Urkunde Nr. 1697 aus Band III

Seite im UB:

554-555

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 40a.

Druckvorlage:

nach Original

Abdruck als:

Volltext

Sprache:

Latein

---

1697

Hermannstadt 1412 September 18 Stibor, Woiwode von Siebenbürgen, richtet an Michael, den Comes der Szekler, und Genossen das Ersuchen beziehungsweise den Befehl, von den Moldauern in Kronstadt keine Abgaben zu erheben und ihnen für den etwa zugefügten Schaden Ersatz zu leisten.

Stiborius vaivoda Transsiluanensis et comes de Solnuk¹⁾ et cetera magnifico viro Michaeli filio Salomonis de Nadasch comiti Siculorum fratri nostro necnon tributariis officialibus eiusdem in civitate et districtu Braschouiensi²⁾ fraternam cum affectu sincerae dilectionis caritatem. Magnifice vir. Recordamur, quod cum una vobiscum nuper in civitate praedicta³⁾ ex parte tributi, quod de praesenti in eadem civitate per vestros recipitur homines, quod prius sub castro Toercz exigere fuerat consuetum et pro eo, quod castrum praenominatum in manibus exstat alienis, sic devolutum est ipsum tributum in civitatem praenotatam, in qua et nos una vobiscum solutionem tributorum praemissorum ordinavimus, statuimus, quantum quis et de quibus mercibus solvere teneretur, ubi literae nostrae et vestrae super praemissa ordinatione sunt emanatae. Cum⁴⁾ tamen nullus de partibus Moldauiae de⁵⁾ partibus superioribus aliquod teneretur in civitate praedicta solvere tributum, nunc⁴⁾ vero vestri tributarii et officiales mercatores de Moldauia per ablationes rerum suarum nuper ad solutionem tributorum ibidem compulerunt. Quare vestra velit fraternitas praedictos vestros familiares de praemissis factis illicitis compescere, ne regiae maiestati conqueri compellantur, cum et nobis⁶⁾ magnificus vir vaivoda Moldauiensis super praemissis iniuriosis exactionibus suis in literis nos ammonet seriose. Quare vobis nobilibus viris officialibus iudicibus ac tributariis dicti magnifici viri comitis Siculorum constitutis et constituendis in dicta Brascho praesentibus⁷⁾ auctoritate regiae maiestatis qua plenarie suffulti⁸⁾ in partibus praemissis praecipiendo mandamus,⁹⁾ quatenus a modo et deinceps nullum tributum¹⁰⁾ qui de Moldauia venerint et⁴⁾ de partibus superiorum exigere et recipere debeatis, sed ab illis, qui de partibus Transalpinis transire consueverunt. Et si quae damna Molda- [S. 555] uiensibus intulistis, eadem restituere debeatis. Alioquin nos ipsis de remedio oporteret providere auctoritate praevia opportuno. Datum Czibinii, die dominico proximo post festum exaltationis sanctae crucis, anno domini millesimo quadringentesimo duodecimo.


1) Vorlage: Solunk.^{^}
2) Scilicet: existentibus.^{^}
3) Scilicet: statuimus, quantum etc.^{^}
4) So Vorlage. [3x]^{^}
5) de folgt unmittelbar auf Moldauiae.^{^}
6) Scilicet: conquerendo.^{^}
7) Scilicet: et futuris.^{^}
8) Scilicet: sumus.^{^}
9) Vorlage: manadamus.^{^}
10) Scilicet: ab illis.^{^}