Urkunde Nr. 1753 aus Band III

Seite im UB:

631-633

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1753

1414 Oktober 10 König Sigmund bekräftigt für die Stadt Klausenburg die Urkunde des Vizewoiwoden Ladislaus von 1413 Nr. »1723 mit der Urkunde des Königs Sigmund von 1412 Nr. »1694, betreffend die Begehung der Hattertgrenzen der Stadt Klausenburg einerseits und der Besitzung Fejerd andererseits, ferner die Urkunde des Kolozsmonostorer Konventes von 1413 Nr. »1728mit der Urkunde des Königs Sigmund von 1412 Nr. »1694, betreffend die Begehung der Hattertgrenzen der Stadt Klausenburg einerseits und der Besitzung Fejerd andererseits.

Von der Kanzlei: Relatio domini Johannis archiepiscopi Strigoniensis et vicarii generalis regiae maiestatis in regno Hungariae constituti. [S. 632]

Sigismundus¹⁾ dei gratia Romanorum rex semper augustus ac Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis necnon Bohemiae et Lucemburgensis heres omnibus Christi fidelibus tam praesentibus quam futuris praesentium notitiam habituris salutem in omnium salvatore. Circumspecta regiae providentia dignitatis commoditatibus subditorum invigilans ad ea, quae ipsorum sicuti fidei et devotionis incrementa promovent sic non minus numerositatem augmentant, libenter intendit et in his eorum petitionibus inclinare benigne consuevit. Proinde ad universorum notitiam harum serie volumus pervenire, quod fideles nostri providi viri Laurencius Schlewing iudex civitatis nostrae de Cluswar ac Jacobus artium liberalium magister iuratus civis eiusdem civitatis eorum ac universorum civium, hospitum et populorum eiusdem nostrae civitatis nominibus et in personis nostrae celsitudinis venientes in conspectum exhibuerunt nobis quasdam duas literas, unam magistri Ladislai de Nadab vicevaivodae Transsiluani et aliam conventus monasterii beatae Mariae virginis de Clusmonostra privilegiales, super legitima reambulatione et metarum erectione ac renovatione praefatae civitatis nostrae Cluswar ac cuiusdam terrae litigiosae inter eandem civitatem nostram et possessionem Feyrd vocatam existentis, a parte praedictae possessionis Feyrd habitarum necnon statutione terrarum arabilium, pratorum, nemorum et fenilium aliarumque utilitatum dictae terrae litigiosae sub distinctionibus earundem metarum modo et forma literis in subscriptis plenius expressis, pro dictis civibus, hospitibus et populis factis confectas et emanatas tenorum subsequentium, supplicantes exinde memorati Laurencius et Jacobus eorum et nominibus quibus supra culmini nostro humiliter et devote, ut easdem literas ratas, gratas et acceptas habendo nostrisque literis similiter privilegialibus verbotenus inseri faciendo pro ipsis eorumque heredibus et posteritatibus universis innovantes perpetuo valituras dignaremur confirmare. Quarum unius videlicet ipsius Ladislai vicevaivodae literae privilegialis tenor is est. (Folgt die Urkunde des Vizewoiwoden Ladislaus von 1413 Nr. »1723 mit der Urkunde des Königs Sigmund von 1412 Nr. »1694.) Alterius vero ut puta ante dicti conventus de Clusmonostra literae similiter privilegialis continentia verbalis dignoscitur fore talis. (Folgt die Urkunde des Kolozsmonostorer Konventes von 1413 Nr. »1728 mit der Urkunde des Königs Sigmund von 1412 Nr. »1694.) Nos igitur humillimis et devotis annotatorum Laurencii iudicis ac magistri Jacobi iurati civis supplicationibus ante fatis per ipsos eorum ac nominibus quibus supra nostrae subiective oblatis maiestati regia benignitate exauditis et clementer admissis praefatas binas literas, unam videlicet ipsius Ladislai vicevaivodae Transsiluani et aliam annotati conventus monasterii de Clusmonostra privilegiales, non abrasas, non cancellatas nec in aliqua earum parte suspectas sed prorsus omni vitio et suspicione carentes immo merae et