Urkunde Nr. 1761 aus Band III

Seite im UB:

640-641 ^a)

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

1761

Konstanz 1415 Januar 13 König Sigmund verbietet Henricus, dem Abt von Kolozsmonostor, die gegenüber den Klausenburgern bei der Einhebung des Weinzehntens verübten Ungerechtigkeiten. [S. 641]

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fideli nostro devoto venerabili domino fratri Henrico abbati monasterii beatae Mariae virginis de Clusmonstra salutem et gratiam. Gravis querela fidelium nostrorum universorum civium et hospitum nostrae civitatis Coluswar per Jacobum Polkyscher artium liberalium magistrum et Valentinum pellificem iuratos cives de eadem nobis allata nostrae maiestatis aures propulsavit vehementer, quomodo vos decimas vinorum vobis in territorio vestro ex parte ipsorum provenientes more, consuetudine et locis debitis ac consuetis derelictis cum urna seu mensura inconsueta et iniusta ac signeto ipsius nostrae civitatis minime consignata nimis graviter rigideque et superflue ab eisdem exigeretis¹⁾ et extorqueri faceretis²⁾ in eorum praeiudicium et damnum valde magnum, allegantes quod hoc pro eo faceretis, quia ipsi nonam et terragium de vinis ipsorum in dicto territorio vestrae ecclesiae procreatis vobis solvere recusarent. Uude cum nos, qui ex regii regiminis debito commodis et utilitatibus nostrorum fidelium signanter sacrae coronae regiae immediate subiectorum vigilantius intendere solemus, praefatos nostros cives et hospites ab huiusmodi abusiva et inconsueta ac superflua decimarum exactione aliisque molestiis et perturbationibus per vos indebite ut praefertur eis illatis et irrogatis penitus supportatos haberi volumus et quietos, igitur fidelitati vestrae firmiter praecipiendo mandamus, quatenus a modo in antea et deinceps praescriptas decimas vinorum ex parte ipsorum civium et hospitum nostrorum vobis provenire debentes more, consuetudine et locis ad id debitis et deputatis cum urna seu mensura iusta et alias consueta ab ipsis exigentes et exigi facientes eosdem nostros cives et hospites per huiusmodi superfluam decimarum exactionem peramplius quovis modo impedire, molestare et aggravare nullatenus praesumatis nec sitis ausi modo aliquali. Alioquin serie praesentium committimus fideli nostro dilecto magnifico Nicolao de Chaak vaivodae partium nostrarum Transsiluanarum vel ipsius vicevaivodis nunc constitutis et in futurum constituendis, ut ipsi vos et quoslibet alios iustitia suadente ab huiusmodi superflua et indebita decimarum exactione cohibeat et compescat in persona et auctoritate nostrae maiestatis praesentibus in hac parte sibi attributa mediante. Aliud igitur facere non ausuri prout nostram gratiam offendere formidatis. Praesentes etiam perlectas semper reddi volumus praesentanti. Datum Constanciae, octavo die festi epiphaniarum domini, anno eiusdem millesimo quadringentesimo quinto decimo, regnorum nostrorum anno Hungariae et cetera vicesimo octavo, Romanorum vero quinto. [S. 642]


a) Seitenumbruch nach Kopfregest.^{^}

1) Vorlage: exigeritis.^{^}
2) Vorlage: faceritis.^{^}