Urkunde Nr. 1748 aus Band III

Seite im UB:

622-625 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.).

Druckvorlage:

nach Original

Abdruck als:

Volltext

Sprache:

Latein

---

1748

Speyer 1414 Juli 30^b) König Sigmund beauftragt Michael, den Comes der Szekler, und Genossen mit der Untersuchung der Streitsache zwischen der Gemeinde Baierdorf einerseits und Thomas Farkas [S. 623] von Ungersdorf andererseits, beziehungsweise mit der Einführung der Gemeinde Baierdorf in den ihr zukommenden Besitz eines Landstrichs.

Von der Kanzlei: Propria commissio domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris magnifico Michaheli filio Salomonis de Nadasd Siculorum nostrorum comiti et¹⁾ Ladislao de Nadab partium nostrarum Transsiluanarum vicevaivodae salutem et gratiam. Venientes nostrae serenitatis in conspectum fideles nostri providi viri Andreas Rymer iudex et Nicolaus Scherer iuratus civis nostrae civitatis Bisterciensis necnon Johannes Clobis dicti iudex de Nagdemeter in personis universorum populorum et hospitum nostrorum in possessione nostra in vulgo Hungarico Nempty, Theutonico vero Beyerdorff vocata commorantium exhibuerunt nobis quasdam duas literas unam¹⁾ quondam magnificorum Nicolai filii Pethew olim similiter comitis Siculorum nostrorum et aliam quondam Stiborii dictarum partium nostrarum Transsiluanarum vaivodae. Quarum prima videlicet praefati quondam Nicolai comitis Siculorum ad literatorium mandatum quondam incliti principis domini Lodowici regis Hungariae soceri nostri carissimi eidem rescripta declarabat inter cetera, quod quia ipse quondam Nicolaus comes Siculorum a nobilibus et ignobilibus et specialiter ab officiali et iobagionibus quondam magistri Franke, Nicolai et Symonis filiorum quondam Konyae bani diligenter inquirendo quandam particulam terrae, quam meatus seu cursus fluvii Bistriczia nuncupati, tempore suae inundationis de antiquo suo cursu territorium seu metas dictae possessionis Nempty motu violenti ingrediendo, ab eadem possessione Nempty versus possessiones dictorum filiorum quondam Konyae²⁾ bani Orozfalu et Zereth nuncupatas separasset seu excidisset, semper et ab antiquo ad praedictam possessionem nostram Nempty pertinuisse ususque et fructus eiusdem particulae terrae per homines de dicta Nempty perceptos exstitisse dempto uno anno, in quo tunc lis et quaestionis materia ratione huiusmodi terrae mota exstitisset, comperisset manifeste, ideo eandem particulam terrae dictis populis nostris de Nempty nullo contradicente restatuisset. Alia autem videlicet praefati quondam Stiborii vaivodae sub eius sigillo maiori patenter suborta nos inter cetera eatenus informabat, quod praefatis populis et hospitibus nostris de Beyerdorff alias de Nempty ab una, parte vero ex altera Thoma Farkas de Monyoros de praedicta particula terrae litigiosa in praesentia ipsius quondam Stiborii vaivodae contendentibus eisdemque populis et hospitibus nostris certa literalia eorum instrumenta factum praemissae terrae litigiosae tangentia coram eodem quondam Stiborio vaivoda exhibentibus, quia praefatus Thomas Farkas nulla [S. 624] literalia instrumenta facto in praemisso confecta per ipsum in certo termino exhibere assumpta termino in eodem exhibere potuisset, ideo praefatus Stiborius vaivoda habita superinde matura deliberatione praescriptam terram litigiosam nostra in hac parte sibi concessa et sua iudiciaria auctoritatibus dictis populis et hospitibus nostris contradictione qualibet non obstante commisisset possidendam et tenendam. Quibus quidem literis exhibitis maiestati nostrae exposuerunt anxiosa cum querela, quomodo praefatus Thomas Farkas nuper tunc nobis extra ipsum regnum nostrum Hungariae constitutis praedictam terram ipsorum modo quo supra ipsis restitutam et adiudicatam absque omni lege immo manu violenta et potentiaria vice versa pro se occupasset ipsos de eadem eiiciendo in ipsorum immo potius nostrae maiestatis praeiudicium et damnum valde magnum. De quibus satis turbati vehementer cogimur admirari praemissa non ipsis nostris populis et hospitibus sed nostrae maiestatis in contemptum perpetrata fore reputantes. Et quia nos huiusmodi actus potentiarios nedum contra culmen nostrum regium verum etiam quoscumque alios regnicolarum nostrorum per quoscumque commissos iuxta formam decreti nostri generalis per nos una cum praelatis et baronibus nostris superinde stabiliti nequaquam simpliciter volumus pertransire, ideo fidelitati vestrae firmiter praecipiendo mandamus, quatenus mox visis harum continentiis praesente testimonio capituli ecclesiae Transsiluanae, quod per ipsum capitulum ad id serie praesentium transmitti iubemus, si per diligens scrutinium praedictos nostros populos et hospites de dominio praedictae terrae infra tempus absentiae nostrae maiestatis praedictum ut praemittitur potentialiter et sine lege exclusos fore comperieritis, ex tunc confestim excluso de eadem terra praefato Thoma Farkas eandem rursus et iterum memoratis populis et hospitibus nostris de Nempty alias de Beyerdorff restituentes et reappropriantes¹⁾ ex parte praefati Thomae Farkas dictis nostris populis et hospitibus super praemissis actibus potentiariis ac damnis et expensis exinde secutis plenam et omnimodam ac indilatam satisfactionem adeo impendere et exhibere debeatis, ut in his fielitas vestra nostrae maiestatis mandata videatur plenarie adimplesse. Volumus etenim ut, ubi praefatus Thomas Farkas praemissam terram sic ut praefertur per ipsum occupatam resignare nollet, ex tunc eundem ad eiusdem terrae resignationem per iurium suorum possessionariorum occupationem nostrae maiestati occupandorum et tam diu donec aliud a nobis habueritis in mandatis conservandorum artius compellentes praedictos nostros populos et hospites in dominio huiusmodi terrae auctoritate nostra regia praesentibus in hac parte vobis²⁾ attributa mediante contra praefatum Thomam Farkas et quoslibet alios protegere, conservare et indemniter manutenere debeatis. Seriem autem praemissorum et quemadmodum huiusmodi nostra mandata curabitis debito effectui mancipare in literis memorati capituli nostrae fideliter rescribi demandamus maiestati. Praesentibus perlectis exhibenti semper restitutis. Datum cis Renum in civitate Spirensi, feria secunda proxima post festum beati Jacobi apostoli, [S. 625] anno domini M^o CCCC^o quarto decimo, regnorum nostrorum anno Hungariae et cetera XXVIII^o Romanorum vero quarto.

Unter dem Siegel: Propria commissio domini regis.

Auf der Rückseite, von einer Hand des 15. Jahrhunderts: Pro Bayerdorf contra Thomam Farckasch.


a) Seitenumbruch im Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 623, 1-2 auf S. 624.^{^}
b) Ausstellungsort im UB als: Speier.^{^}
[S. 623]
1) Über der Zeile nachgetragen.^{^}
2) Hierauf: et [unterpunktet].^{^}
[S. 624]
1) re über der Zeile nachgetragen.^{^}
2) Über der Zeile nachgetragen.^{^}