sincerae veritatis integritate praepollentes praesentibusque de verbo ad verbum sine diminutione et augmento aliquali insertas quoad omnes earum articulos, clausulas et continentias eatenus, quatenus eaedem rite et rationabiliter sunt emanatae et vires earum veritati suffragantur, acceptamus, [S. 633] approbamus et ratificamus, eas nihilominus tum requirentibus fidelitatibus et fidelium servitiorum gratuitis meritis et sinceris famulatibus dictorum civium, hospitum et populorum nostrorum de dicta Cluswar per ipsos nobis locis et temporibus opportunis laudabiliter exhibitis et impensis, tum etenim pro uberiori et commodosiori statu et augmentatione ipsius nostrae civitatis Cluswar tranquilliorique pace et quiete civium, hospitum, populorum et incolarum in eadem gratulantium simul cum reambulatione, limitatione, consignatione, erectioneque et renovatione metarum dictae civitatis Cluswar a parte possessionis Feyrd ac terrae litigiosae inter easdem civitatem nostram Cluswar et dictam possessionem Feyrd existentis, necnon terrarum arabilium, pratorum, nemorum et fenilium aliarumque utilitatum dictae terrae litigiosae iuxta distinctiones metales modo quo supra factas statutione praemissa aliisque omnibus et singulis superius in tenoribus iam dictarum geminarum literarum latius explicatis et contentis mera auctoritate regia et potestatis plenitudine ac ex certa scientia nostrae maiestatis de consensu et beneplacito serenissimae principis dominae Barbarae reginae consortis nostrae carissimae praelatorumque et baronum nostrorum consilio praematuro ac uniformi decreto eorundem pro eisdem civibus, hospitibus, populis et incolis nostris de dicta Cluswar eorumque heredibus et posteritatibus universis innovantes perpetuo valituras confirmamus praesentis scripti nostri patrocinio mediante, salvis iuribus alienis. In cuius rei memoriam firmitatemque perpetuam praesentes eisdem concessimus literas nostras privilegiales, pendentis, authentici, duplicis sigilli nostri maioris, quo videlicet ut rex Hungariae utimur, munimine roboratas. Datum per manus reverendi in Christo patris domini Eberhardi episcopi Zagrabiensis, aulae nostrae summi cancellarii fidelis nostri dilecti, anno domini millesimo quadringentesimo quarto decimo, sexto Idus Octobris, regnorum autem nostrorum anno Hungariae et cetera vigesimo octavo, Romanorum vero quinto. Venerabilibus in Christo patribus dominis Johanne Strigoniensi, Colocensi et Jadrensi sedibus vacantibus, Duymo Spalatensi et Andrea Ragusyensi archiepiscopis, eodem domino Eberhardo Zagrabiensi, Andrea Waradiensi, Stephano Transsiluano, Stiborio Agriensi, Johanne Quinqueecclesiensi, Benedicto Boznensi, Johanne Jawriensi, fratribus Philippo Vacyensi, Dosa Chanadiensi, Hincone Nittriensi et Thoma Senniensi ecclesiarum episcopis ecclesias dei feliciter gubernantibus,¹⁾ Wesprimiensi, Syrimiensi, Traguriensi, Tininiensi, Sibinicensi, Nonensi, Makarensi, Pharensi et Corbauiensi sedibus vacantibus. Necnon magnificis viris Nicolao de Gara regni Hungariae praedicti palatino, vaivodatus Transsiluani et iudicatus curiae nostrae honoribus vacantibus, Johanne de Medwe Dalmaciae et Croaciae regnorum praedictorum, Ladislao et Emerico de Wylak Machouiensi, Paulo Chupor de Monozlo regni Sclauoniae banis, honore banatus Zewriniensis vacante, Johanne Bubek de Pelseuch tavarnicorum, Johanne filio Henrici de Thamasy ianitorum, Johanne Groff de Corbauia dapiferorum, Johanne filio Gregorii de Alsaan pincernarum, Petro Cheh agasonum nostrorum magistris et Kaplerio comite Posonyensi aliisque quampluribus regni nostri comitatus tenentibus et honores. [S. 634]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 632, 1 auf S. 633.^{^}
[S. 632]
1) Raum für S leer gelassen. -- Verlängerte Schrift.^{^}
[S. 633]
1) Vorlage: gubenatibus.^{^}