. Unde nostrae humiliter supplicarunt maiestati ipsis nominibus quibus supra dignitate regia desuper benignius provideri. Nos autem consideratis multimodis fidelitatibus et fidelium servitiorum eorundem gratuitis meritis, quos intrepidos et inconcussos semper in nostris reperimus obsequiis, praesertim propter intollerabilia damna ipsis praedictis temporibus disturbii illata et irrogata pie compatientes nolentesque, ut communitas ipsius civitatis et districtus eiusdem ad extremam²⁾ desolationis deveniat³⁾ paupertatem, sed ut potius [S. 323] nostris favoribus et gratiis uberius et salubrius reformentur,¹⁾ ipsos in universis et singulis ipsorum libertatibus, gratiis et indultis generalibus et specialibus, quibus tempore felicis recordationis domini Ludwici regis Hungariae soceri et praedecessoris nostri carissimi et aliorum regum Hungariae nostrorum praedecessorum freti fuerunt quomodolibet et gavisi, in omnibus et per omnia, prout in privilegiis et aliis literalibus eorum instrumentis continetur, quas gratas, ratas et acceptas habemus et praesentis nostri scripti patrocinio corroboramus, volumus illaesos et sine damno aliquali perpetue conservare nec ipsos per quempiam cuiuscumque status, dignitatis et praeeminentiae fuerit contra eorum libertatem quomodolibet perturbari, harum nostrarum testimonio et vigore literarum. Mandamus igitur vobis fidelibus nostris viris magnificis Johanni filio Herrici et Jacobo Laczk vaivodis partium nostrarum Transsiluanarum praedictarum necnon comitibus Siculorum nostrorum vestrorumque vicevaivodis et vicecomitibus cunctisque aliis officialibus nostris praesentibus scilicet et futuris praesentium notitiam habituris harum serie firmiter et districte, quatenus praefatos et universos Saxones nostros de Koloswar et eius districtu in praedictis eorum libertatibus, praerogativis et gratiis, prout praedicta eorum sonant privilegia et literalia instrumenta, protegere, conservare, manutenere et tueri debeatis, nec ipsos audeatis contra easdem quomodolibet perturbare, prout nostram gravissimam indignationem cupitis evitare. Praesentes etiam, dum nobis in specie fuerint reportatae, in formam nostri privilegii redigi faciemus. Datum in descensu nostro campestri sub Gostal, feria quarta post festum beati Jacobi apostoli, anno domini millesimo quadringentesimo quarto.

Unter dem Siegel: [Commissio propria domini] regis.

Auf der Rückseite, von einer Hand des 15. Jahrhunderts: Confirmatio libertatum de Kolosswar.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 322, 1 auf S. 323.^{^}
[S. 322]
1) Fehlt in der Vorlage. [2x]^{^}
2) Vorlage: extraneam.^{^}
3) So Vorlage.^{^}
[S. 323]
1) So Vorlage.^{^}