Urkunde Nr. 1538 aus Band III

Seite im UB:

362-363 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1538

Ofen 1405 Juli 4 König Sigmund richtet an Johann und Jakob, die Woiwoden von Siebenbürgen, und Genossen einen Erlass, betreffend [S. 363] die Übergabe der sechs vom König an die Stadt Klausenburg geschenkten Mühlen seitens der Genannten an die Stadt Klausenburg.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis magnificis viris Johanni filio Herrici de Tamasy et Jacobo filio Lachk de Zanthow vaivodis nostris Transsiluanis vel altero absente alteri eorundem ac ipsorum vicevaivodis salutem et gratiam. Cum nos tria molendina frugum et duo molendina renovatorum seu textorum et unum molendinum cerdonum in fluvio Zamos vocato et territorio civitatis nostrae Koloswar vocatae partium nostrarum Transsiluanarum currentia et hactenus ad castrum nostrum Letawar vocatum pertinentia eidem civitati nostrae et civibus ac eius communitati pro eiusdem civitatis et civium ac universitatis eiusdem et non minus camerae nostrae regiae utilitate et augmento ac sacrae coronae nostrae regiae exaltatione dederimus et applicaverimus perpetuoque et irrevocabiliter iuxta continentiam aliarum literarum nostrarum privilegialium superinde confectarum appropriaverimus et incorporaverimus, vestrae igitur et cuiuslibet vestrum fidelitati firmissimo regio sub edicto praecipimus et omnino volentes mandamus, quatenus mox et in continenti receptis praesentibus omnibusque mora, occasione et dissimulatione cessantibus praefata sex molendina superius per expressum specificata eidem civitati et ipsius civibus ac universitati per ipsam ac eos perpetuo et irrevocabiliter tenenda, habenda et possidenda remittere et resignare remittique et per vestros resignari facere vestrasque et vestrorum manus de eisdem excipere et extrahere ac removere modis omnibus penitusque et per omnia debeatis ad eadem molendina vos et vestros a modo et deinceps in antea intromittere nequaquam praesumendo. Secus sub poena nostrae regiae indignationis facere non audeatis in praemissis. Et hoc idem iniungimus futuris vaivodis et eorum vicevaivodis aliisque regnicolis nostris necnon universis, quibus fortassis temporum in eventu quiquam interesse posset in praemissis, dantes eis regiis similibus in praeceptis firmissime observare et efficaciter adimplere. Praesentes tandem post lecturam semper apud exhibentem volumus et decernimus remanere. Datum Budae, Sabbato proximo post festum visitationis beatae Mariae virginis, anno domini millesimo quadringentesimo quinto.


a) Seitenumbruch im Kopfregest.^{^}