Urkunde Nr. 1522 aus Band III

Seite im UB:

334-337 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 85.

Druckvorlage:

nach Original

Abdruck als:

Volltext

Sprache:

Latein

---

1522

Ofen 1405 März 21 König Sigmund verbietet die an den königlichen und sonstigen Abgabenstellen gegen die Hermannstädter verübten Ungerechtigkeiten, betreffend die Einhebung von Strafgeld, die Wegnahme der Waren, die Besteuerung der Reisenden, des Reisegepäcks, der Lebensmittel, der Gold- und Silbervorräte und des Geldes, sowie der Geschenke für den König und die Königin.

Von der Kanzlei: Ad contenta aliarum literarum.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Boemiae gubernator omnibus Christi fidelibus tam praesentibus quam futuris praesentium notitiam habituris salutem in omnium salvatore. Regiae dignitatis praefulgentius attolitur decor et ornatus, si eadem suorum subditorum fidelium commodis et utilitatibus invigilans providebit erroneas novitates abolendo, ut exinde ipsa glorietur, iidemque numero et fidelitate augeantur. Proinde ad universorum notitiam volumus pervenire, quod fideles nostri iudex, iurati consuies seniores et universi cives Cybinienses in nostrae celsitudinis conspectum venientes nostrae dolorose significarunt maiestati, quod cum ipsi aut aliqui ex eisdera ad³⁾ provincias aut aliqua regni climata in acquisitione victuum suorum necessariorum proficiscerentur, sicut per [S. 335] nonnullos nostros sic non minus aliorum tributarios seu teoloneatores varias iniurias violentasque rerum¹⁾ et bonorum ablationes ac illicitas suarum²⁾ personarum dehonestationes quibusdam sinistris novitatibus per ipsos tributarios diversimode introductis creberrime et incompassionabiliter paterentur in eo primarie, quod cum ipsi fideles cives aut hospites nostri aut aliqui ex eisdem simul ut puta vel sigillatim ad loca dictorum tributorum pervenientes equum vel equos ipsorum ad columnam³⁾ seu statuam signum tributariae solutionis decernentem vel ad parietem seu domum tributariam contingenter alligaverint, ex tunc tributarii super eos quadraginta denarios, aut si etiam iidem cives vel hospites nostri seu aliqui ex ipsis armis eorum necessariis more solito muniti in domum et praesentiam ipsorum tributariorum praetextu solutionis tributi intrantes accesserint dicta arma eorum foris non relinquendo, similiter quadraginta denarios super eos exigerent et extorquerent. Vel si etiam iidem cives et hospites nostri vel aliqui eorum cum eorum curribus et rebus mercimonialibus ad loca dictorum tributorum pervenerint, et equi eorum ipsos currus trahentes eandem statuam seu columnam³⁾ sive domum tributariam aliquantisper pertransierint et aliquantisper post tergum reliquerint⁴⁾ aut si ipsi cum dictis eorum curribus et rebus in⁵⁾ hospitio⁵⁾ descenderint et de eodem hospitio ad dictos tributarios accesserint iustum et verum tributum persoluturi, vel si aliqui ex eisdem civibus nostris cum dictis eorum rebus mercimonialibus ad loca dictorum tributorum pergentes certum hominem ipsorum a campo propter celeriorem expeditionem praemissae solutionis tributariae antemitterent et de ipsis eorum rebus iustum tributum persolvi faciendo in ipsisque locis dictorum tributorum non pausando pertransierint, praefati tributarii illico eis calumnia imposita asserentes ipsos cum eorum rebus de locis tributorum dictorum fugitive et clandestine recessisse,⁶⁾ ipsos rebus eorum praemissis prorsus spoliarent, damnificarent et creberrime disturbarent. Cumque etiam praefati cives aut hospites seu nuncii eorum vel eorum ambasiatores aliqui ad nostram vel reginalem maiestates in factis et necessitatibus eorum venire voluerint, aut cum curribus lectisternia⁷⁾ et victualia ipsorum necessaria deferentibus vel sine curribus et absque rerum mercimonialium delationibus solum super equis ad partes regni nostri profecti aliqua eorum facta et certa negotia prosecuturi⁸⁾ exstiterint, ex tunc praefati tributarii super ipsos et a curribus eorum necnon⁹⁾ equis et clenodiis seu muneribus nostrae vel reginali maiestatibus per ipsos portandis et exhibendis necnon pecunia, auro et argento ipsorum hinc inde intra ambitum regni nostri ad eorum negotiationes necessario per eos deferendis tributariam exactionem peterent et [S. 336] reciperent indefesse et extorquerent in ipsorum ingens decrementum¹⁾ non modicum¹⁾ et iacturam, deprecantes super his