Urkunde Nr. 1539 aus Band III

Seite im UB:

363-364 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1539

Ofen 1405 Juli 4 König Sigmund richtet an Johann und Jakob, die Woiwoden von Siebenbürgen, und Genossen einen Erlass, betreffend das Verbot gegen die Einhebung von Abgaben an der vom Könige aufgehobenen Abgabenstelle in Pusztaszentmiklos bei Klausenburg. [S. 364]

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis Johanni filio Herrici de Tamasy et Jacobo filio Lachk de Zanthow vaivodis nostris Transsiluanensibus ac eorum vicevaivodis et altero absente alteri eorundem necnon castellanis et vicecastellanis castri nostri Letawar vocati nunc constitutis et in futurum constituendis salutem et gratiam. Cum nos tributum hactenus in villa seu possessione Zenthmiklos vocata, in comitatu de Kolos habita exigi consuetum et ad idem castram Letawar appellatum pertinens ex rationibus, immo salubribus causis iuxta continentiam aliarum literarum nostrarum exinde confectarum deposuerimus, annihilaverimus et omnino revocaverimus, volumus igitur et vestrae vestrumque cuiuslibet fidelitati firmissimo regio sub edicto praecipimus et omnino volentes mandamus, quatenus a modo et deinceps in antea ab exactione praemissi tributi desistere et cessare debeatis, idemque tributum per se vel alios quoscumque directe vel indirecte palam vel occulte nullatenus exigere, recipere et extorquere exigique, recipi et extorqueri facere nullatenus praesumatis nec sitis ausi modo aliquali. Secus sub poena nostrae regiae indignationis facere non audentes in praemissis. Et hoc idem iniungimus futuris vaivodis et vicevaivodis partium Transsiluanarum necnon castellanis et vicecastellanis de Letawar ac aliis quorum interesse posset in futurum firmiter observare dantes eis firmissimis similibus in praeceptis. Praesentes quoque post lecturam semper reddi edicimus praesentanti. Datum Budae, Sabbato proximo post festum visitationis beatae Mariae virginis, anno domini millesimo quadringentesimo quinto.

Auf der Rückseite, von einer Hand des 15. Jahrhunderts: Cassatio tributi ad sanctum Nicolaum.


a) Seitenumbruch nach Kopfregest.^{^}