Urkunde Nr. 1672 aus Band III

Seite im UB:

520-521

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1672

Kaschau 1412 März 30 König Sigmund erlässt für Siebenbürgen eine Verordnung, betreffend den ungehinderten Verkehr Johann Lewkew's von Bistritz und Genossen nach Neustadt und allen andern Orten.

Sigismundus dei gratia Romanorum rex semper augustus ac Hungariae et cetera rex fidelibus nostris universis nobilibus et ignobilibus in partibus nostris Transsiluanis ubilibet commorantibus et constitutis quibus praesentes ostenduntur salutem et gratiam. Ex gravi querela coram culmine nostrae [S. 521] maiestatis proposita et facta per fidelem nostrum Johannem vectorem dictum Lewkew habitatorem nostrae civitatis Bistriciensis intelleximus displicenter, quod cum ipse Johannes et ceteri vectores res et victualia ad montanas nostras rivuli Dominarum aut ad alia loca bona mercimonialia in ipsorum curribus pro pretio, solito more adducerent¹⁾ et conducerent²⁾ vel ex aliis causis proficiscentes se conferrent³⁾ de loco ad locum, ex tunc nonnulli ex vobis eosdem Johannem et alios vectores pro debitis, delictis et excessibus aliorum et alias sine rationabili causa in personis et rebus in iudicio et extra turbassetis et impedivissetis, et damnificare continuo non cessaretis sicque, quod montanae nostrae ex hoc detrimentum et ipsi vectores reciperent intollerabilia damna. Et quia iusti pro iniustis puniri non debeant nec impediri et talia contra promotionem montanarum nostrarum praedictarum et communem utilitatem facta sunt et attentata existunt, fidelitati igitur vestrae et cuiuslibet vestrum firmissimo regio damus sub edicto mandantes, quatenus a modo et in antea a turbatione et impedimentis ac damnificatione necnon arestatione et prohibitione huiusmodi in personis et rebus praedicti Johannis Lewkew et aliorum vectorum seu populorum et habitatorum civitatis et sedis Bistriciensis universorum ut praefertur iter agentium et proficiscentium⁴⁾ desistere et penitus cessare debeatis sicque, quod praedicti vectores et homines Bistricienses labores eorum et negotia libere perticere et secure valeant exercere adeo, quod nostrae montanae non videantur recipere detrimentum, et huiusmodi quaestionis materiam in nostram audientiam amplius reduci non contingat. Alioquin commisimus et serie praesentium committimus fideli nostro magnifico viro Stiborio vaivodae Transsiluano aut eius vicevaivodae nunc constituto et in futurum constituendo per occupationem bonorum vestrorum et aliis vestris gravaminibus atque damnis ut vos et quemlibet vestrum artius constringat et compellat ad facienda praemissa. Secus sub indignatione nostra gravissima nequaquam facere ausuri. Praesentes etiam perlectas semper reddi volumus praesentanti. Datum Cassouiae, feria quarta proxima post dominicam Palmarum, anno domini M^o CCCC XII, regnorum nostrorum Hungariae et cetera anno XXV^o, Romanorum vero secundo.


1) Ursprünglich: adducunt.^{^}
2) Ursprünglich: conducunt.^{^}
3) Ursprünglich: conferunt.^{^}
4) Vorlage: agentibus et proficiscentibus.^{^}