Urkunde Nr. 1779 aus Band III

Seite im UB:

670-678 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1243 - Abt.42: K. A. Stolzenburg [Parohia Ev. CA Slimnic], Nr. 7.

Druckvorlage:

nach Original

Abdruck als:

Volltext

Sprache:

Latein

---

1779

Konstanz 1415 Oktober 8 beziehungsweise 18, beziehungsweise November 8. Johann, päpstlicher Auditor, entscheidet den Zehntstreit zwischen Michael, dem Pfarrer von Stolzenburg, einerseits und Nikolaus, dem Pfarrer von Salzburg, andererseits zu Gunsten des genannten Michael.

In nomine domini amen.¹⁾ Pridem dominus Balthasar Cossa tunc Johannes papa XXIII quandam commissionis sive supplicationis cedulam per certum suum cursorem nobis Johanni de Thomariis de Bononia apostolicae sedis capellano et sacri palatii apostolici causarum auditori, decretorum doctori praesentari fecit, huiusmodi sub tenore. Pater sancte.²⁾ Dudum vertente lite et causa in partibus coram venerabili domino Oswaldo decano Cibinyensi Strigoniensis diocesis, vicario seu officiali generali in spiritualibus reverendi patris domini archiepiscopi Strigoniensis inter devotum vestrum venerabilem virum dominum Michaelem plebanum sive rectorem parochialis ecclesiae de Stolczenbergh dictae diocesis ex una parte et quendam dominum Nicolaum plebanum sive rectorem parochialis ecclesiae de Salisfodio eiusdem diocesis de et super certis decimis ac aliis in dicta causa deductis et ipsarum occasione parte ex altera, postquam idem decanus officialis ad multos actus processit inter dictas partes, dictam causam partibus ut dicitur consentientibus remisit [S. 671] ad sedem apostolicam. Dignetur igitur sanctitas¹⁾ vestra¹⁾ causam et causas praedictas, quae vertitur, vertuntur seu verti et esse sperantur inter dictas partes super decimis praedictis et earum occasione, alicui de venerabilibus viris dominis vestri sacri palatii apostolici causarum auditoribus committere audiendas, cognoscendas, decidendas et fine debito terminandas cum omnibus et singulis suis emergentibus incidentibus, dependentibus et connexis et cum potestate citandi dictum dominum Nicolaum in curia et extra et ad partes quoties opus erit non obstante, quod forsan causae huiusmodi non sint de ipsarum natura ad curiam Romanam legitime devolutae neque in ea de iuris necessitate tractandae et finiendae. In fine vero dictae commissionis sive supplicationis cedulae scripta erant de alterius manus²⁾ litera superiori literae ipsius cedulae penitus et omnino dissimili et diversa haec verba videlicet, de mandato domini nostri papae, audiat magister Johannes de Thomariis, citet ut petitur et iustitiam faciat. Ipsius siquidem commissionis vigore nos in causa et causis huiusmodi inter partes praedictas rite et legitime procedentes et ad domini Nicolai plebani sive rectoris parochialis ecclesiae de Salisfodio principalis in dicta commissionis sive supplicationis cedula principaliter nominati coram nobis iudicialiter comparentis et in nos tamquam in iudicem sibi competentem et nostrae iurisdictionis³⁾ consentientis instantiam, providum virum magistrum Johannem de Scribanis in Romana curia et honorabilis viri domini Michaelis rectoris sive plebani parochialis ecclesiae in Stolczenberg Strigoniensis diocesis principalis in eadem commissione ex adverso principaliter nominati procuratorem, prout de ipsius procurationis mandato nobis legitime edoctum exstiterat, ad dandum et recipiendum darique et recipi videndum libellum sive petitionem summariam in huiusmodi causa per certum dictae apostolicae sedis cursorem peremptorie citari mandavimus et fecimus ad certum peremptorium terminum competentem. In quo comparente in iudicio coram nobis magistro Johanne de Scribanis procuratore praedicto, procuratorio nomine quo supra et dicti domini Nicolai principalis non comparentis contumaciam accusante ipsumque per nos contumacem reputari petente et in eius contumaciam nonnullum libellum sive petitionem summariam pro parte sua ac huiusmodi causa [ debita]⁴⁾ in scriptis dante et offerente sub his verbis. Coram vobis⁵⁾ reverendo patre domino Johanne de Thomariis de Bononia decretorum doctore, domini nostri papae capellano et sui sacri palatii apostolici causarum et causae ac partibus infra scriptis ab eodem domino nostro papa auditore specialiter deputato proponit Johannes de Scribanis de Placentia procurator in curia Romana ac procurator et procuratorio nomine venerabilis viri domini Michaelis plebani sive rectoris