Urkunde Nr. 1550 aus Band III

Seite im UB:

385

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1550

1406 Januar 7 Das Weissenburger Kapitel bezeugt, dass Dorothea, die Gattin Michaels von Sard, und Genosse gegen Nikolaus Demeth von Weissenburg Einsprache erhoben haben, betreffend ein Steinhaus in Weissenburg.

Nos capitulum ecclesiae Transsiluanae significamus tenore praesentium quibus expedit universis, quod provida domina Dorothea consors Mychaelis literati de Sard filia quondam Johannis Farkasy de Alba sua ac Ladislai fratris sui carnalis in personis ad nostram personaliter accedendo praesentiam per modum protestationis nobis significare curavit, quod reverendus in Christo pater dominus Stephanus dei et apostolicae sedis gratia episcopus et praelatus noster venerandus domum ipsorum lapideam in civitate Albensi versus macellum in loco fori constructam, iure successorio ipsos contingentem, tectura, curia et aliis aedificiis nonnullis propter combustionem destitutam Nicolao Demeth de Alba praedicta patri videlicet Mychaelis literati domini et mariti sui praedicti instaurare et reaedificare commisisset tali conditione mediante, ut quamcumque pecuniae quantitatem pro reformatione ipsius domus idem Nicolaus exponeret, donec ipsa domina Dorothea et Ladislaus frater suus aut sui successores de huiusmodi quantitate pecuniae pro restauratione dictae domus expositae satisfacere valerent, idemque¹⁾ Nicolaus rehabita sua pecunia ad aedificationem praescriptae domus exposita eisdem domum ipsorum praenarratam reddere et resignare teneretur, medio autem tempore ipsam domum inhabitandi liberam haberet facultatem. Verum ut ipsi percepissent, idem Nicolaus contra ipsorum voluntatem quaedam aedificia videlicet stabula et ovilia in curia eiusdem domus facere intenderet adeo, ut in redemptione domus ipsorum ipsos succumbere ac eandem sibi vendicare conaretur. Unde facta huiusmodi protestatione prohibuit eundem Nicolaum et alios quoslibet ab ulteriore domus ipsorum seu curiae praefatae aedificatione, sive quovis coloris titulo se intromittere vellent de eadem, testimonio praesentium mediante. Super quo literas nostras protestatorias et prohibitorias petiit emanari, quas nos eidem concessimus communi iustitia suadente. Datum secundo die festi epiphaniarum domini, anno eiusdem millesimo quadringentesimo sexto. [S. 386]


1) So Vorlage. -- Satzbau fehlerhaft.^{^}