Urkunde Nr. 1521 aus Band III

Seite im UB:

333-334

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1521

Thorenburg 1405 Februar 9 Peter und Ladislaus, Vizewoiwoden von Siebenbürgen, bezeugen, dass seitens Johanns, des Sohnes Gregors von Bethlen, Einsprache erhoben worden ist, betreffend die Besitzung Malom.

Nos Petrus de Strigh et Ladislaus de Nadan vicevaivodae Transsiluani memoriae commendamus, quod Blasius de Clusuar in persona Johannis filii Gregorii de Bethlen in nostram veniens praesentiam nobis per modum [S. 334] protestationis¹⁾ significare curavit, quod nonnulli forent vicini et commetanei possessionis suae Malon vocatae et signanter castellani de Baluanus et ad eundem²⁾ castrum ac eius districtum pertinentes, qui utilitates²⁾ eiusdem uterentur ac terras arabiles, prata, feneta, silvas et alia utilia, culta et inculta usui eorum nectere niterentur potentiis ipsorum mediantibus, in eiusdem praeiudicium satis grande. Unde facta huiusmodi protestatione praenominatos universos vicinos et commetaneos dictae possessionis Malon et signanter castellanos de Baluanus et eiusdem districtus ab occupatione, usurpatione, detentione et perceptione fructuum et quarumlibet utilitatum sibi ipsis perpetuatione et quovis quaesito colore adinvento se in dominium eiusdem intromissione factis vel faciendis nomine quo supra prohibuit coram nobis. Datum in Torda, in octavis festi purificationis virginis gloriosae, anno domini M^mo quadringentesimo quinto.


1) Vorlage: protestatone [Abkürzungssstrich über Wortende ne].^{^}
2) So Vorlage. [2x]^{^}