parochialis ecclesiae de Stolczenbergh Strigoniensis diocesis contra et adversus quendam dominum Nicolaum pro plebano sive rectore parochialis ecclesiae de Salisfodio eiusdem diocesis se gerentem et quamlibet [S. 672] aliam personam pro eodem domino Nicolao in iudicio legitime comparentem coniunctim et divisim, et dicit et asserit et si negata fuerint probare intendit ea quae sequuntur citra tamen superfluam probationem. In primis dicit ac asserit, ponit et probare intendit, quod a .X. XX. XXX. XL. L. ac LX. et centum annis et citra et ultra et a tempore et per tempus, cuius initii seu contrarii hominum memoria non existit, civitas Strigoniensis habuit habereque consuevit ac hodie habet ecclesiam cathedralem et archiepiscopalem ac archiepiscopum pro tempore et certam et immutatam diocesim, et sic fuit et est verum, item quod in dicta diocesi et infra ipsam diocesim inter alia oppida in eadem diocesi existentia fuit et esse consuevit temporibus proxime supra scriptis et per ipsa tempora ac hodie est quoddam solenne oppidum vocatum communiter et appellatum Cibinium seu oppidum Cibiniense multis et diversis personis utriusque sexus populatum et habitatum habens magnum, latum et amplum territorium seu tenimentum distinctum et separatum a finibus et limitibus cuiuscumque alterius territorii seu tenimenti, sicque ut praedicitur fuit dictum, tentum, creditum et reputatum diciturque, tenetur, creditur et reputatur palam et publice, et sic fuit et est verum, item quod in dicta diocesi Strigoniensi ac infra ipsam diocesim necnon infra fines et limites territorii seu tenimenti dicti oppidi inter ceteras alias parochiales ecclesias in eodem territorio seu tenimento existentes fuerunt et esse consueverunt temporibus proxime supra scriptis et per ipsa tempora ac hodie sunt duae parochiales ecclesiae una videlicet vocata et appellata ecclesia parochialis in Stolczenbergh et alia vocata et appellata ecclesia parochialis de Salisfodio, et sic fuit et est verum, item quod utraque dictarum parochialium ecclesiarum habuit habereque consuevit temporibus proxime supra scriptis et per ipsa tempora ac hodie habet certam latam et limitatam parochiam seu certos fines et limites distinctos et separatos a finibus et limitibus cuiuslibet alterius parochialis ecclesiae, necnon multos parochianos utriusque sexus, fontem baptismalem, cimiterium et campanas ac alia insignia parochialem ecclesiam facientia et demonstrantia, et sic fuit et est verum, item quod infra fines et limites distae parochialis ecclesiae de Stolczenberg fuerunt et esse consueverunt temporibus proxime supra scriptis et per ipsa tempora ac hodie sunt duo loca, quorum unus vocatur et appellatur Stynkenbrun et alius vocatur et appellatur Rutgenmolde, sicque ut praedicitur fuit dictum, tentum, creditum et reputatum diciturque, tenetur, creditur et reputatur palam et publice, et sic fuit et est verum, item quod infra fines et limites dictae parochialis ecclesiae de Stolczenberg et maxime in dictis locis videlicet Stynkenbrun et Rutgenmolde fuerunt et esse consueverunt temporibus proxime supra scriptis et per ipsa tempora ac hodie sunt multi et diversi campi terrarum tam culti quam inculti, sicque ut praedicitur fuit dictum, tentum, creditum et reputatum diciturque, tenetur, creditur et reputatur palam et publice, et sic fuit et est verum, item quod tam de iure communi quam de usu, more, consuetudine et observantia legitime praescriptis ac inconcusse et inviolabiliter observatis ipsis temporibus et per ipsa tempora omnes et singulae tam primitiae et novalia quam decimae ex terris et campis cultis et incultis in dictis locis videlicet Stynkenbrun et [S. 673] Rungenmolde situatis provenientes consueverunt spectare et pertinere ac spectarunt et pertinuerunt temporibus proxime supra scriptis et per ipsa tempora ad dominum pro tempore rectorem sive plebanum dictae parochialis ecclesiae de Stolczenberg ac hodie spectant et pertinent ad dictum dominum Michaelem modernum plebanum sive rectorem eiusdem parochialis ecclesiae de Stolczenberg solum et in solidum, sicque ut praedicitur fuit dictum, tentum, creditum et reputatum diciturque, tenetur, creditur et reputatur palam et publice, et sic fuit et est verum, item quod plebanus sive rector pro tempore dictae parochialis ecclesiae de Stolczenberg fuit et esse consuevit temporibus proxime supra scriptis et per ipsa tempora ac hodie est supra scriptus dominus Michael modernus