Urkunde Nr. 1537 aus Band III

Seite im UB:

362

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1537

Ofen 1405 Juli 4 König Sigmund richtet an Johann und Jakob, die Woiwoden von Siebenbürgen, und Genossen einen Erlass, betreffend die den Klausenburgern und ihrer Stadt von den ungarischen Königen verliehenen Rechte beziehungsweise den Schuts dieser Rechte durch die genannten Woiwoden und Genossen.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis magnificis viris Johanni filio Herrici de Tamasy et Jacobo filio Lachk de Zantho vaivodis nostris Transsiluanensibus et eorum vicevaivodis vel uno abseilte alteri eorundem necnon Mychaeli filio Salamonis comiti Siculorum vel eius vicecomiti salutem et gratiam. Cum nos fideles nostros cives hospites et incolas civitatis nostrae Colosuar vocatae partium praedictarum simul cum eorum ac ipsius iuribus, iurisdictionibus, libertatibus, privilegiis, gratiis et exemptionibus tam per nos quam praedecessores nostros divos reges Hungariae felicium recordationum eis datis, indultis et concessis necnon rebus ac bonis eorum quibuslibet iustis videlicet et legitimis in nostram regiam recepimus protectionem et tutelam specialem viceque nostrae maiestatis personae vestrae commisimus tuitioni, fidelitati igitur vestrae et cuiuslibet vestrum firmiter praecipimus et omnino volentes mandamus, quatenus praefatos cives hospites et incolas de praedicta Colosuar et civitatem eandem in praedictis eorum ac ipsius iuribus, iurisdictionibus, libertatibus, privilegiis, gratiis et exemptionibus rebusque ac bonis universis iustis tamen et legitimis contra quoslibet ipsos ac eam in eisdem indebite et absque iuris tramite impedire, molestare, inquietare, damnificare et perturbare volentes1) protegere, manutenere, tueri et defensare debeatis nostrae maiestatis in persona et auctoritate praesentibus vobis attributa mediante et dictante iuris aequitate. Secus igitur sub obtentu gratiae nostrae facere non ausuri. Et hoc idem iniungimus futuris vaivodis et vicevaivodis et comitibus ac vicecomitibus Siculorum partium nostrarum Transsiluanarum praedictarum dantes eis firmissimis similibus in praeceptis. Praesentes quoque post lecturam semper reddi iubemus praesentanti. Datum Budae Sabbato proximo post festum visitationis beatae Mariae virginis gloriosae, anno domini millesimo quadringentesimo quinto.


1) Vorlage: volentibus.^{^}