Urkunde Nr. 176 aus Band I

Seite im UB:

126-127

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 41 578.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

176

Altsohl 1274 August 27 König Ladislaus IV. bestätigt einen Besitztausch zwischen Ban Alexander und Nikolaus, Sohn Eche's.

Nos Ladislaus dei gratia rex Hungariae harum serie memoriae commendantes declaramus universis, quod Alexander banus comes de Scybinyo et de Doboka dilectus et fidelis noster ab una parte, Nicolaus filius Eche ab altera coram nobis personaliter comparendo, de propria et communi voluntate et ex nostra permissione inter se huiusmodi concambium dixerunt ordinasse, quod terram Pertaltelyky vocatam, quam memoratus Nicolaus de hereditaria sua terra et fratrum suorum praefato Alexandro bano super cuiusdam summa pecuniae vendiderat, quam etiam idem Alexander banus a longo tempore pacifice cum omnibus suis utilitatibus possederat, super qua ipsum Nicolaum fratres sui infestabant. Ut omnis infestatio et seditionis materia a fratribus uterinis radiciter sopiatur, idem Alexander banus praedictam terram reddidit et restituit pro perpetuae pacis unione eidem Nicolao [S. 127] cum omnibus suis instrumentis, quibus eandem per modum emptionis possidebat, in concambium terrarum Woyk et Moluncha vocatarum, quarum unam titulo emptionis, alteram vero donationis praesidio praedictus Nicolaus obtinebat, similiter cum omnibus suis munimentis contulit Alexandra bano praefato in concambium terrae memoratae. Ad maiorem vero cautelam Mykou et Eche filii Eche coram nobis personaliter constituti huic ordinationi seu concambio consensum praebuerunt et assensum, ita quod a modo nullis¹⁾ umquam temporibus super huiusmodi habito concambio movere valerent materiam quaestionis. Datum in Zolum, in octavis sancti regis, anno domini millesimo CC^o LXX^o quarto.


1) Vorlage: ullis.^{^}