plebanus sive rector eiusdem parochialis ecclesiae solum et in solidum de usu, more, consuetudine et observantia praedictis in possessione vel quasi pacifica et quieta iuris percipiendi, exigendi, levandi et habendi, ac percepit, exegit, levavit et habuit huiusmodi primitias, novalia et decimas ex dictis terris cultis et incultis in dictis locis videlicet Stynkenbrun et Rungenmolde situatis pro tempore provenientes et provenientia et de ipsis pro libito suae voluntatis disposuit salvis infra dicendis, sicque ut praedicitur fuit dictum, tentum, creditum et reputatum diciturque, tenetur, creditur et reputatur palam et publice, et sic fuit et est verum, item quod communis hominum opinio, assertio, credulitas et vera reputatio communeque dictum ac publica vox et fama fuit et est, quod primitiae et novalia ac decimae omnes et singulae ex terris cultis et incultis in territoriis sive locis de Stynkenbrun et Rungenmolde situatis provenientes de usu, more, consuetudine et observantia praedictis spectarunt et pertinuerunt ac spectare et pertinere consueverunt temporibus proxime supra scriptis et per ipsa tempora ad dominum pro tempore plebanum sive rectorem dictae parochialis ecclesiae de Stolczenberg ac hodie spectant et pertinent ad dictum dominum Michaelem modernum plebanum sive rectorem eiusdem parochialis ecclesiae solum et in solidum, et sic fuit et est verum, item quod haec praedictae primitiae, novalia et decimae spectaverunt et pertinuerunt ac spectent et pertineant ad dictum dominum Michaelem modernum plebanum sive rectorem dictae parochialis ecclesiae de Stolczenberg ratione eiusdem parochialis ecclesiae solum et in solidum ut superius est edoctum. Nihilominus tamen supra scriptus dominus Nicolaus assertus plebanus sive rector dictae parochialis ecclesiae de Salisfodio, postquam fuit assecutus corporalem possessionem eiusdem ecclesiae de Salisfodio, sunt forte decem anni, iuri et titulo competentibus dicto domino Michaeli rectori dictae parochialis ecclesiae de Stolczenbergh in dictis campis ac primitiis, novalibus et decimis ex ipsis provenientibus de facto, cum de iure non posset, se opposuit et opponit ac ex tunc dictas primitias et decimas occupavit et occupat et in usus suos damnabiliter convertit et ipsis praefatum dominum Michaelem spoliavit et spoliatum detinet impedivitque et impedit ac fecit et facit, quominus ipse dominus Michael valuerit et valeat ipsas decimas et primitias rehabere et recuperare et ipsis uti et gaudere ut deberet in ipsius domini Nicolai animae detrimentum et praefati domini Michaelis et iuris sui non modicum damnum, praeiudicium et gravamen, et sic fuit et est verum, item [S. 674] quod postmodum orta materia quaestionis in partibus coram venerabili viro domino Oswaldo plebano de Insula decano nuncupato in dicto oppido et eius territorio et tenimento reverendi patris domini archiepiscopi Strigoniensis in spiritualibus vicario generali super praedictis decimis et ipsarum occasione inter praedictas partes idem dominus Oswaldus vicarius nuncupatus decanus in causa ipsa procedens certam contra dictum dominum Nicolaum plebanum de Salisfodio tulit sententiam, per quam dictos campos videlicet Stynkenbrun et Rungenmolde territorio de Stolczenberg adiudicavit et postmodum dictas causas et ambas partes ad Romanam curiam remisit, et sic fuit et est verum, item quod de annis domini millesimo quadringentesimo sexto, millesimo quadringentesimo septimo et millesimo quadringentesimo octavo et ante et post et maxime tempore, quo fuit lata dicta sententia, praefatus dominus Oswaldus fuit et erat vicarius generalis dicti domini archiepiscopi in dicto oppido Cybiniensi et eius territorio, et ad ipsum tamquam ad talem habitus fuit et habebatur recursus, sicque ut praedicitur fuit dictum, tentum, creditum et reputatum diciturque, tenetur, creditur et reputatur palam et publice, et sic fuit et est verum, item quod communis hominum opinio, assertio, credulitas et vera reputatio communeque dictum ac publica vox et fama fuit et est, quod temporibus proxime supra scriptis et per ipsa tempora dictus dominus Oswaldus decanus nuncupatus fuit et erat vicarius generalis in spiritualibus dicti domini archiepiscopi in dicto oppido Cybiniensi et eius territorio et tenimento et ad ipsum tamquam ad talem habitus fuit et habebatur recursus, et sic fuit et est verum, item quod de praemissis omnibus et singulis fuit et est publica vox et fama. Item dat