Urkunde Nr. 1580 aus Band III

Seite im UB:

426-427 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1580

Weissenburg 1407 Januar 21 Dominik, Vikar des siebenbürgischen Bischofs, bezeugt für Emerich von Budak den Wortlaut der letztwilligen Verfügungen Ladislaus', des Sohnes Geleths von Somkerek.

Nos Dominicus decretorum doctor custos et canonicus ecclesiae Waradiensis ac venerabilis in Christo patris et domini, domini Stephani dei et apostolicae sedis gratia episcopi Transsiluani vicarius in spiritualibus generalis significamus tenore praesentium quibus expedit universis, quod nobilis vir Emericus de villa Budonis ad nostram personaliter veniendo praesentiam exhibuit nobis et praesentavit quasdam literas discretorum virorum Gerlaci decani Bystriciensis ac universorum plebanorum parochialium ecclesiarum eiusdem decanatus, sigillo ipsius decani consignatas, per eosdem decanum et plebanos pro testimonio et fide subscriptorum adhibenda nobis destinatas, scilicet quod praefatus Emericus eisdem decano et plebanis, ipsis in congregatione capitulari existentibus, attulisset quoddam registrum super dispositione testamentaria quondam Ladislai filii Geleth de Swmkerek, fratris eiusdem Emerici in partibus Moldauiensibus occumbentis, sigillo vaivodae dictarum partium Moldauiensium consignatum petendo ipsos precum cum instantia, ut ipsi dictum registrum aperire et intra scripta perlegere hisque perlectis et auscultatis²⁾ ea de verbo ad verbum transcribi facere ac sibi tenorem eiusdem sub transcripti forma, sigillo eorum munitum concedere dignarentur. Qui quidem praenotati decanus et plebani precibus ipsius Emerici inclinati recepto dicto registro eoque aperto, intra scriptis eiusdem perlectis, nihilominus visis et consideratis ex ignorantia scriptorum incongrua formatione et nubilosa vocabulorum combinatione tenorem eiusdem registri in meliorem formam transcribi et eorum sub sigillo fecissent emanari, in substantialibus autem ipsius testamenti nil addendo vel minuendo, prout ex tenore eiusdem registri tandem nobis patuit evidens concordantia. Quamquidem transcriptionem dicti registri cum sigillo eiusdem decani reclusam una cum originali suo scilicet registro, quod eisdem decano et plebanis per eundem Emericum sub sigillo vaivodae Moldauiensis ut praefertur exstitit praesentatum et per [S. 427] ipsos decanum ac plebanos apertum, consimiliter idem Emericus nobis curavit praesentare, hune tenorem continentem, quod praefatus Ladislaus in ultima sua voluntate in bonis suis tale condidisset testamentum, item primo ecclesiae sanguinis Christi de Chepan legavisset sex molderata annonae et viginti oves. Item de uno cantro et uno cipho argenteis duos calices commisisset ordinare, quorum unum eidem ecclesiae sanguinis Christi de Chepan et alium ecclesiae beatae virginis de Swmkerek dare commisisset. Item de una tunica sua purpurea pro eadem ecclesia beatae virginis de Somkerek unam casulam commisisset ordinare, item de una tapecia vulgo poplan de purpure et camuca facta duas casulas ordinare, quarum unam pro ecclesia de Odwarhel, aliam vero uni alteri ecclesiae magis indigenti assignare commisisset. Item quod partes residuas,¹⁾ quae de dictis purpure et kamuca remansissent, cum duobus crinalibus argenteis uxori Johannis de Doboka dare commisisset. Item commisisset etiam, quod idem Emericus pixidem apud Nicolaum Lawinam de sancto Andrea habitum, in quo essent floreni auri et reliquiae sanctorum, ad se recipere deberet et cum florenis illis peragere peregrinationem ad limina beatorum Petri et Pauli apostolorum ac reliquias pro dictis ecclesiis sanguinis Christi de Chepan et beatae virginis de Somkerek deberet distribuere. Item quod idem Emericus unum scrinium suum apud relictam Michaelis de Kentil suam compatrissam habitum similiter deberet pro se occupare et habere. Item quod apes sui interficerentur, et de ceris examinum candelae fierent ad obsequias²⁾ suas celebrandas ministrandae. Item quod sacerdotibus ad suas obsequias²⁾ vocatis de pecuniis apud dictum Emericum et Cristilinum comitem de Chepan habitis deberent fieri comparationes et provisiones cum uno dextrario meliori. Item Emerico procuratori curiae suae legasset duos boves et unum equum, item Nicolao Donay quatuor boves, Stephano similiter quatuor boves et unam tunicam virideam. Item unum balteum legasset sorori suae nomine Veronicae. Omnia autem bona sua alia, exceptis praemissis, tam mobilia quam immobilia quovis vocabulo vocitata et ubilibet existentia, vineas, domos, boves, porcos, equos et equas universaliter et singulariter praefato Emerico de villa Budonis testamentaliter legasset et reliquisset. Qui quidem Emericus petens nos debita cum instantia, ut iuxta seriem et tenorem dicti registri super dicto testamento fratris sui Ladislai praenotati literas nostras privilegiales conficere et sibi ad cautelam et sui iuris conservationem concedere dignaremur. Nos enim petitionibus eiusdem iustis et legitimis annuentes super praescripto testamento ipsius Ladislai filii Geled iuxta continentiam et tenorem literarum transcriptionalium praefatorum dominorum decani et plebanorum, in substantialibus huiusmodi testamenti nil addendo nec minuendo, sed secundum gestae rei seriem prout in eisdem literis decani et plebanorum continebatur, ea in praescriptis literis nostris per totum inserere faciendo literas nostras privilegiales sub appensione sigilli nostri eidem Emerico ad cautelam et sui iuris conservationem duximus concedendas. Datum Albae, in festo beatae Agnetis virginis et martyris, anno domini millesimo quadringentesimo septimo. [S. 428]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 426 (1 zu voranstehender Urkunde), 1-2 auf S. 427.^{^}
[S. 426]
2) Vorlage: ascultatis.^{^}
[S. 427]
1) Vorlage: residuae.^{^}
2) Vorlage: obsequies. [2x]^{^}