per nostram maiestatem condignum et opportunum remedium gratiose ipsis elargiri, Nos igitur officio²⁾ nostri regii regiminis incumbente attendentes divinae providentiam³⁾ maiestatis, quae⁴⁾ cuncta perpetua ratione regit et gubernat, principatus et dominationes in orbe terrarum ad hoc produxisse, ut sinistras novitates per quempiam suis fidelibus incolis quoquomodo inflictas penitus evulsas habeat et relegatas, nationesque sibi subiectas in viam pacis et iustitiae, quae summa virtus est, dirigat et pacifice custodiat, pro eo nos commodis et utilitabus dictorum civium et hospitum nostrorum ac heredum et posteritatum suorum invigilare cupientes praefatas omnes erroneas novitates et abusivas ac damnabiles consuetudines in dicti tributi receptione per ipsos tributarios, ut est antelatum, introductas una cum praelatis et baronibus nostris cassamus et annullamus et in irritum perpetue revocamus, mandantes et nostro firmissimo sub edicto praecipientes universis praelatis, baronibus, comitibus, castellanis, nobilibus et eorum officialibus tributa tam in terris quam super aquis ubilibet intra ambitum regni nostri tenentibus et habentibus nostrisque et eorum tributariis praesentibus pariter et futuris, praesentium notitiam habituris, quatenus a modo et in antea super dictos cives et hospites nostros de Cybinio pro eo,⁵⁾ ut iidem equum vel equos ipsorum ad praefatam columnam,⁶⁾ parietem vel domum tributariam contingenter alligaverint et ex eo, ut ipsi aut aliqui ex ipsis praemissis eorum armis muniti⁷⁾ in eorundem tributariorum domum et praesentiam accesserint, praefatos singulos quadraginta denarios dicti tributarii recipere non praesumant, et etiam ut ipsi vel aliqui ex ipsis pro eo, ut cives nostri et hospites cum curribus et rebus ipsorum ad loca dictorum tributorum dum pervenerint et equi ipsorum dictos currus trahentes eandem columnam⁶⁾ vel domum tributariam aliquantisper portranseuntes post tergum reliquerint, ac etiam ex eo, ut ipsi cum eorum dictis curribus et rebus in hospitio descenderint et deinde ad solvendum tributum ad⁸⁾ dictos tributarios accesserint tributum persoluturi, pro eo etiam ut si aliqui⁹⁾ ex eisdem civibus nostris cum dictis eorum rebus mercimonialibus ad loca tributorum pergentes a campo dictum hominem ipsorum ad solvendum tributum antemitterent et de ipsis rebus ipsorum iustum tributum persolvi faciendo in locis dictorum tributorum non pausando pertransierint, iam dicti tributarii praefatos fideles nostros cives praemissis rebus et bonis eorum spoliare aut damnificare ipsos seu disturbare nullatenus valeant neque possint, nec ab ipsis ad nostram regiam vel reginalem maiestates venientibus aut ad⁸⁾ aliquas regni nostri partes sine rebus [S. 337] mercimonialibus equitantibus et eorum curribus dicta eorum lectisternia seu victualium genera continentibus necnon auro et argento ac pecunia eorum praetextu ut praemisimus negotiationis ipsorum intra ambitum regni nostri hunc et hanc per eos portandis¹⁾ muneribusque¹⁾ nostrae vel reginali maiestatibus per¹⁾ eos¹⁾ deferendis iuxta nostrae maiestatis decretum temporibus in perpetuis illibate duraturum tributariam exactionem memorati tributarii petere aut exigere non debeant neque valeant modo aliquali, sed eos ac ipsorum successores iuxta praemissum maiestatis nostrae decretum et statutum temporibus semper in perpetuis quietos sinant pertransire de locis dictorum tributorum et pacificos novitate et impedimento absque omni, harum nostrarum testimonio literarum. Datum Budae, in festo sancti Benedicti abbatis, anno domini millesimo quadringentesimo quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 334 (1-2 zu voranstehender Urkunde), 1-9 auf S. 335, 1-9 auf S. 336, 1 auf S. 337 (dortige 2 zu nachfolgender Urkunde).^{^}
[S. 334]
3) Fehlt in der Vorlage.^{^}
[S. 335]
1) Vorlage: eorum.^{^}
2) Vorlage: suorum.^{^}
3) Vorlage: calumpnam. [2x]^{^}
4) Vorlage: reliquerit.^{^}
5) Fehlt in der Vorlage. [2x]^{^}
6) Vorlage: recedentes.^{^}
7) Vorlage: lestisternia.^{^}
8) Vorlage: profecturi.^{^}
9) Hierauf durchgestrichen: cle.^{^}
[S. 336]
1) So Vorlage. [2x]^{^}
2) Vorlage: officii.^{^}
3) Vorlage: providentia.^{^}
4) Vorlage: qui.^{^}
5) pro eo fehlt in der Vorlage.^{^}
6) Vorlage: calumpnam. [2x]^{^}
7) Vorlage: intuitu.^{^}
8) Fehlt in der Vorlage. [2x]^{^}
9) Vorlage: aliquis.^{^}
[S. 337]
1) Fehlt in der Vorlage. [4x]^{^}