producta et producenda pro parte sua in hac causa pro libello ac positionibus et articulis in quantum faciunt et facere possunt pro dicta parte sua et contra partem adversam et non alias aliter nec ultra neque alio modo, item dat de notariis, notis signis et sigillis et protestatur ut fuit et est moris et stili sacri palatii apostolici causarum et curiae Romanae. Petit igitur dictus procurator nomine quo supra per vos dictum reverendum patrem dominum auditorem vestramque diffinitivam sententiam pronunciari, decerni et declarari, dictas primitias et decimas ad dictum dominum Michaelem modernum plebanum seu rectorem dictae parochialis ecclesiae de Stolczenberg ratione eiusdem parochialis ecclesiae solum et in solid um spectasse et pertinuisse ac spectare et pertinere sibique adiudicandas fore et per vos adiudicari, dictoque domino Nicolao asserto plebano seu rectori dictae parochialis ecclesiae de Salisfodio nullum ius competiisse seu competere in primitiis et decimis praedictis neque ad eas, praefatasque oppositiones, spoliationes, occupationes et detentiones ac impedimenta praedicta fuisse et esse temerarias, illicitas et iniustas ac de facto praesumptas ac temeraria, illicita et iniusta ac de facto praesumpta dictoque domino Nicolao super oppositionibus, spoliationibus, occupationibus, detentionibus ac impedimentis et primitiis et decimis praedictis perpetuum silentium imponendum fore et per vos imponi, necnon per dictum dominum Oswaldum in dicta causa bene fuisse et esse processum et sententiatum, ipsumque dominum Nicolaum condemnandum fore et per vos condemnari in decimis et primitiis per eum ex dictis terris [S. 675] perceptis et in expensis propterea factis et de percipiendis et faciendis. Protestatur et alias in et super praemissis sibi dicto nomine fieri iustitiae complementum, vestrum insuper benignum officium super praemissis et eorum quolibet humiliter implorando. Et praedicta omnia et singula dicit et petit dictus procurator nomine quo supra coniunctim et divisim ac alias omni meliori modo quo fieri potest et debet. Et quatenus praedicta in facto consistant et onus probandi ea sibi incumbat, petit per vos dictum reverendum patrem dominum auditorem compelli dictam partem adversam ad respondendum supra scriptis positionibus et articulis singulariter et singulis suo medio iuramento per verbum, credit vel non credit, et si negata fuerint, offert se nomine praedicto illa probaturum, ac petit se et partem suam admitti ad probandum eadem in curia et extra et super eisdem remissionem ad partes sibi decerni, ad superfluam probationem nullatenus se astringens. Alias protestatur de gravamine et appellando, salvo sibi dicto nomine iure addendi et cetera, ut fuit et est moris, et protestatur ut fuit et est moris et cetera. Quo sic oblato libello nos tunc dictum dominum Nicolaum plebanum sive rectorem principalem non comparentem neque termino huiusmodi licet debite exspectatum satisfacere curantem reputavimus exigente iustitia merito contumacem. Et subsequenter per dictum magistrum Johannem de Scribanis procuratorem procuratorio nomine quo supra ab una et discretum virum magistrum Petrum Fride in dicta Romana curia et domini Nicolai plebani ex adverso principalis praedicti procuratorem, prout de ipsius procurationis mandato nobis legitime constabat, coram nobis successive iudicialiter comparentes partibus ex altera, lite super dicto libello hinc inde legitime contestata ac per eos et eorum quemlibet similiter successive per nos ad hoc admissos ad mandatum nostrum et in nostris manibus tactis corporaliter scripturis sacrosanctis ad sancta dei evangelia de calumnia evitanda et veritate dicenda cum omnibus et singulis capitulis in et sub calumniae iuramento contentis more solito praestitis iuramentis nos tunc ad dicti magistri Johannis de Scribanis procuratoris instantiam praefatum magistrum Petrum Fride procuratorem ex adverso ad ponendum et articulandum ponique et articulari videndum in huiusmodi causa per certum dictae sedis cursorem peremptorie citari mandavimus et fecimus ad certum peremptorium terminum competentem. Quo adveniente comparuit in iudicio coram nobis magister Johannes de Scribanis procurator praedictus procuratorio nomine quo supra et dicti magistri Petri Fride procuratoris ex adverso non comparentis contumaciam accusavit ipsumque per nos contumacem reputari instanter postulavit et in eius contumaciam libellum praedictum pro parte sua in