Urkunde Nr. 1607 aus Band III

Seite im UB:

449-450 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73886 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 389.

Druckvorlage:

nach Original

Abdruck als:

Volltext

Sprache:

Latein

---

1607

Thorenburg 1408 März 18 Jakob Lachk und Johann Herrici, Woiwoden von Siebenbürgen, bezeugen, dass laut Entscheidung des Thorenburger Landtags auf der Besitzung Aklos ungerechte Abgaben von den Reisenden eingehoben worden sind und noch eingehoben werden.

Nos Jacobus Lachk de Zantho et Jobannes Herrici de Thamasy vaivodae Transsiluani et comites de Zolnok memoriae commendamus, quod in congregatione nostra generali universitati nobilium et alterius cuiusvis status et conditionis partis Transsiluanae hominum feria quinta proxima post diem cinerum²⁾ Tordae celebrata Stephanus iudex de Torda in sua ac [S. 450] universorum civium seu hospitum de eadem personis de medio aliorum exsurgendo proposuit eo modo, quod in possessione Aklos vocata super eosdem cives et hospites ac ceteros universos viatores tributum iniustum et inconsuetum exactum fuisset et exigeretur de praesenti, et hoc iudicibus nobilium et iuratis assessoribus septem comitatuum dictae partis Transsiluanae constaret¹⁾ evidenter, petens nos cum instantia, ut iidem iudices nobilium et iurati assessores qualem de praemissis scirent per nos requisiti faterentur veritatem. Cumque nos eosdem iudices nobilium et iuratos assessores super praemissis requisitos habuissemus, iidem ad fidem eorum deo debitam fidelitatemque domino nostro regi et suae sacrae coronae regiae conservandam pro dicenda veritate et iustitia observanda tacto dominicae crucis ligno nobis praestitam hoc, ut in dicta possessione Aklos tributum iniustum et inconsuetum ac indebitum super universos viatores per ipsam possessionem Aklos transeuntes exactum fuisset et exigeretur de praesenti, unanimi et concordi testificatione affirmarunt. In quorum assertionis testimonium praesentes literas nostras patentes duximus concedendas. Nos itaque iudices nobilium praescriptorum septem comitatuum praesenti negotio interfuimus et in huius testimonium sigilla nostra ad haec sufficientia iuxta sigilla praefatorum dominorum vaivodarum praesentibus duximus apponenda. Datum decimo octavo die congregationis nostrae praedictae, in loco memorato, anno domini Mmo quadringentesimo octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 449 (1 zu voranstehender Urkunde), 1 auf S. 450 (dortige 2-3 zu nachfolgender Urkunde).^{^}.
[S. 449]
2) März 1.^{^}
[S. 450]
1) Vorlage: constarent.^{^}