Urkunde Nr. 3986 aus Band VII

Seite im UB:

5-6

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 350.

Druckvorlage:

nach Original

Abdruck als:

Volltext

Sprache:

Latein

---

3986

Bartfeld 1474 Februar 27 König Matthias vereinigt die Kerzer Abtei mit der Propstei der Hermannstädter Marienkirche.

[S. 6] Von der Kanzlei: De commissione propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos attentis et consideratis quanta fidelibus nostris prudentibus et circumspectis magistro civium nec non iudici et iuratis civibus civitatis nostrae Cibiniensis ceterisque septem et duarum sedium Saxonibus ex dissoluta vita et pravis actibus abbatum de Kercz hactenus provenerint incommoda, novissime vero reverendus pater dominus Raymundus episcopus, qui ipsam abbatiam tenebat, in commendam qualem contra illos excitaverit factionem, quae nisi maturo a nobis tempore congrua provisione restingui potuisset, levis occasio particulare malum in communem partium Transsiluanarum calamitatem facile convertisset. Animadvertentes etiam quanta abbatiae praefatae per malitiam et nefarios actus illorum, qui hucusque eam tenuerunt, continue desolatio impenderit, quantaque etiam imposterum iactura impendeat, nisi diligenti provisione circa id attendatur. Praecipue vero supplicationibus pro¹⁾ parte¹⁾ fidelium¹⁾ nostrorum praefatorum magistri civium, iudicis et iuratuium civium dictae civitatis nostrae Cibiniensis annuentes eo potissimum respectu, ut divinns cultus in memorata abbatia non negligatur. sed potius augeatur, eandem abbatiam de Kercz simul cum omnibus bonis et possessionibus suis ad praeposituram ecclesiae beatae Mariae virginis in civitate nostra Cibiniensis praefata constructam in perpetuum duximus annectendam et adiungendam annectimusque et adiungimus per praesentes. Ita tamen, quod super hoc ipsi cives civitatis nostrae Cibiniensis sedis apostolicae consensum obtinere debeant et teneantur. Tali etiam conditione apposita, ut ipsi cives provideant, quatenus tres presbiteri vita et conversatione probabiles per eos eligendi in praefatam abbatiam de Kercz collocentur, per quos diebus singulis tres missae bono modo et ordine celebrentur et in praefata ecclesia Cibiniensi perpetuis semper temporibus in quibuslibet feriis quintis missa de sacratissimo corpore Christi pro salute animae nostrae et nostrorum omnium celebranda disponatur. In cuius rei testimonium praesentes literas nostras sigillo nostro annulari communitas praefalis civibus duximus concedendas. Datum in civitate nostra Barthfa in dominica Invocavit, anno domini millesimo quadringentesimo septuagesimo quarto, regnorum nostrorum anno Hungariae et cetera decimo septimo, Bohemiae vero quinto.

Auf der Rückseite von gleichzeitiger Hand: Literae Mathiae regis rationem ablationis abbatiae de manibus abbatum explicatio.


1) Auf Rasur. [3x]^{^}