huiusmodi causa productum loco positionum et articulorum repetiit et reproduxit. Nos tunc dictum magistrum Petrum Fride procuratorem non comparentem neque termino huiusmodi licet debite exspectatum satisfacere curantem reputavimus exigente iustitia merito contumacem, et in eius contumaciam eundem ad dicti magistri Johannis de Scribanis procuratoris instantiam ad dicendum et excipiendum quidquid verbo vel in scriptis dicere sive excipere volebat contra dictos positiones et articulos, in quantum articuli, necnon ad respondendum eisdem, in quantum positiones existebant [S. 676] et esse censebantur, per certum dictae sedis cursorem citari mandavimus et fecimus ad certum peremptorium terminum competentem. Occurrente termino huiusmodi comparente in iudicio coram nobis magistro Johanne de Scribanis procuratore praedicto procuratorio nomine quo supra et dicti magistri Petri Fride procuratoris ex adverso non comparentis contumaciam accusante ipsumque per nos contumacem reputari instanter postulante nos tunc dictum magistrum Petrum Fride procuratorem non comparentem neque termino huiusmodi licet debite exspectatum satisfacere curantem reputavimus merito contumacem, et in eius contumaciam eundem ad dicti magistri Johannis de Scribanis procuratoris instantiam ad producendum et produci videndum omnia et singula iura, acta, literas, scripturas, instrumenta et munimenta, quibus in huiusmodi causa uti et se iuvare volebat, per certum sedis praedictae cursorem citari mandavimus peremptorie et fecimus ad certum peremptorium terminum competentem. In quo per dictum magistrum Johannem de Scribanis procuratorem procuratorio nomine quo supra dicti magistri Petri Fride procuratoris non comparentis contumacia accusata ipsumque per nos contumacem reputari instanter postulato¹⁾ et in eius contumaciam per eundem magistrum Johannem de Scribanis procuratorem procuratorio nomine quo supra coram nobis iudicialiter comparentem praedictis libello ac positionibus et articulis necnon iuribus et munimentis pro parte sua in huiusmodi causa productis, repetitis et reproductis ac quibusdam aliis iuribus et munimentis primo verbo et deinde in quodam alio ad hoc competenti termino facto, realiter et in scriptis pro parte sua in huiusmodi causa exhibitis et productis nos tunc dictum magistrum Petrum Fride procuratorem non comparentem neque termino huiusmodi licet debite exspectatum satisfacere curantem reputavimus exigente iustitia merito contumacem, et in eius contumaciam ad dicti magistri Johannis de Scribanis procuratoris instantiam praefatum magistrum Petrum Fride procuratorem ex adverso ad dicendum et excipiendum quidquid verbo vel in scriptis dicere sive excipere volebat contra dicta iura et munimenta per certum dictae sedis cursorem peremptorie citari mandavimus et fecimus ad certum peremptorium terminum competentem. In quo comparuit in iudicio coram nobis magister Johannes de Scribanis procurator praedictus procuratorio nomine quo supra et dicti magistri Petri Fride procuratoris ex adverso non comparentis contumaciam accusavit ipsumque per nos contumacem reputari instanter postulavit, nos tunc dictum magistrum Petrum Fride procuratorem non comparentem neque termino huiusmodi licet debite exspectatum satisfacere curantem reputavimus exigente iustitia merito contumacem. Postmodum vero per neutram partium in huiusmodi causa declarato,¹⁾ ac praefato domino Balthasare tunc Johanne papa XXIII eius demeritis exigentibus per sententiam diffinitivam sacri generalis concilii Constanciensis dignitate papali privato et ab eadem amoto, et deinde positionibus et articulis praedictis per nos ad probandum in Romana curia admissis et super eis per honorabilem virum magistrum Hermannum Spaen in Romana curia et dicti domini Michaelis principalis procuratorem, prout etiam de ipsius procurationis mandato [S. 677] nobis legitimis constabat documentis, nonnullis testibus fide dignis coram nobis productis eisque¹⁾ in forma iuris testium recipiendorum per nos rite receptis, admissis et iuratis ac de mandato nostro fideliter examinatis eorumque dictis et depositionibus in scriptis fideliter redactis, tandem²⁾ nos ad dicti magistri Hermanni Spaen procuratoris coram nobis iudicialiter comparentis instantiam praefatum magistrum Petrum Fride procuratorem ex adverso ad concludendum et concludi videndum vel dicendum et causam rationabilem si quam haberet allegandam, quare in huiusmodi causa minime concludi