Urkunde Nr. 1634 aus Band III

Seite im UB:

479-480

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1634

Batha 1409 Juli 15 König Sigmund bestätigt für die Stadt Klausenburg die Urkunde des Königs Ludwig I. von 1377 Nr. »1083, betreffend das Dorf Felek und den Schaffünfzigsten dieses Dorfes.

[S. 480] Von der Kanzlei: Propria commissio domini regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae¹⁾ gubernator memoriae commendamus tenore praesentium significantes quibus expedit universis, quod fidelis noster Caspar rector scholarum et notarius civitatis nostrae Coluswar vocatae in sua ac universorum fidelium civium et hospitum nostrorum de eadem personis nostrae sublimitatis adiens conspectum exhibuit nobis quasdam literas quondam serenissimi principis domini Lodouici regis Hungariae patris et soceri nostri carissimi felicis reminiscentiae super donatione et annexione villae Olachalis Felek dictae, in silva ipsius civitatis nostrae sitae necnon relaxatione quinquagesimae et alterius cuiuscumque solutionis signanter prandii ex parte Olachorum in eadem commorantium fisco nostro regio provenire debentium sub eius secreto sigillo subappresso emanatas tenoris infra scripti, supplicans exinde nominibus quibus supra nostrae culmini maiestatis prece subiectiva et devota cum instantia, quatenus ipsas literas ratas, gratas et acceptas habendo nostrisque literis inseri faciendo cuncta in eisdem contenta de nostrae regiae uberrimae liberalitatis largiflua clementia roborare et denuo gratia speciali confirmare dignaremur pro eisdem. Quarum tenor is est. (Folgt die Urkunde des Königs Ludwig I. von 1377 Nr. »1083.) Nos igitur humillimis supplicationibus ante fatorum civium et hospitum nostrorum de dicta Coluswar per annotatum magistrum Caspar eorundem nominibus nostrae subiective oblatis maiestati regia liberalitate, quae cunctis iusta petentibus et praesertim sibi fideliter obsequentibus solet esse benigna, pie exauditis et clementer admissis consideratis nihilominus multifariis fidelitatibus et fidelium obsequiorum praeclaris et laude attollendis meritis et sinceris complacentiis ipsorum civium et hospitum nostrorum per ipsos nobis et sacro nostro regio diademati locis et temporibus summe incumbentibus cum summa fidelitatis constantia et sollicitudine indefessa iuxta possibilitatis eorum exigentiam laudabiliter et intrepide exhibitis et impensis praetaxatas literas annotati quondam soceri nostri regis Lodouici non abrasas, non cancellatas nec in aliqua sui parte vitiatas sed mera veritatis plenitudine praepollentes quoad omnes earum continentias, clausulas et articulos ratas, gratas et acceptas habendo praesentibusque de verbo ad verbum transcribi faciendo ac eisdem nostrum regium consensum benivolum et assensum praebendo easdem de novae nostrae regiae munificentiae dono et gratia speciali perpetue valituras duximus innovandas, ratificandas, confirmandas et approbandas, immo praebemus, innovamus, ratificamus, confirmamus et approbamus pro eisdem harum nostrarum vigore et testimonio literarum. Datum in Batha, feria secunda proxima post festum beatae²⁾ Margaretae³⁾ virginis et martyris, anno domini millesimo quadringentesimo nono et cetera. [S. 481]


1) Vorlage: Bohe.^{^}
2) Über der Zeile nachgetragen.^{^}
3) tae am Anfang der nächsten Zeile ausgeblieben.^{^}