Urkunde Nr. 9030 aus Band IX
- Heute in:
- Kronstadt, Archiv der Honterusgemeinde
- Heutige Signatur:
- I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 179 recto.
- Druckvorlage:
- nach Abschrift
- Abdruck als:
- Regest
- Sprache:
- Latein
9030
Weidenbach 1483 Oktober 7 Der Burzenländer Dechant Johannes, Pleban in Zeiden, bestätigt eine Messestiftung des Honigberger Plebans Simon Thuesch und des Weidenbacher Plebans Nikolaus. Abschrift Archiv der Honterusgemeinde Kronstadt, I E 144, fol. 179r.
Druck: Studia in honorem Thomas Nägler (
») 91-92.
Druck und Faksimile: Zeitschrift für sieb. Landeskunde (
») XXXII, 2009, 191-192 bzw. 193.
Als Nachtrag zu Band VII wurde der Text von Gernot Nussbächer mit eingehenden Erläuterungen zu den genannten Personen veröffentlicht und erweitert nachgedruckt. Erwähnung fand diese Urkunde in Archiv, Neue Folge XXXIV, 1907, 187 und in Quellen Kronstadt VIII, 2, Seite XXIV.
Johannes, iuris pontifici doctor, plebanus in Czeyden, almi capituli Braschouiensisque decanus, universis et singulis praesens nostrum scriptum inspecturis notum facimus, quatenus honorabilis Symon Thuesch, artium baccalaureus et plebanus in Monte Mellis, ad nostram veniens praesentiam humiliter supplicans ut dignaremur ipsius propositum scilicet a Domino inspiratum tum restaurare et confirmare, quod ad salutem ipsius animae et omnium animarum refrigerium in mente statuit perficiendum in hunc modum et ordinem, sic ut dominus Nicolaus plebanus in Wydembach de ipsorum utriusque voluntate, singulis ebdomadis uno die missam pro defunctis velit et deberet in sua ecclesia celebrare per se aut per capellanum suum, praesertim tertia feria aut alio die certo superveniente ultimo impedimento, ita tamen ut saltem eadem ebdomada una celebratur missa pro defunctis ibidem, hac ordine observato sic ut prima collecta sit ista: trifidelius Deus omnium et cetera. Secunda collecta de omnibus sanctis, tertia vero collecta pro omnibus sacerdotibus defunctis. Similiter talem per omnia instituit missam idem praefatus dominus Symon in sua ecclesia in Monte Mellis feria quarta ibidem celebranda cum eisdem collectis utris pro quarum missarum celebratione et labore dedit in recompensam cuilibet plebano tam in Wydembach quam in Monte Mellis tria peccaria argentea et coclearia argentae X quae omnia in pondere continent marcas VI et II lotones, unum peccarium in Wydembach ponderat marcas I et lotones III, aliud peccarium marcas I, tertium peccarium marcas I minus lotones II, item coclearia X quodlibet ponderat lotones IIII. Item eisdem plebanis dedit unicuique equos IIII, quarum quilibet ad minimum valet florenos IIII. Item taurum unum in valorem florenorum IIII adminus, item vaccas duas bonas, item porcos VIII, ea tamen addicta conditione, ut ipsi praefati plebani suis successoribus astricti et obligati sint sub iuramento praestato eadem argenteria et alia omnia hic supra ennarata mittere eo modo ut ipsi a me percipiunt in eodem pondere et valore de successore in successorem perpetuis temporibus duraturis. Super haec omnia Nicolaus plebanus in Wydembach super addidit coclearia tria alterius formae quam ista X domini Symonis, quae eiusdem se firme promisit, et unum peccarium argenteum quod intra omnia est minimus quod prius legatum erat pro curia a quodam capellano de Wydembach, nomine Johannes Schöb. Haec omnia acta et facta sunt in dote ipsius domini Nicolai plebani in Wydembach coram reverendis et egregiis viris Johanne decretorum doctore et cetera, reverendo magistro Johannes Rwedel, plebano Coronensi, reverendo magistro Jeronimo, plebano in Hilthwin, honorabili domino Symone plebano in Rosenaw et honorabili domino Sigismundo plebano in Noua Civitate, nec non coram senioribus de eadem Wydembach et nostris capellanis pluribus ibidem existentibus VII
o die Octobris anno Domini millesimo quadringentesimo octuagesimo tertio.