deberet, necnon ad audiendum diffinitivam per nos in huiusmodi causa ferri ac promulgari sententiam per certum sedis praedictae cursorem peremptorie citari mandavimus et fecimus ad diem et horam infra scriptas. His itaque die et hora advenientibus comparente in iudicio coram nobis magistro Hermanno Spaen procuratore praedicto, procuratorio nomine quo supra et dicti magistri Petri Fride procuratoris ex adverso non comparentis contumaciam accusante ipsumque contumacem reputari et in eius contumaciam quantum in eo erat in huiusmodi causa concludente ac una secum in eadem concludi et pro concluso haberi necnon diffinitivam pro se et parte sua et contra partem sibi adversam iuxta et secundum formam et tenorem dictae conclusionis libelli sic superius [assertam] ferri et promulgari sententiam per nos cum instantia debita postulavit. Nos igitur Johannes auditor praefatus dictum magistrum Petrum Fride procuratorem non comparentem neque termino huiusmodi licet debite exspectatum satisfacere curantem reputavimus exigente iustitia merito contumacem et in eius contumaciam una cum dicto magistro Hermanno Spaen procuratore concludente et secum concludi petente in huiusmodi causa duximus concludendum et conclusimus habuimusque et haberi voluimus in eadem pro concluso, et nihilominus visis per nos primitus et diligenter inspectis omnibus et singulis actis, actitatis, literis, scripturis, instrumentis, testium depositionibus aliisque iuribus et munimentis in huiusmodi causa habitis, exhibitis et productis eisque cum maturitate et diligentia debita recensitis de dominorum coauditorum nostrorum consilio et assensu, quibus de huiusmodi causae meritis relationem plenariam fecimus et fidelem, ad nostram diffinitivam in huiusmodi causa ferendam et promulgandam sententiam duximus procedendum et processimus eamque per ea quae vidimus et cognovimus in scriptis tulimus et praesentibus ferimus in hunc qui sequitur modum. Christi nomine invocato³⁾ pro tribunali sedentes et solum deum prae oculis habentes de dominorum coauditorum nostrorum consilio et assensu per hanc nostram sententiam diffinitivam quam ferimus in his scriptis pronunciamus, decernimus et declaramus dictas primitias et decimas ad dictum dominum Michaelem modern um plebanum seu rectorem dictae parochialis ecclesiae de Stolczenberg ratione eiusdem parochialis ecclesiae solum et in solidum spectasse et pertinuisse sibique adiudicandas fore et adiudicamus dictoque domino Nicolao asserto plebano sive rectori dictae parochialis ecclesiae de Salisfodio nullum ius competiisse seu com- [S. 678] petere in primitiis et decimis praedictis neque ad eas, praefatasque oppositiones, spoliationes, occupationes, detentiones et impedimenta praedictas et praedicta fuisse et esse temerarias, illicitas et iniustas et de facto praesumptas ac temeraria, illicita et iniusta et de facto praesumpta dictoque domino Nicolao de et super oppositionibus, spoliationibus, occupationibus, detentionibus et impedimentis ac primitiis et decimis praedictis perpetuum silentium imponendum fore et imponimus ipsumque dominum Nicolaum condemnandum fore et condemnamus in decimis et primitiis per eum ex dictis terris a tempore motae litis huiusmodi citra perceptis et in expensis in hac causa propterea factis, quarum expensarum taxationem nobis in posterum reservamus. In quorum¹⁾ omnium et singulorum fidem et testimonium praemissorum praesentes literas seu praesens publicum instrumentum exinde fieri et per Johannem Johannis notarium publicum nostrumque et huiusmodi causae²⁾ coram nobis scribam infra scriptum subscribi et publicari mandavimus nostrique sigilli fecimus appensione communiri. Lecta,³⁾ lata et in scriptis promulgata fuit haec praesens nostra diffinitiva sententia per nos Johannem auditorem praefatum Constanciae provinciae Maguntinae in ecclesia sancti Stephani pro audientia causarum apostolica specialiter deputata nobis inibi mane hora causarum ad iura reddendum in loco nostro solito pro tribunali sedentibus sub anno a nativitate domini millesimo quadringentesimo quinto decimo, indictione octava, die Veneris⁴⁾ octava⁴⁾ mensis Octobris,⁴⁾ apostolica sede pastore vacante, tempore generalis concilii Constanciensis. Praesentibus ibidem discretis viris magistris Petro Vannyn de Oestrawyc et Theoderico de Lync notariis publicis scribisque nostris clericis Leodiensis et Traiectensis diocesis testibus ad praemissa vocatis specialiter et rogatis et cetera.

