Urkunde Nr. 1631 aus Band III

Seite im UB:

477-478

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

1631

Ofen 1409 April 7 bis 14 König Sigmund richtet an Stephan, den Bischof von Siebenbürgen, einen Erlass, betreffend die den Klausenburgern verliehene Befreiung von der Abgabe des Neuntens und des Terragiums beziehungsweise des Tributum montis.

Von der Kanzlei: Commissio propria domini regis.

Sigismundus dei gratia rex Hungariae, Dalmaciae, Croaciae et cetera marchioque Brandenburgensis, sacri Romani imperii vicarius generalis et regni Bohemiae gubernator fideli suo devoto dilecto reverendo in Christo patri domino Stephano episcopo Transsiluano salutem et gratiam. Cum nos civitatem nostram Coluswar vocatam dudum aliis civitatibus liberis regni nostri aggregatam et annumeratam ac ad instar earum omnibus libertatibus, gratiis, exemptionibus, immunitatibus, praerogativis et privilegiis insignatam et decoratam a solutione nonae et terragii seu tributi montis de eorum vinis in ipsorum vineis in territoriis, districtibus, terris et tenutis tam vestris quam aliorum quorumvis habitis et existentibus novissime ex speciali gratia et indulto expresso, ut ipsa civitas nostra et cives populi hospites et incolae eiusdem libertatibus una cum aliis civitatibus regni nostri Hungariae et partium nostrarum Transsiluanarum praedictarum aequaliter gaudeant ad observandamque debitae fidelitatis constantiam sicut hactenus¹⁾ ita et in futurum fortius animentur, libertaverimus, exemerimus et absolverimus aliarum literarum nostrarum per vigorem, volentes itaque eosdem ipsa nostra gratia indultoque et libertate in ipsis aliis literis nostris superinde confectis specialiter expressis potiri et omnibus modis gratulari, vestrae fidelitatis devotioni firmissimo regio sub edicto praecipimus et nullatenus habere aliter volentes mandamus, quatenus a modo et deinceps in antea et perpetuis futuris temporibus nonas et terragium seu tributum montis de vinis in vineis dictorum civium et hospitum civitatis Coloswar praenotatae in vestris territoriis, terris, tenutis et possessionibus nunc et in futurum existentibus procreandis petere, recipere et exigere petique, recipi et exigi facere nullatenus praesumatis nec sitis ausi modo aliquali, sed sinatis eosdem cum huiusmodi eorum vinis receptis veris ab eisdem decimis et absque ut praemisimus nonae et terragii seu tributi montis solutione et receptione de ipsorum vineis in vestro territorio, tenutis et possessionibus pacifice recedere, abire et dicta eorum vina libere et absque impedimento educere et deportare. Secus contra formam praemissae nostrae gratiae ipsis factae²⁾ nullatenus facere praesumatis. Et hoc idem iniungimus futuris [S. 478] episcopis vestris successoribus episcopatu in eodem firmissimo nostro regio sub edicto perpetuo et inviolabiliter observari. Praesentes quoque perlectas semper reddi volumus praesentanti. Datum Budae, infra octavas festi Pascae, anno domini millesimo quadringentesimo nono et cetera.

Unter dem Siegel: Commissio propria domini regis.


1) Hierauf durchgestrichen: sic.^{^}
2) Über der Zeile nachgetragen.^{^}