Urkunde Nr. 1690 aus Band III

Seite im UB:

541-542 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 37.

Druckvorlage:

nach Original

Abdruck als:

Volltext

Sprache:

Latein

---

1690

Kronstadt 1412 September 1 Stibor, Woiwode von Siebenbürgen, erklärt die von Thomas, dem Pleban von Kronstadt, und Genossen vorgelegten Urkunden für rechtsgültig, beziehungsweise das Besitzrecht des genannten Thomas und Genossen, betreffend die Besitzung Zernescht, für rechtskräftig.

Stiborius vaivoda Transsiluanus, Trenczinii, Nitriae, Bistriziae⁴⁾ et Solnuk comitatuum⁵⁾ comes ac fluvii Wag dominus perpetuus et cetera. In notitiam volumus devenire singulorum tam praesentium quam futurorum, quod cum nos ex speciali commissione serenissimi principis et domini, domini Sigismundi Romanorum regis semper augusti ac Vngariae et cetera regis una cum magnifico viro domino Michaele de Nadazd comite Siculorum ac strenuis militibus Ladislao de Nadab vicevaivoda nostro partium praemissarum et Thoma Farkacz necnon nobile Anthonio de Sarmberk ac ceteris [S. 542] nobilibus pro tunc nobis adhaerentibus per eundem in arduis factis et expeditionibus plenaria cum potestate datis et concessis ipsius per maiestatem¹⁾ in medium universitatis nobilium tam quam ignobilium generalem Brassowiae fecissemus convocationem feria quinta die festi sancti Egidii²⁾ super eo, uti omnes et singuli praelati, barones, nobiles et alii cuiusvis conditionis possessionati homines partium praedictarum, ex generali decreto praedicti domini nostri regis et praehabito maturo consilio praelatorum,³⁾ baronum,³⁾ super possessiones portionarias aut integras titulo novae donationis donatas, si quas excellentissimae olim principes coniunx serenissimi principis felicis reminiscentiae regis Lodwici ac Maria regina piarum recordationum quondam contoralis domini et domini regis Sigismundi Romanorum ac Vngariae et cetera regis, si quas autem idem dominus noster rex sub titulo novae donationis et confirmationis gratiose ob laude digna servitia⁴⁾ tempore disturbiorum sacrae coronae⁵⁾ diadematis⁵⁾ regni⁵⁾ Vngariae per eosdem cum summa fidelitate exhibita⁶⁾ eisdem dedissent, donassent et contulissent, easdem literas superinde privilegiales nostri in praesentia ac ante dictorum baronum in specie deberent exhibere, ex tunc de medio aliorum prudentum virorum exsurgens honorabilis vir dominus Thomas plebanus Brassowiensis in persona sua ac prudentum virorum Jacobi, Johannis et Cristanni filiorum quondam Mathiae necnon Anthonii filii Michaelis de sancta Agatha ac Nicolai filii Herbordi comitis de Fekethehalm super quadam possessione Zerne vocata, in districtu Brassowiensi habita et sita exhibuit nobis literas privilegiales praelibati domini nostri regis ac capituli ecclesiae Albensis Transsilluanae duplici sigillo munitas et roboratas pendenti et consignatas. Quarum quidem literaruni tenorem et seriem perpetualis⁵⁾ et irrevocabilitatis⁵⁾ novae confirmationis et collationis materiam nos una cum praedictis viris elucidato animo diligenter inspeximus ac perlegi fecimus. Quarum quidem seriem et tenorem de perpetua collatione atque confirmatione praetactarum literarum privilegialium coram regni proceribus partium praemissarum non abrasas,⁵⁾ non cancellatas⁵⁾ sed omni suspicionis vitio destitutas ratas, gratas et acceptas habendo ratificamus, approbamus et ipsam possessionem superius dictam praealegato domino Thomae plebano ac virorum praemissorum et eorum heredum successoribus perpetue et perennaliter possidendam vigore praesentium confirmamus in persona regiae maiestatis et nostra contra quoslibet contradictores illaesos volumus conservare. In cuius rei evidens testimonium et robur perpetuum praesentes sigillo nostro maiori pendenti nostra ex propria voluntate et scientia iussimus communiri. Datum Brassowiae, die et loco in termino praefixo, anno domini millesimo CCCC^o XII^o. [S. 543]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4-5 auf S. 541 (1-3 zu voranstehender Urkunde), 1-6 auf S. 542.^{^}
[S. 541]
4) Vorlage: Bistrziae.^{^}
5) Vorlage: comitatu [Abkürzungssstrich über tu].^{^}
[S. 542]
1) Scilicet: ex speciali commissione Sigismundi regis cum plenaria potestate ipsius regis data et concessa per eandem regiam maiestatem.^{^}
2) September 1.^{^}
3) Auf ein gelöschtes Wort aufgetragen. -- Scilicet: et praehabito maturo consilio per regem cum praelatis et baronibus. [2x]^{^}
4) Vorlage: laudem dignis servitiis.^{^}
5) So Vorlage. [7x]^{^}
6) Vorlage: exhibitis.^{^}