Notarzeichen mit der Inschrift: Jo. Johannis de Breidbach.
Et ego Johannes Johannis de Breidbach clericus Coloniensis publicus apostolica et imperiali auctoritatibus notarius necnon reverendi patris domini Johannis de Thomarys de Bononia auditoris praefati et huiusmodi causae coram eo scriba, quia praedictis sententiae diffinitivae promulgationi aliisque omnibus et singulis praemissis dum sic ut praemittitur agerentur et fierent una cum praenotatis testibus praesens interfui eaque sic fieri vidi et audivi, idcirco hoc praesens instrumentum publicum per alium me aliis occupato negotiis fideliter scriptum exinde de mandato dicti domini auditoris confeci, subscripsi et publicavi signoque et nomine meis solitis et consuetis una cum appensione ante dicti domini auditoris sigilli signavi in fidem et testimonium omnium et singulorum praemissorum rogatus et requisitus. ^b) [S. 679]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 670, 1-5 auf S. 671, keine auf S. 672-675, 1 auf S. 676, 1-3 auf S. 677, 1-4 auf S. 678.^{^}
b) Im UB in nach rechts eingerücktem Textblock.^{^}
[S. 670]
1) In nomine domini amen in verlängerter Schrift.^{^}
2) Pater sancte in kleiner verlängerter Schrift.^{^}
[S. 671]
1) Vorlage: s. v. [2x]^{^}
2) So Vorlage.^{^}
3) Vorlage: nostram iurisdictionem.^{^}
4) Schrift im Bug geschwunden, 2.3 Centimeter breit.^{^}
5) Coram vobis in kleiner verlängerter Schrift.^{^}
[S. 676]
1) So Vorlage. [2x]^{^}
[S. 677]
1) Hierauf: per.^{^}
2) Tandem in kleiner verlängerter Schrift.^{^}
3) Christi nomine invocato in kleiner verlängerter Schrift.^{^}
[S. 678]
1) In quorum in kleiner verlängerter Schrift.^{^}
2) Vorlage: causa.^{^}
3) Kleine verlängerte Schrift.^{^}
4) So Vorlage. [3x]^{^}